1

Hu nkauj, hu nkauj! Hu ib zaj nkauj tshiab; peb twb hnov Vajtswv lub suab lawm.

Noj thiab haus Vajtswv cov lus mas muaj kev xyiv fab tiag tiag li,

to taub qhov tseeb mas ua rau peb txaus siab heev.

Peb lub neej txoj sia tus moj yam hloov lawm,

ua rau peb tau los nyob rau ntawm Vajtswv lub xub ntiag.

Lub neej ntawm pawg ntseeg mas xyiv fab tiag tiag li,

peb tau txais qhov tseeb thiab tau txais Vajtswv txoj kev cawm dim lawm.

Peb xyiv fab rau Vajtswv txoj kev hlub,

thiab peb tshaj tawm thiab ua tim khawv rau Vajtswv Tus Uas Muaj Hwj Chim Loj Kawg Nkaus.

2

Tsuag tsuag! Tsuag Tsuag! Caum rawv; tus Khetos ntawm tiam kawg twb los lawm.

Tsuag tsuag thiab caum rawv Vajtswv tus hneev taw;

Neeg Leej Tub ntawm tiam kawg twb tau los txog lawm.

Cas yuav ntxim hlub ua luaj uas raug muab tso tseg

vim txoj kev ntshaw tej kev txaus siab ntawm sab cev nqaij daim tawv!

Qhov tseem ceeb yog los ua peb tes dej num kom zoo;

to taub qhov tseeb mas thiaj li muaj kev xyiv fab.

Peb xyiv fab rau Vajtswv txoj kev hlub,

thiab peb tshaj tawm thiab ua tim khawv rau Vajtswv Tus Uas Muaj Hwj Chim Loj Kawg Nkaus.

3

Hej! Hej! Cov kwv tij thiab cov muam, kev caum qhov tseeb yog qhov tseem ceeb tshaj plaws.

Thaum peb lees txais txoj kev txiav txim thiab kev qhuab qhia lawm,

mas peb pom Vajtswv tej koob hmoov.

Yuav tsum tau muab peb tej moj yam qias vuab tsuab yaug kom dawb huv mas peb

thiaj li yuav zwm tau rau ntawm Vajtswv tiag tiag.

Qhov tau txais qhov tseeb ntawd ua rau peb muaj lub neej tshiab;

qhov Vajtswv cawm peb ntawd mas yog ib qho koob hmoov tiag tiag.

Peb xyiv fab rau Vajtswv txoj kev hlub,

thiab peb tshaj tawm thiab ua tim khawv rau Vajtswv Tus Uas Muaj Hwj Chim Loj Kawg Nkaus.

4

Hej! Hej! Vajtswv cov neeg,

peb tau koob hmoov heev uas tau paub Vajtswv Tus Uas Muaj Hwj Chim Loj Kawg Nkaus.

Peb twb pom Nws tus moj yam ncaj ncees, thiab muaj lub siab hwm Vajtswv lawm.

Peb twb tau ntsib tau pom Nws lub hwj chim uas loj kawg nkaus thiab lub tswv yim lawm,

yog li ntawd peb thiaj li qhuas tiag tiag.

Qhov peb muaj peev xwm ua tim khawv rau peb tus Vajtswv ntawd

mas yog Vajtswv txoj hmoov hlub thiab txoj koob hmoov xwb.

Peb xyiv fab rau Vajtswv txoj kev hlub,

thiab peb tshaj tawm thiab ua tim khawv rau Vajtswv Tus Uas Muaj Hwj Chim Loj Kawg Nkaus.

5

Tsuag tsuag! Tsuag Tsuag! Mus rau tom ntej, Vajtswv tes hauj lwm tab tom nce qib ceev heev.

Peb yuav raws Khetos qab kom mus txog hnub tuag; Vajtswv twb muab tau ib pab neeg lawm.

Peb tau ua tim khawv thaum raug teeb meem,

ua rau Ntxwgnyoog uas yog tus zaj loj liab ploog poob txaj muag!

Peb tau tso txhua yam tseg los caum Vajtswv,

thiab ua tim khawv zoo heev kom Nws txaus siab.

Peb xyiv fab rau Vajtswv txoj kev hlub,

thiab peb tshaj tawm thiab ua tim khawv rau Vajtswv Tus Uas Muaj Hwj Chim Loj Kawg Nkaus.

6

Saib ma! Saib ma! Vajtswv yeej lawm; Nws cov lus txhua lo tshwm tuaj lawm.

Ntxwgnyoog poob ntsej muag thiab swb lawm,

tus zaj loj liab ploog ntog lawm.

Vajtswv cov neeg muaj kev xyiv fab;

Vajtswv Tus Uas Muaj Hwj Chim Loj Kawg Nkaus tau koob meej lawm.

Tej kev puas tsuaj loj tau rhuav tshem tiam qub lawm;

Vajtswv lub nceeg vaj twb tshwm los lawm.

Peb xyiv fab rau Vajtswv txoj kev hlub,

thiab peb qhuas Vajtswv Tus Uas Muaj Hwj Chim Loj Kawg Nkaus kom txaus peb lub siab.

los ntawm Raws Tus Me Nyuam Yaj Qab thiab Hu Cov Nkauj Tshiab