1

Hu nkauj qhuas Vajtswv Tus Uas Muaj Hwj Chim Loj Kawg Nkaus.

Lub suab nkauj tawm hauv peb lub siab tuaj.

Qhuas Vajtswv tau rhais ua cev nqaij daim tawv nyob hauv ntiaj teb,

nthuav tawm qhov tseeb los yaug kom dawb huv thiab cawm tib neeg.

Peb hnov Nws lub suab thiab pom Nws tshwm sim.

Nrog lub siab uas muaj kev zoo siab puv npo, peb rov qab los rau hauv Vajtswv lub tsev.

Peb noj thiab haus Vajtswv tej lus, thiab xyiv fab rau tus Ntsujplig tes hauj lwm.

Peb to taub qhov tseeb thiab peb lub siab ces dim kiag lawm.

Peb pom tias Vajtswv cov lus yog qhov tseeb, yog txoj kev thiab yog txoj sia.

Cov lus ntawd yog txoj kev ntawm txoj sia ib txhis.

Cov lus ntawd yog txoj kev ntawm txoj sia ib txhis.

Vim li cas cov neeg Vajtswv xaiv thiaj li muaj kev xyiv fab?

Peb koom rooj mov ntawm lub nceeg vaj saum ntuj ceeb tsheej,

ua neej nyob ntawm Vajtswv lub xub ntiag.

Vim li cas Xi-oos thiaj qw tsis tseg li?

Vajtswv lub nceeg vaj twb los rau hauv lub ntiaj teb lawm.

2

Hu nkauj qhuas Vajtswv Tus Uas Muaj Hwj Chim Loj Kawg Nkaus.

Lub suab nkauj hu tawm peb txoj kev hlub rau Nws.

Qhuas Vajtswv txoj kev ncaj ncees thiab kev txiav txim uas muaj hwj chim tshaj,

uas yaug peb kom dawb huv thiab cawm peb tiav log.

Peb lees txais txoj kev txiav txim ntawm Nws cov lus,

thiab peb tej moj yam qias vuab tsuab raug yaug kom dawb huv lawm.

Txawm peb raug tej kev sim siab thiab tej kev lim kom dawb huv los,

peb tej moj yam tau hloov pauv lawm, thiab peb tau rhais ua cov neeg tshiab lawm.

Kev xyaum ua qhov tseeb ua rau peb dim plaws thiab nyob rau hauv kev kaj.

Peb hlub Vajtswv tiag tiag thiab ncaj ncees.

Peb hlub Vajtswv tiag tiag thiab ncaj ncees.

Vim li cas txhua tus tib neeg zwm rau Vajtswv?

Peb paub Vajtswv thiab muaj lub siab ntshai Vajtswv.

Vim li cas txhua tus tib neeg thiaj li ua ke qhuas Nws?

Peb dim ntawm Ntxwgnyoog thiab tau txais kev cawm dim.

3

Hu nkauj qhuas Vajtswv Tus Uas Muaj Hwj Chim Loj Kawg Nkaus.

Lub suab nkauj ua kom ntiaj teb huv si co qig txoog.

Qhuas Vajtswv tej lus uas qhia kom pom Nws lub hwj chim loj kawg nkaus,

uas kov yeej Ntxwgnyoog thiab tsim tau ib pab neeg muaj yeej.

Vajtswv cov lus tseb mus thoob plaws txhua haiv neeg thiab txhua daim av.

Khetos lub nceeg vaj ncaj ncees tau tshwm sim lawm.

Vajtswv tej lus muaj hwj chim tswj nyob rau lub ntiaj teb.

Txhua haiv neeg thiab txhua tus tib neeg pehawm Vajtswv ua ke.

Vajtswv cov tib neeg txhua tus ua neej nyob hauv kev kaj thiab los pe hawm Vajtswv,

xyiv fab hlo rau ntuj ceeb tsheej tej koob hmoov nyob hauv ntiaj teb,

xyiv fab hlo rau ntuj ceeb tsheej tej koob hmoov nyob hauv ntiaj teb.

Vim li cas txhua yam thiaj li xyiv fab ua ke?

Vajtswv ua tes hauj lwm uas loj tshaj tiav lawm thiab coj kev muaj yeej rov qab los.

Vim li cas lub ntuj thiab lub ntiaj teb mas zoo tshiab khiv tag nrho?

Vajtswv lub koob meej ci thoob plaws nruab ntug.

los ntawm Raws Tus Me Nyuam Yaj Qab thiab Hu Cov Nkauj Tshiab