1

Thov kom Vajtswv qhia peb, kom peb sawv daws thiaj li paub Nws qhov ntxim hlub, thiaj li hlub peb tus Vajtswv tawm hauv peb nruab siab tuaj, thiab nthuav txoj kev hlub uas peb sawv daws muaj tawm rau Vajtswv nyob rau hauv peb tej hauj lwm uas sib txawv; thov kom Vajtswv pub ib lub siab uas ruaj nrees thiab ua siab dawb paug hlub Nws rau peb—qhov no yog qhov uas Vajtswv vam. Peb cov uas yug nyob rau hauv daim av uas qias vuab tsuab no tau raug tus zaj loj liab ploog tsim txom hnyav heev, thiab yog li ntawd thiaj li muaj kev ntxub nws. Nws thaiv peb lub siab hlub Vajtswv thiab ntxias peb txoj kev ntshaw rau peb lub neej yav tom ntej. Nws ntxias kom peb xav phem, kom tawm tsam Vajtswv. Nws yog tus zaj loj liab ploog uas tau dag peb, ua rau peb qias vuab tsuab, thiab tsim txom peb los txog niaj hnub no, mus txog qhov uas peb tsis muaj peev xwm siv peb lub siab los pauj Vajtswv txoj kev hlub thiab, txawm peb xav hlub Vajtswv hauv peb lub siab los, peb tswj tsis tau peb tus kheej tej kev ua thiab tsis muaj zog kiag li.

2

Peb cov uas yug nyob rau hauv daim av uas qias vuab tsuab no tau raug tus zaj loj liab ploog tsim txom hnyav heev. Peb sawv daws puav leej yog cov uas raug nws tsim txom. Vim li no, peb thiaj li ntxub nws ti nkaus txha, thiab tsuas tau tos kom Vajtswv muab nws rhuav tshem xwb. Peb yuav tsum txiav txim siab los ua raws li Vajtswv lub siab nyiam—hlub Nws. Qhov no yog txoj kev uas peb yuav tsum taug. Qhov no yog lub neej uas peb yuav tsum ua. Peb yuav tsum muab qhov ua raws li Vajtswv lub siab nyiam ntawd los ua peb lub hom phiaj, thiab ua ib lub neej kom muaj qab hau thiab ci ntsa iab. Ua li ntawd es peb thiaj li yuav tuag yam tsis muaj kev khuv xim—tsuas yog peb ua li no xwb mas peb lub siab thiaj li yuav kaj. Thov kom Vajtswv qhia peb, kom peb sawv daws thiaj li paub Nws qhov ntxim hlub, thiaj li hlub peb tus Vajtswv tawm hauv peb nruab siab tuaj, thiab nthuav txoj kev hlub uas peb sawv daws muaj tawm rau Vajtswv nyob rau hauv peb tej hauj lwm uas sib txawv; thov kom Vajtswv pub ib lub siab uas ruaj nrees thiab ua siab dawb paug hlub Nws rau peb.

los ntawm Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Txoj Kev … (2)