1

Qhov raug tsa sawv los rau ntawm Vajtswv lub xub ntiag

mas ua rau kuv lub siab muaj kev xyiv fab heev.

Cas qhov muaj kev xyiv fab rau Vajtswv cov lus ntawd mas qab zib ua luaj.

Txawm yuav mos muag los sis nyaum los xij, Nws cov lus ua rau kuv tau txiaj ntsim.

To taub qhov tseeb, mas kuv lub siab kaj lug xwb.

Au, Vajtswv Tus Uas Muaj Hwj Chim Loj Kawg Nkaus uas kuv hlub,

Vajtswv Tus Uas Muaj Hwj Chim Loj Kawg Nkaus uas kuv hlub.

Cas qhov tseeb uas muab los no yuav muaj nuj nqis ua luaj!

Cov lus tshiab, txoj kev kaj tshiab.

Qhov muaj Vajtswv coj kev thiab nyob rau hauv txoj kev kaj ntawd

mas ua rau muaj kev zoo siab tiag tiag li.

2

Kuv nyeem Vajtswv cov lus thiab nyob rau ntawm Vajtswv lub xub ntiag txhua hnub.

Vim qhov lees txais Vajtswv txoj kev txiav txim, kuv tus moj yam thiaj li hloov lawm.

Mob nrog kev zoo siab, luag nrog kua muag—

Kuv saj tej ntawd tag nrho, saj tej ntawd tag nrho.

Qhov tawg paj txi txiv ntawm lub neej txoj sia yog Vajtswv tus kheej ob txhais tes cob ua tag nrho.

Au, Vajtswv Tus Uas Muaj Hwj Chim Loj Kawg Nkaus uas kuv hlub,

Vajtswv Tus Uas Muaj Hwj Chim Loj Kawg Nkaus uas kuv hlub.

Cas Koj tus moj yam ncaj ncees yuav ntxim hlub ua luaj!

Koj cov lus txiav txim thiab txhawb peb zog.

Koj cov lus yaug peb dawb huv thiab cawm peb dim, pab tib neeg no.

3

Cas yuav yog ib qho koob hmoov loj ua luaj uas tau txais Vajtswv txoj kev hlub!

Thaum peb tau txais qhov tseeb lawm, lub neej yeej tsis nkim pov tseg li.

Peb ua siab ncaj ncees muab peb tus kheej fij rau

thiab tsis ntshai txoj kev txom nyem los sis tsis ntshai sab li.

Peb lees txais Vajtswv tes hauj lwm, tshaj tawm thiab ua tim khawv rau Nws.

Au, Vajtswv Tus Uas Muaj Hwj Chim Loj Kawg Nkaus uas kuv hlub,

Vajtswv Tus Uas Muaj Hwj Chim Loj Kawg Nkaus uas kuv hlub.

Koj raug kev txom nyem yam phem heev los cawm tib neeg ntiaj teb.

Peb muab peb lub siab fij rau Koj.

Peb yuav ua peb tej dej num kom zoo kom kawg peb lub siab lub ntsws los pauj rau Koj.

Au, cov kwv tij thiab cov nkauj muam, cov kwv tij thiab cov nkauj muam,

cia li koom ua ib lub siab hlub Vajtswv,

ua raws li Nws lub siab nyiam thiab xav txog Nws tej kev npaj siab, Nws tej kev npaj siab.

Cia li caum qhov tseeb thiab ua neej kom zoo nkaus li tib neeg

los qhuas Vajtswv, los qhuas Vajtswv.

los ntawm Raws Tus Me Nyuam Yaj Qab thiab Hu Cov Nkauj Tshiab