1

Vajtswv Tus Uas Muaj Hwj Chim Loj Kawg Nkaus yog tus Neeg Leej Tub uas tau tshwm los.

Nws nthuav qhov tseeb tawm thiab cawm tib neeg ntiaj teb.

Peb hnov Vajtswv lub suab thiab rov qab los rau ntawm Nws lub xub ntiag,

yog li ntawd txij no mus peb yuav tau koom rooj mov ntawm lub nceeg vaj saum ntuj ceeb tsheej.

Cov dej uas cawm txoj sia ntawm lub zwm txwv tau yug thiab pub peb,

yog li ntawd peb lub siab thiaj li muaj qhov pab thiab xyiv fab.

Qhov tau los tim ntsej tim muag nyob rau ntawm Vajtswv ntawd mas

tshaj peb tej kev npau suav lawm.

Peb noj thiab haus Vajtswv cov lus, to taub qhov tseeb,

thiab pom tseeb tseeb txog txoj kev tsaus ntuj thiab txoj kev phem ntawm lub ntiaj teb no.

Qhov raws Vajtswv Tus Uas Muaj Hwj Chim Loj Kawg Nkaus qab

ntawd mas yog txoj koob hmoov uas loj tshaj plaws ntawm txhua yam huv si.

Peb muab txhua yam tso tseg los muab peb tus kheej fij rau Vajtswv.

2

Qhov raug Vajtswv txoj kev txiav txim thiab kev rau txim ntawd,

yaug tau peb tus moj yam qias vuab tsuab dawb huv lawm.

Peb los paub Vajtswv txoj kev ncaj ncees thiab kev dawb huv,

thiab peb muaj txoj kev ntshai thiab kev hwm Vajtswv puv npo xwb.

Vajtswv txoj lus tau kov yeej peb thiab cawm tau peb lawm,

thiab qhov tau txais qhov tseeb ntawd, peb ua Vajtswv tsaug heev.

Peb ua lub siab ncaj ncees ua peb tej dej num

los ua kom tau raws li Vajtswv tej kev npaj siab,

ua kom tiav Vajtswv cov lus txib, kom tau txais kev pom zoo los ntawm Vajtswv.

Peb muaj hmoo heev uas tau txais Vajtswv txoj kev cawm dim nyob rau tiam kawg,

thiab qhov no yog vim Vajtswv txoj hmoov hlub thiab txoj koob hmoov nkaus xwb.

Qhov peb muaj peev xwm hlub tau Vajtswv niaj hnub no ntawd mas,

ua rau peb txaus siab tsis muaj hnub kawg li.

Peb ua Vajtswv tsaug tthiab qhuas Vajtswv.

3

Ntxwgnyoog caij tsuj thiab tsim txom peb yam tswj tsis tau li;

Vajtswv nrog nraim peb thaum raug tej kev txom nyem.

Vajtswv txoj lus coj peb kev thiab ua rau peb muaj kev ntseeg,

es peb thiaj li tsis ntshai Ntxwgnyoog ntxiv lawm.

Vajtswv txoj lus muaj cai thiab muaj hwj chim heev

thiab coj peb kev mus kov yeej txoj kev ua txoj kev tuag thiab Ntuj Tawg qhev lawm.

Peb txoj kev ntseeg zoo tiav log los ntawm tej kev txom nyem,

es peb thiaj li kov yeej Ntxwgnyoog thiab ua tim khawv nrov heev.

Peb muaj kev xyiv fab heev rau Vajtswv txoj kev hlub,

yog li ntawd peb thiaj li muab tag nrho peb tus kheej coj los pauj Nws txoj kev hlub uas loj heev.

Peb yuav ua lub siab ncaj ncees kom mus txog hnub tuag

thiab raws Vajtswv qab kom mus txog thaum kawg,

thiab peb yuav hlub thiab ua tim khawv rau Vajtswv mus tag ib txhiab ib txhis.

los ntawm Raws Tus Me Nyuam Yaj Qab thiab Hu Cov Nkauj Tshiab