1

Cov uas hlub Vajtswv mloog Nws lus,

lawv ua neej nyob ntawm Nws xub ntiag txhua txhia hnub.

Los ntawm txoj kev coj qhia ntawm Nws cov lus,

ces lawv tau kev yooj yim, kev thaj yeeb, kev xyiv fab.

Cov uas hlub Vajtswv yog cov muaj lub siab ncaj ncees,

kiag thaum lawm to taub qhov tseeb, ces lawm xyaum ua nws.

Lawv mas yeej ua twb zoo xav txog Vajtswv tej kev xav tiag tiag,

thiab ua lawv tes dej num tiav hlo kom haum Nws lub siab.

Vajtswv foom koob hmoov rau cov uas hlub Nws,

Nws txoj kev txiav txim thiab kev rau txim mas yeej nrog nraim lawv tas li.

Kev nrhiav qhov tseeb thiab kev tau txais kev paub tseeb,

lawv tej kev qias vuab tsuab raug yaug kom dawb huv lawm.

Cov uas hlub Vajtswv mas muaj hauv paus ntsiab lus,

lawv tej kev xam pom thiab tej kev ua mas yoog raws qhov tseeb.

Yeej tsis muaj tej kev cai tswj los sis tej saw hlau xauv tes li;

lawv to taub qhov tseeb thiab tau dim plaws lawm.

2

Cov uas hlub Vajtswv mas hwm Nws,

lawv lees txais Nws txoj kev tshawb xyuas kom meej xhua yam.

Lawv sib koom tes zoo heev thiab ua hauj lwm rau Vajtswv,

lawv ua neej raws li qhov muaj tiag thiab ua tim khawv.

Cov uas hlub Vajtswv mas ncaj ncees rau Nws;

kev tau dhau tej kev sim siab ua rau lawm txoj kev tseeg ruaj khov.

Lawv tso plhuav lawv lub neej pem suab thiab txoj hmoo tseg,

los hlub Vajtswv Tus Uas Muaj Hwj Chim Loj Kawg Nkaus kawg siab kawg ntsws.

Cov uas hlub Vajtswv mas kaj siab tiag tiag,

lawv tau txais kev cawm dim los ntawm qhov kev txiav txim.

Lawv muab Vajtswv cov lus los ua lawv lub neej txoj sia.

Lawv ua neej nyob hauv txoj kev kaj ntawm Nws lub xub ntiag.

Cov uas hlub Vajtswv mas pe hawm Nws,

lawv qhuas Vajtswv txoj kev ncaj ncees thiab kev dawb huv.

Cov uas hlub Vajtswv mas muaj qhov tseeb,

lawv yuav ua tim khawv rau Vajtswv thiab txhawb nqa Vajtswv lub koob meej tas li.

los ntawm Raws Tus Me Nyuam Yaj Qab thiab Hu Cov Nkauj Tshiab