1

Peb uas yog cov kwv tij thiab nkauj muam cia li hu ib zaj nkauj tshiab,

peb hnov zoo li ywj pheej thiab kaj siab heev.

Peb pom Vajtswv txoj kev ncaj ncees nyob rau hauv txoj kev rau txim;

peb qhuas Vajtswv tawm hauv peb nruab siab tuaj.

Peb cov uas yog kwv tij thiab muam tsim nyog zoo siab,

peb tsim nyog dhia paj paws zoo siab, dhia paj paws zoo siab,

thiab ua Vajtswv tsaug rau Nws txoj kev txiav txim thiab kev rau txim,

uas tau yaug peb dawb huv thiab hloov peb los ua cov tib neeg tshiab lawm.

Peb cov uas yog kwv tij thiab nkauj muam txhua tus cia li los qhuas Vajtswv;

peb los qhuas Vajtswv Tus Uas Muaj Hwj Chim Loj Kawg Nkaus,

tus uas txeeb tau, cawm tau, thiab muab tau ib pab tib neeg lawm,

cawm tau thiab muab tau ib pab tib neeg lawm.

2

Peb uas yog cov kwv tij thiab nkauj muam cia li hu ib zaj nkauj tshiab,

qhuas Vajtswv txoj kev ncaj ncees thiab kev dawb huv.

Tom qab yaug peb dawb huv peb zwm tau rau Vajtswv lawm;

qhov no yog Vajtswv txoj kev cawm dim uas loj tiag tiag.

Peb tau muab tsev neeg thiab tej khoom ntiaj teb tso tseg,

thiab peb ua peb tes dej num tiav los ntawm lub siab ncaj nceeg lawm.

Peb ntxeev siab rau peb lub cev nqaij daim tawv thiab xyaum ua qhov tseeb,

zwm rau Vajtswv thiab ua kom tau raws li Vajtswv tej kev npaj siab.

Peb cov uas yog kwv tij thiab nkauj muam txhua tus cia li los qhuas Vajtswv.

Peb qhuas tau Nws nyob rau ntawm Nws lub zwm txwv hauv ntej—

qhov no yog Vajtswv txoj hmoov hlub thiab txoj koob hmoov,

qhov no yog Vajtswv txoj hmoov hlub thiab txoj koob hmoov.

3

Peb uas yog cov kwv tij thiab nkauj muam cia li hu ib zaj nkauj tshiab,

hu hais tias Vajtswv tes hauj lwm loj twb tiav lawm.

Vim Nws txoj kev npaj cawm tib neeg rau txhiab xyoo,

Vajtswv thiaj li ua tau rau ib pab tib neeg zoo tiav log thiab muab tau ib pab tib neeg lawm.

Nws cov lus kov yeej peb, ua rau tus zaj loj liab ploog ntawd txaj muag heev lawm.

Vajtswv lub hwj chim, kev npau taws, thiab txoj kev txiav txim ntawd

muab Nws tus moj yam ncaj ncees nthuav tawm.

Peb cov uas yog kwv tij thiab nkauj muam txhua tus cia li los qhuas Vajtswv,

peb cov uas yog kwv tij thiab nkauj muam txhua tus cia li los qhuas Vajtswv,

los qhuas Vajtswv Tus Uas Muaj Hwj Chim Loj Kawg Nkaus tus uas kov yeej Ntxwgnyoog

thiab twb tau Nws lub koob meej tag nrho lawm.

4

Peb uas yog cov kwv tij thiab nkauj muam cia li hu ib zaj nkauj tshiab,

txoj kev xyiv fab uas nyob rau hauv lub nceeg vaj mas tsis muaj dab tsi piv tau li.

Peb twb tau pom Vajtswv lub koob meej lawm,

thiab peb lub siab uas kub lug mas dhia pig poog thiab xyiv fab heev.

Peb kua muag ntws si zoo siab, nyob rau hauv peb lub siab peb hu nkauj zoo siab heev.

Peb nthuav txoj kev hlub hauv peb lub siab tawm nrog kev seev cev uas zoo saib heev;

peb lub siab muaj kev ywj pheej thiab dim plaws lawm.

Peb cov uas yog kwv tij thiab nkauj muam txhua tus cia li los qhuas Vajtswv;

peb lub suab hu nkauj mas nrov thiab meej heev,

ua rau lub qab ntuj khwb, lub ntuj thiab lub ntiaj teb co qeeg nkaws tag nrho.

los ntawm Raws Tus Me Nyuam Yaj Qab thiab Hu Cov Nkauj Tshiab