1

Au Vajtswv! Txawm hais tias kuv txoj sia tsis muaj nqis ntau rau Koj los, kuv xav muab nws cob fij rau Koj. Txawm hais tias tib neeg tsis tsim nyog hlub Koj, thiab lawv txoj kev hlub thiab lub siab tsis muaj nuj nqis dab tsi li los, kuv ntseeg hais tias Koj yeej paub tib neeg tej kev npaj siab lawm. Thiab txawm hais tias tib neeg cev nqaij daim tawv tsis zoo kom raws li qhov Koj lees txais los, kuv xav kom Koj lees txais kuv lub siab. Kuv txaus siab muab kuv lub siab tag nrho cob fij rau Vajtswv. Txawm hais tias kuv ua tsis tau ib yam dab tsi rau Vajtswv los, kuv txaus siab hlo ua lub siab ncaj ua kom Vajtswv txaus siab thiab ua ib lub siab lub ntsws rau Nws xwb. Kuv ntseeg tias Vajtswv yeej yuav tshawb xyuas kuv lub siab kom meej.

2

Au Vajtswv! Kuv tsis thov dab tsi nyob hauv kuv lub neej li tiam sis xav kom Vajtswv lees txais kuv tej kev xav ntawm txoj kev hlub Vajtswv thiab kuv lub siab txoj kev ntshaw xwb. Kuv twb nrog Vajtswv los tau ntev heev lawm, tab sis kuv yeej tsis hlub Nws li; qhov ntawd yog kuv qhov nuj nqi loj tshaj plaws. Txawm hais tias kuv nrog Nws nyob los, kuv yeej tsis paub Nws li, thiab kuv haj tseem hais tau tej yam uas tsis zoo thaum Nws tsis nyob ntawd lawm thiab. Thaum xav txog tej no mas ua rau kuv haj yam hnov hais tias kuv tshuav Vajtswv nqi ntau tshaj. Kuv tsis muaj nqis npaum li tej hmoov av. Kuv ua tsis tau dab tsi li tiam sis tsuas muab tau kuv lub siab ncaj no fij rau Vajtswv xwb.

los ntawm Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Petus Los Paub Yexus Tau Li Cas