1

Tus Vajtswv tseeb, tus uas nyob mus ib txhis,

hais Nws cov lus, tsim txhua yam ciaj sia.

Nws hais lus ces cia li muaj, Nws txib ces cia li sawv tsees.

Plua av ciaj los ua tib neeg.

Nws tu tej uas Nws tsim tawm kom loj hlob,

thiab yam muaj sia tshwm puv nkaus ntuj ceeb tsheej thiab ntiaj teb.

2

Nws tsim kev cai, ua txuj ci phim hwj.

Nws coj tib neeg thiab saib xyuas lawv.

Tab sis tib neeg muab lawv tus kheej tso tseg rau txoj kev phem,

qias neeg thiab lwj liam, tsis zoo tsim nyog ntsia li.

Txo hwj chim nyob hauv cev nqaij daim tawv, Vajtswv zam txim rau lawv,

tso lub meej mom tseg, tawm tsam kev tsis ncaj ncees.

Tom qab peb caug xyoo hauv lub neej txom nyem,

Nws raug kev mob kev ntsaj saum tus ntoo khaub li thiab ncaim mus yam ntsiag to.

Nws cov ntshav uas muaj nuj nqis, Nws ntshav nrog rau kev theej txhoj,

txhiv tau tib neeg thiab tso txoj kev hlub tiag cia.

3

Xob laim ntsais plias tim sab Hnub Tuaj tuaj,

ib tauv huab dawb tau nqis los rau hauv Xi-ene.

Muaj txoj kev ncaj ncees puv npo, Vajtswv tau rov qab los rau ntiaj teb,

Nws yog Vajtswv Tus Uas Muaj Hwj Chim Loj Kawg Nkaus yug los ua neeg.

Pib dua ib tiam tshiab, coj tes hauj lwm tshiab los,

Nws hais tawm qhov tseeb los cawm tib neeg, txiav txim tag nrho txoj kev.

4

Noob neej muaj kev ntxeev siab thiab kev tawm tsam puv nkaus,

thiab Vajtswv muaj kev tu siab loj heev, kev ntxub ntxaug, thiab kev tsis txaus siab tob heev hauv Nws lub siab.

Quaj los kua muag ntshav, Nws tuav txoj kev siab ntev tshaj plaws.

Leej twg thiaj muaj peev xwm nplig tau Nws lub siab uas tu tu siab ntawd?

Chim tab sis muaj lub siab dawb siab zoo, Nws muaj kev pub.

Nws ua hauj lwm thiab tos thiab muab Nws lub siab tiag rau.

Tej paj hmab paj ntoo tawg thiab tuag pes tsawg zaus?

Ib zaug ntxiv thiab, os caj dab ntev ya mus qab teb thiab rov qab los.

Nws lub cev nqaij daim tawv uas tsis muaj kev txhaum ntsib kev poob ntsej muag,

Nws lub siab mob yuav luag txog qhov uas kho tsis tau lawm.

Nws tiv kev txom nyem ib leeg xwb, tsis muaj chaw so li,

ua hauj lwm nruab hnub hmo ntuj, tsis quav ntsej txoj zaub mov los sis kev pw li.

Nws txoj kev mob siab ces tseem ntsib kev dag xwb,

thiab Nws tej lus tseeb tseem raug thuam.

Txo hwj chim nkaum twj ywm, Nws rau siab ntso ua Nws tes hauj lwm.

Thaum kawg, Nws tau ib pab tib neeg

uas muaj ib lub siab ib lub ntsws nrog Nws.

Txo hwj chim nkaum twj ywm, Nws rau siab ntso ua Nws tes hauj lwm.

Thaum kawg, Nws tau ib pab tib neeg

uas muaj ib lub siab ib lub ntsws nrog Nws.

Txoj kev ncaj ncees, txoj kev muaj hwj chim loj kawg nkaus tshwm nyob hauv cev nqaij daim tawv,

Nws yog Vajtswv Tus Uas Muaj Hwj Chim Loj Kawg Nkaus!