1 Thaum muaj kev ntseeg Vajtswv los tau ntau lub xyoos, thiab muaj peev xwm tshaj qhia ntau cov kev qhuab qhia sab ntsujplig lawm, kuv xav tias kuv to taub qhov tseeb thiab tau txais qhov muaj tiag ntawm qhov tseeb lawm. Thaum muaj qee yam tshwm sim rau hauv txoj kev ua kuv tes dej num, kuv tau khav theeb thiab tau ua qhov tsis zoo rau kuv tus kheej. Kuv mas muaj tib lub siab rau hauv kuv txoj kev caum raws lub meej mom thiab suab npe, thiab keev muab kuv piv rau lwm tus. Txawm tias kuv tau fij, thiab tau muab kev tus kheej fij rau, thiab ua tau ua dej num thiab tau txom nyem los xij, kuv tau ua txhua yam kom tau txais koob hmoov thiab kom tau txais lub kaus mom vaj ntxwv. Kuv tau nqos txoj kev poob ntsej muag thiab tau ris lub nra hnyav heev rau kuv tus kheej lub koob npe thiab lub meej mom, tiam sis tseem ntseeg tias kuv tus kheej coj ncaj ncees rau Vajtswv. Nyob sab nrauv, kuv mas txo hwj chim tshaj thiab siab ntev kawg, tab sis kuv tus yeeb yam mas khav theeb tshaj plaws thiab qhuas tias yus tus kheej coj ncaj. Niaj hnub no, tsuas yog los ntawm kev ntsib kev pom Vajtswv txoj kev txiav txim thiab kev rau txim nkaus xwb thiaj li ua rau kuv tsim los pom qhov tseeb tias, txawm ntseeg Vajtswv los tau ntau lub xyoos lawm los xij, kuv tus moj yam tseem tsis hloov, thiab kuv tseem yog Ntxwgnyoog.

2 Tau qhia tshwm los ntawm tej kev sim siab, kuv thiaj paub tseeb tias kuv txoj kev lwj liam mas phem ua luaj li: Kuv tau txais lub meej mom thiab lub hwj chim, thiab xyaum raws li Povlauj taug txoj kev tawm tsam rau Vajtswv, keev txaus siab thiab qhuas thiab pom zoo rau lwm tus, ib txwm xav ua tus thawj coj uas muaj hwj chim siab tshaj lwm tus—kuv mas khav theeb thiab tsis txawj xav ua luaj li. Vajtswv cov lus tau chob kuv tus yeeb yam phem zoo li ob rab hniav ntaj ntsia: Yog kuv pheej xav siv lub hwj chim ntawm tus vaj ntxwv thiab tswj lwm tus tas li, kuv ho sib txawv ntawm Ntxwgnyoog li cas? Vajtswv tus moj yam mas ncaj ncees, dawb huv, thiab rhuav tsis tau los ntawm ib tug tib neeg twg. Kuv tau txhos caug hawm, ntshai tshee hnyo rau ntawm Vajtswv xub ntiag thiab tau lees lub txim ntawm kuv tej kev txhaum. Vajtswv txoj kev txiav txim tau yaug kuv kom dawb huv thiab tau cawm kuv. Kuv thiaj li tau saj Vajtswv txoj hlub tiag tiag tias zoo li cas.

3 Tsuas yog tom qab muaj kev ntsib kev pom txoj kev txiav txim lawm thiaj li los to taub tias tsis muaj dab tsi muaj nuj nqis tshaj txoj kev ntseeg Vajtswv thiab tau txais qhov tseeb. Lub meej mom thiab suab npe mas qhuav qhawv, thiab tsuas coj tib neeg nkag mus rau txoj kev puas tsuaj zuj zus xwb. Nws yog Vajtswv txoj kev txiav txim thiab kev rau txim uas tau tshuaj xyuas kuv tej kauj ruam phem; kuv tau txais kev to taub zoo thiab kev txiav txim ntawm Vajtswv cov lus thiab dhau los ntxub kuv tus kheej txoj kev lwj liam ntau ntxiv. Kuv tau los qhuas tias tsis muaj txoj kev hlub thiab kev tiv thaiv rau kuv loj tshaj Vajtswv txoj kev txiav txim. Kuv tau pom tias qhov tseeb mas muaj txiaj ntsim heev; nws muaj peev xwm yaug tib neeg kom dawb huv thiab ua kom tib neeg zoo tiav log, thiab txawm tias kuv ntsib kev mob tshaj plaws thiab kev tsim kho kom zoo los xij, kuv tseem yuav caum raws Khetos mus kom txog thaum kawg kiag. Txawm tias yuav mob loj npaum li cas los xij—tseem yuav tiv mus kom txog kuv txoj pa thaum kawg—kuv tseem yuav ua kuv tes dej num thiab coj lub yeeb koob los rau ntawm Vajtswv. Tsuas yog Vajtswv txoj kev hlub nkaus xwb thiaj li muaj tiag tshaj plaws, thiab kuv yuav ua tsaug thiab qhuas Vajtswv mus tag ib txhiab ib txhis.