1

Muaj ntau zaus uas kuv xav qw nrov nrov,

tab sis tsis muaj qhov chaw uas yog li.

Muaj ntau zaus heev uas kuv xav hu nkauj nrov nrov,

tab sis nrhiav tsis tau ib lub suab li.

Muaj ntau zaus kuv xav nthuav ib tug uas raug tsim tawm los txoj kev hlub tawm.

Kuv tshawb nrhiav qhov siab thiab qhov qis, kuv tshawb nrhiav qhov siab thiab qhov qis,

tab sis kuv nrhiav tsis tau lus li.

Vajtswv Tus Uas Muaj Hwj Chim Loj Kawg Nkaus, Vajtswv Tus Uas Muaj Hwj Chim Loj Kawg Nkaus,

Koj yog txoj kev hlub nyob hauv kuv lub siab.

Kuv lub siab dhia tej phlaw,

kuv ob txhais tes tshee nyho los qhuas qhov Koj los rau hauv lub ntiaj teb no.

2

Tib neeg los ntawm hmoov av los, tsis muaj sia, tsis muaj sia li.

Vajtswv tsim tib neeg, thiab Nws muab txoj sia rau tib neeg

kom lawv thiaj li ciaj sia nyob rau hauv lub ntiaj teb.

Cas yuav tu siab ua luaj uas Ntxwgnyoog tau ua rau tib neeg qias vuab tsuab lawm,

lawv plam lub ntsiab thiab lub siab txawj xav lawm.

Tiam dhau tiam, lawv tau poob tsim los txog ntua rau niaj hnub no lawm.

Vajtswv Tus Uas Muaj Hwj Chim Loj Kawg Nkaus, Vajtswv Tus Uas Muaj Hwj Chim Loj Kawg Nkaus,

Koj yog txoj kev hlub nyob hauv kuv lub siab.

Kuv yog hmoov av tab sis pom Koj lub ntsej muag uas muaj koob meej.

Ua cas kuv thiaj li tsis nyo hau thiab pe hawm Koj?

3

Vajtswv tsim tib neeg thiab hlub lawv,

yog li Nws thiaj li los ua cev nqaij daim tawv dua es los cawm lawv.

Nws tau tiv txoj kev txaj muag thiab txhua hom kev mob siab,

thiab tau saj txhua qhov qab zib thiab iab ntawm lub neej lawm,

kom thiaj li coj tau tib neeg los rau ntawm ib txoj hau kev kawg uas zoo nkauj heev.

Vim muaj txoj kev cawm dim zoo li ntawd los rau peb,

ua cas peb ho tsis ua Nws tsaug yam tsis kawg li?

Vajtswv Tus Uas Muaj Hwj Chim Loj Kawg Nkaus, Vajtswv Tus Uas Muaj Hwj Chim Loj Kawg Nkaus,

Koj yog txoj kev hlub nyob hauv kuv lub siab.

Kuv raug ua qias vuab tsuab dhau lawm, tiam sis hnub no Koj tau cawm kuv dim lawm.

Ua cas kuv thiaj li tsis nyo hau thiab pe hawm Koj?

4

Hnub no kuv raug cawm dim lawm ces taug mus rau txoj kev yog,

tsuas yog los ntawm Vajtswv txoj hmoov hlub thiab txoj koob hmoov xwb.

Kuv zoo siab rau Vajtswv cov lus thiab raug Nws txoj kev txiav txim,

ces kuv thiaj li paub Nws txoj kev ncaj ncees thiab txoj kev dawb huv.

Qhov tiv txhua qhov kev tsim txom, kev mob siab thiab kev nyuaj ntawd,

kuv thiaj li ras tias tsuas yog Vajtswv xwb thiaj li ntxim hlub tshaj plaws.

Vim qhov tau ntsib tau pom Vajtswv tes hauj lwm es kuv thiaj li raug yaug dawb huv lawm,

thiab thaum kawg kuv thiaj li ua neej nyob rau hauv txoj kev kaj lawm.

Vajtswv Tus Uas Muaj Hwj Chim Loj Kawg Nkaus, Vajtswv Tus Uas Muaj Hwj Chim Loj Kawg Nkaus,

Koj yog txoj kev hlub nyob hauv kuv lub siab.

Ua raws li Koj tej kev npaj, ua tau zoo raws Koj tej kev xav,

ces kuv tsis xaiv ib yam dab tsi rau kuv tus kheej mus ntxiv lawm.

los ntawm Raws Tus Me Nyuam Yaj Qab thiab Hu Cov Nkauj Tshiab