1

Ib tug duab ci ntsa iab Sab Hnub Tuaj tuaj rau thaum sawv ntxov;

Tus Cawm Seej twb rov qab los nrog tib neeg ntiaj teb nyob lawm.

Lub nceeg vaj txoj sia tau pib lawm,

thiab txhua yam muaj ib qho cim tshiab txog txoj sia.

Twb kaj ntug lawm; qhov kaj ci tuaj rau ntawm peb ob lub qhov muag lawm,

ces thaum kawg tej kev cia siab txog ob txhiab xyoo ntawd thiaj li muaj tiag lawm.

Txhua hnub txhua hmoo uas muaj kev mob siab,

lub niaj lub xyoo uas tsis zoo tsis muaj nrog peb nyob mus ntxiv lawm.

2

Tej paj tawg, tsw ha ntxiag, thiab tej noog quaj zom zaws.

Vajtswv cov tib neeg tshaj tawm thiab ua tim khawv rau Neeg Leej Tub qhov kev rov los,

txhua tus ua lub suab raws li lawv tej kev xav.

Peb kub siab lug thov Vajtswv, hu nkauj nrov nrov,

peb txhos caug rau ntawm lub zwm txwv, thiab qhuas Vajtswv!

Cov kwv tij uas tuaj deb tuaj,

thiab cov nkauj muam uas tuaj thoob plaws lub ntiaj teb tuaj,

cia peb ua kev zoo siab ua ke!

3

Vajtswv Tus Uas Muaj Hwj Chim Loj Kawg Nkaus, Khetos ntawm tiam kawg,

tau tshwm hauv cev nqaij daim tawv los ua Nws tes hauj lwm nrog tib neeg ntiaj teb lawm.

Nws nthuav qhov tseeb tawm los txiav txim rau noob neej;

Nws cov lus ntxuav kom ib pab tib neeg dawb huv thiab ua kom ib pab tib neeg zoo tiav log.

Vajtswv cov lus yug peb lub siab;

qhov noj thiab haus cov lus ntawd coj kev pab cuam los rau peb lub neej.

Koj tus kheej mob siab rau tiag tiag, thiab kuv siv tag nrho kuv lub zog;

los ua ke, koom ua ib lub siab, es cia peb hlub Vajtswv.

4

Leej twg thiaj li tsis ntshaw nkag mus tau lub neej txoj sia ntawm Tiam Lub Nceeg Vaj?

Leej twg thiaj li tsis ntshaw qhov ntawd?

Vim txoj kev txiav txim, es peb txoj kev qias vuab tsuab thiaj li raug ntxuav dawb huv lawm;

Peb ua tsaug ntau ntau thiab qhuas Vajtswv.

Vajtswv cov lus, muaj cai thiab muaj hwj chim,

tau coj peb kov yeej Ntxwgnyoog kiag lawm.

Tag nrho Vajtswv cov tib neeg puav leej ua siab ncaj ncees ua lawv tej dej num tiav

los ua tau zoo raws Vajtswv tej kev xav lawm.

los ntawm Raws Tus Me Nyuam Yaj Qab thiab Hu Cov Nkauj Tshiab