1

Vajtswv Tus Uas Muaj Hwj Chim Loj Kawg Nkaus, Khetos ntawm tiam kawg,

nthuav qhov tseeb tawm thiab tshwm los

nyob rau Sab Hnub Tuaj uas muaj yeeb koob puv npo.

Peb hnov Vajtswv lub suab thiab rov qab los rau ntawm Nws xub ntiag.

Peb xyiv fab rau Vajtswv txoj lus thiab koom tus Me Nyuam Yaj rooj tshoob.

Cov kwv tij! Cia li hu nkauj!

Cia li qhuas Vajtswv rau qhov los nyob nrog tib neeg ntiaj teb lawm!

Cov muam! Cia li tawm tuaj seev cev!

Lub neej nyob rau hauv lub nceeg vaj mas zoo tiag tiag li!

Au! Qhov nyob rau ntawm Vajtswv xub ntiag mas cas yuav tau koob hmoov ua luaj!

2

Kev txiav txim nyob rau tiam kawg pib hauv Vajtswv lub tsev mus.

Kev qhia tshwm thiab kev txiav txim ntawm Nws txoj lus

ua rau peb tsis muaj chaw nkaum vim txaj muag.

Tom qab raug ntau yam kev lim kom dawb huv thiab kev mob siab lawm,

peb tus moj yam qias vuab tsuab thiaj li raug yaug dawb huv lawm;

peb tau txais qhov tseeb thiab txoj sia, thiab tau koob hmoov tiag tiag.

Cov kwv tij! Cia li los saib!

Lub nceeg vaj rooj mov uas muaj nplua mias mas cas yuav loj ua luaj li!

Cov muam! Cia li los mloog! Vajtswv txoj lus muaj hwj chim,

thiab nws twb kov yeej ntau plhom tus neeg lub siab lawm!

3

Thaum raug Vajtswv txoj kev txiav txim, peb pom Nws txoj kev ncaj ncees;

peb hwm Vajtswv thiab ua raws li Nws tej kev npaj tag nrho.

Peb tso peb tej kev cuam tshuam hauv ntiaj teb tseg

muab peb tus kheej fij rau Vajtswv kom tag siab nrho;

peb ua neej nyob tsis muaj kev tu siab los sis kev mob siab nyob rau hauv Vajtswv cov lus.

Cov kwv tij! Cia li tawm tuaj! Cia peb txhua tus ua tim khawv rau Vajtswv!

Cov muam! Tsis txhob tso tseg!

Cia peb muab peb lub siab tseeb los ua kom Vajtswv txaus siab!

Cia peb ua peb tes dej num kom tiav kom kawg peb lub siab lub ntsws!

4

Vajtswv tau ua kom muaj ib pab kov yeej lawm.

Vajtswv cov neeg puav leej tshaj tawm thiab ua tim khawv rau Nws tes hauj lwm.

Tab tom tshaj tawm lub nceeg vaj txoj moo zoo mus rau txhua lub teb chaws thoob ntiaj teb.

Peb zoo siab thiab qhuas Vajtswv

vim Nws lub hwj chim loj kawg nkaus thiab txawj ntse.

Cov kwv tij! Cia li hu cov nkauj tshiab!

Cia li qhuas Vajtswv rau qhov tau txais lub yeeb koob lawm!

Cov muam! Cia li tawm tuaj seev cev!

Cia li qhuas qhov ua tiav ntawm Vajtswv tes hauj lwm loj!

Peb yuav tsis muaj hnub tso peb txoj kev qhuas

Vajtswv Tus Uas Muaj Hwj Chim Loj Kawg Nkaus tseg li!

los ntawm Raws Tus Me Nyuam Yaj Qab thiab Hu Cov Nkauj Tshiab