1

Vajtswv tau los nrog tib neeg nyob hauv ntiaj teb, los nthuav ntau qhov tseeb tawm.

Kuv tsis tshawb nrhiav rau hauv qhov uas pom tsis meej lawm,

vim kuv muaj Vajtswv cov lus los coj kuv kev lawm.

Txhua hnub, kuv noj thiab haus Vajtswv cov lus thiab nyob rau ntawm Vajtswv xub ntiag;

Vajntsujplig qhia kuv thiab qhia kom kuv paub tseeb.

Kuv yim to taub qhov tseeb meej ntxiv, thiab kuv lub neej nce qib txhua hnub.

Vajtswv cov lus muab tag nrho qhov muaj tseeb

ntawm tib neeg txoj kev qias vuab tsuab qhia tshwm,

ua rau txhua tus ntseeg tag nrho.

Los ntawm txoj kev txiav txim ntawm Vajtswv cov lus thiab raug ntau yam kev sim siab,

kuv tus moj yam qias vuab tsuab thiaj li raug yaug dawb huv lawm.

Txaus siab rau qhov nplua nuj ntawm Vajtswv cov lus, kuv yeej tau txais ntau yam tiag tiag.

Thaum pom txoj kev ncaj ncees thiab kev dawb huv ntawm Vajtswv tus moj yam lawm,

kuv hwm Vajtswv thiab qhuas Nws.

Vajtswv txhua lo lus yog qhov tseeb.

2

Thaum nyeem Vajtswv cov lus, kuv to taub qhov tseeb

es thiaj li hla dhau tej kev txwv ntawm lub cev nqaij daim tawv lawm.

Nrhiav qhov tseeb thiab zwm rau Vajtswv thaum kuv ua kuv tes dej num,

kuv ua neej zoo li ib tug neeg coj ncaj.

Kuv to taub qhov tseeb

thiaj li muab kuv tus moj yam qias vuab tsuab tso tseg;

qhov tseeb ntawm Vajtswv cov lus mas muaj nuj nqis heev.

Xyaum ua raws li Vajtswv cov lus, kuv tau txais qhov tseeb thiab txoj sia,

ces kuv lub siab thiaj li tsis thov dab tsi ntxiv li lawm.

Thaum pom tias Vajtswv txoj kev hlub loj thiab muaj tseeb npaum li cas lawm,

kuv thiaj li zoo siab hlo muab kuv lub siab tseeb rau Vajtswv.

Txawm txoj kev mus lawm tom ntej ntawd yuav nyuaj thiab phem npaum li cas los xij,

kuv yuav raws Vajtswv qab los ntawm txoj kev ntseeg uas loj.

Kuv caum txoj kev hlub Vajtswv thiab txoj kev hwm Vajtswv thiab ntxub kev phem;

txoj kev mus lawm tom ntej ntawd yim kaj zuj zus tuaj.

Kuv yuav raws Khetos qab mus kom txog thaum kawg kiag

thiab ua kom tiav kuv qhov kev ua siab ncaj

los tos txais qhov kev tshwm sim ntawm Vajtswv lub tsej muag uas luag ntxhi.

Vajtswv txhua lo lus yog qhov tseeb.

los ntawm Raws Tus Me Nyuam Yaj Qab thiab Hu Cov Nkauj Tshiab