1

Kuv tau xyiv fab kawg nkaus rau Vajtswv txoj hmoov hlub,

tab sis tsis caum raws qhov tseeb li.

Txawm hais tias kuv tau ua kuv tes dej num,

los tag nrho tej kuv ua ces tsuas lam ua kom dhau xwb.

Thiab kuv haj tseem tas zog dag Vajtswv thiab,

Kuv ua rau Vajtswv lub siab mob tob heev.

Vajtswv zam lub txim kom sib thiab ua siab dawb siab zoo ib zaug tag los ib zaug ntxiv thiab.

Nws muab cib fim ntau rau kuv los hloov siab lees txim.

Kev txiav txim, kev qhuab ntuas thiab kev qhuab qhia—

tej ntawd ua rau kuv lub siab uas loog tag rov hnov tuaj.

To taub qhov tseeb lawm,

ces kuv tau ntsib tau pom Vajtswv txoj kev hlub thiab kuv muaj kev khuv xim puv npo.

Nws txoj kev siab zoo mas loj heev,

tab sis kuv tseem tsis tau muab ib yam dab tsi rov rau Vajtswv li.

Kuv mas txaj muag ntsib Nws tim ntsej tim muag kawg

thaum kuv tsis tau muab ib qho kev hlub rau Nws li.

Yuav nrhiav qhov tseeb thiab rov yug dua tshiab,

los pauj Vajtswv txoj kev hlub,

qhov no yog kuv ib qho kev ntshaw tiag tiag, qhov no yog kuv ib qho kev ntshaw tiag tiag.

2

Kuv khaws Vajtswv tej lus qhuab qhia khov kho cia hauv kuv lub siab,

los ua kom tiav tes dej num uas Nws tau muab cob rau kuv.

Kuv xyaum ua raws qhov tseeb, ua kuv tej dej num kom tiav hlo

txhua hnub los ua kom tau raws li Vajtswv lub siab.

Los ntawm Nws qhov phiaj xwm dawb huv thiab lub hwj chim kav,

ces kuv ntsib tej kev sim siab uas npaj rau kuv.

Kuv yuav nyoo swb los sis tas zog khiav nkaum tau li cas mas?

Qhov ua ntej tshaj ces yog Vajtswv lub yeeb koob.

Kev txiav txim, kev qhuab ntuas thiab kev qhuab qhia—

tej ntawd ua rau kuv lub siab uas loog tag rov hnov tuaj.

Nyob rau lub sij hawm ntawm txoj kev txom nyem loj,

Vajtswv cov lus coj kuv kev thiab kuv txoj kev ntseeg raug ua kom zoo tiav log lawm.

kuv ces mob siab rau tiag tiag thiab tag nrho,

mob siab rau Vajtswv yam tsis ntshai txoj kev tuag hlo li.

Nws txoj kev xav ib txwm nyob siab tshaj txhua yam.

Kuv cog lus yuav pauj Vajtswv txoj kev hlub kom tag nrho du lug.

Kuv qhuas Nws hauv kuv lub siab yam tsis muaj dab tsi cuam tshuam hlo li.

Kuv tau pom lub Hnub ntawm txoj kev ncaj ncees lawm,

qhov tseeb tswj tag nrho txhua yam hauv ntiaj teb.

Vajtswv tus moj yam mas ncaj ncees kawg

(thiab sim nyog tau txais noob neej txoj kev qhuas).

Kuv lub siab yuav hlub Vajtswv Tus Uas Muaj Hwj Chim Loj Kawg Nkaus mus ib txhis,

thiab Nws lub npe ces kuv yuav muab tso rau qhov chaw siab.

Tsis quav ntsej txog kuv lub neej pem suab, tsis muaj kev xav txog qhov tau txais los sis qhov poob li,

kuv tsuas xav kom Vajtswv txaus siab xwb.

Kuv ua tim khawv nrov nphas

thiab ua kom Ntxwgnyoog txaj muag rau Vajtswv lub yeeb koob.