1

Peb tuaj deb thiab ze tuaj sib sau ua ke rau hauv pawg ntseeg.

Muaj hmoo uas peb tau txais

txoj kev pab thiab kev ywg dej ntawm Vajtswv Tus Uas Muaj Hwj Chim Loj Kawg Nkaus cov lus.

Kev nyeem Vajtswv txoj lus thiab kev to taub qhov tseeb,

ua rau peb lub siab muaj kev qab zib puv npo.

Vajtswv Tus Kheej coj peb taug txoj kev kaj ntawm lub neej.

Txawm ntsib tej kev txom nyem thiab kev nyuaj yam suav tsis txheeb los,

Vajtswv nyob rawv ntawm peb ib sab,

thiab txawm peb raug txhua yam kev txom nyem los, peb twb tau loj hlob hauv lub neej lawm.

2

Peb taug Vajtswv Tus Uas Muaj Hwj Chim Loj Kawg Nkaus cov neev taw yam tiv heev,

Nws hais lus los coj qhia peb mus rau tom ntej txhua hnub.

Los ntawm Nws cov lus, Nws txiav txim thiab sim peb

kom los yaug peb txoj kev qias vuab tsuab kom dawb huv.

Peb hloov los ua cov tib neeg tshiab thiab peb lub siab dim plaws lawm.

Txawm ntsib tej kev txom nyem thiab kev nyuaj yam suav tsis txheeb los,

Vajtswv nyob rawv ntawm peb ib sab,

thiab txawm peb raug txhua yam kev txom nyem los, peb twb tau loj hlob hauv lub neej lawm.

3

Vim txoj kev txiav txim, tej kev sim siab, thiab tej kev lim kom dawb huv,

peb thiaj li tau ntsib tau pom Vajtswv txoj kev hlub.

Peb tau los paub Vajtswv tus moj yam ncaj ncees thiab hwm Nws hauv peb lub siab lawm.

Thaum to taub ntau qhov tseeb lawm,

peb haj yam mloog zoo li Vajtswv siab zoo thiab ntxim hlub heev,

thiab peb tau txiav txim siab los ua tim khawv kom zoo kawg nkaus

thiab nrov kawg nkaus rau Nws lawm.

Txawm ntsib tej kev txom nyem thiab kev nyuaj yam suav tsis txheeb los,

Vajtswv nyob rawv ntawm peb ib sab,

thiab txawm peb raug txhua yam kev txom nyem los, peb twb tau loj hlob hauv lub neej lawm.

4

Txoj kev tshaj tawm thiab txoj kev nthuav lub nceeg vaj txoj moo zoo kom dav,

mas yog Vajtswv txoj kev npaj siab uas yuav tau ua kom sai.

Yuav kom tshaj tau txoj moo zoo mus deb thiab dav,

mas peb txhua tus yuav tsum tau sib faib kev mus.

Txawm peb nyias nyob nyias ib qho chaw los, peb lub siab koom ib lub siab xwb.

Peb yuav siv zog thiab ua tiag tiag kom txog thaum kawg nkaus

kom ua rau lub nceeg vaj ntawd muaj tseeb.

Txawm ntsib tej kev txom nyem thiab kev nyuaj yam suav tsis txheeb los,

Vajtswv nyob rawv ntawm peb ib sab,

thiab txawm peb raug txhua yam kev txom nyem los, peb twb tau loj hlob hauv lub neej lawm.

Peb raws Vajtswv qab, mas txoj hauv kev tom ntej pom kev kaj lug dua.

los ntawm Raws Tus Me Nyuam Yaj Qab thiab Hu Cov Nkauj Tshiab