1

Thaum hnov Vajtswv lub suab, kuv txais tos Nws thiab kuv lub siab xyiv fab heev.

Vajtswv txoj kev hlub tseeb thiab Nws cov lus

yog qhov kov yeej kuv lub siab tag nrho.

Vajtswv cov lus mas muaj nuj nqis heev thiab txhua lo lus ntawd yog qhov tseeb,

uas tuav kuv lub siab ruaj heev.

Thaum pom qhov Vajtswv zoo ntxim hlub, mas kuv xav txog Nws txoj kev hlub tas li xwb.

2

Thaum nyeem Vajtswv cov lus, kuv pom tias Vajtswv yog qhov tseeb;

Nws lub ntsej muag uas zoo nkauj ua rau kuv nyiam.

Vajtswv cov lus muab peb nthuav tawm, txiav txim rau peb, thiab qhuab qhia peb;

Nws cov lus zoo rub peb lub siab.

Kuv twb tau saj Vajtswv txoj kev hlub, thiab kuv lub neej txoj sia tus moj yam hloov pauv lawm.

Vajtswv txoj kev hlub kav kuv lub siab; kuv nyob tsis tau yog tsis muaj Nws.

3

Vim tej kev txom nyem thiab tej kev sim siab kuv thiaj li pom hais tias Vajtswv mas ntxim hlub heev

thiab Nws tus moj yam mas dawb huv thiab ncaj ncees.

Qhov raug Vajtswv cov lus txiav txim thiab sim ntawd, ua rau kuv tau txais qhov tseeb thiab txoj sia.

Kuv tus moj yam qias vuab tsuab raug yaug dawb huv lawm,

thiab kuv haj yam paub Vajtswv lub siab zoo thiab qhov zoo ntxim hlub lawm.

Kuv yuav hlub Vajtswv kom kawg kuv lub siab lub ntsws,

thiab muab kuv tus kheej tso rau ntawm txoj kev hlub tshua ntawm Nws txoj kev coj kev qhia,

yam tsis yws li.

4

Vajtswv txoj kev txiav txim thiab kev rau txim cawm tau tib neeg ntiaj teb lawm;

Vajtswv txoj kev hlub mas loj heev, thiab muaj tiag.

Txawm muaj ntau yam kev sim siab thiab kev lim tib neeg kom dawb huv los xij,

kuv muaj Vajtswv cov lus coj qhia.

Tab txawm tej kev txom nyem loj dua los kuv yeej tsis ntshai li.

Kuv muaj kev ntseeg Vajtswv tiag tiag,

thiab kuv yuav ua ib siab raws Nws qab kom mus txog hnub tuag.

Kuv yuav tiv txhua yam kev sim siab, txawm yuav muaj ntau npaum li cas los xij;

kuv txoj kev hlub Vajtswv hauv kuv lub siab yuav tsis hloov li.

los ntawm Raws Tus Me Nyuam Yaj Qab thiab Hu Cov Nkauj Tshiab