1

Nws yog Koj lub suab uas coj kuv los rau ntawm Koj lub xub ntiag.

Nws yog Koj cov lus uas kov yeej kuv lub siab.

Nws yog Koj txoj kev hlub, Koj cov lus uas cawm txoj sia,

uas tuav kuv lub siab ruaj ruaj thiab ua rau kuv hlub Koj txij no mus.

Koj nyob rawv hauv kuv txhua txoj kev xav mus li. Au, Koj nyob rawv hauv kuv txhua txoj kev xav mus li.

2

Koj cov lus ua rau kuv qaug kev hlub heev rau Koj lawm.

Koj lub ntsej muag uas zoo nkauj ua rau muaj kev hlub.

Koj cov lus txiav txim, nthuav tawm, nplig siab, thiab txhawb siab; Koj cov lus zoo rub tib neeg lub siab.

Kev qhuab qhia thiab kev qhuab ntuas, thiab kev tig ras to taub, tso cai rau kuv los hnov ntxhiab txog Koj txoj kev hlub.

Koj txoj kev hlub puv nkaus kuv lub siab. Au, kuv nyob tsis tau yog tsis muaj Koj.

3

Koj tus yam ntxwv mas ncaj ncees, dawb huv, thiab hlub txhua tus.

Koj lub tswv yim thiab tej txuj ci uas xav tsis thoob mas zoo ntxim siab heev.

Txawm hais tias kuv raug sim siab hnub no, thiab kev mob los lim kuv lub siab kom dawb huv los,

Koj cov lus nrog nraim kuv ib txwm li. Kuv tsuas yog xam kom tau los hlub Koj kom zoo tshaj plaws li kuv ua tau xwb.

Nyob rau hauv Koj txoj kev coj, kuv tsis muaj lus yws li. Au, nyob rau hauv Koj txoj kev coj, kuv tsis muaj lus yws li.

4

Koj txoj kev hlub noob neej mas tseeb, tiag tiag li.

Kuv zoo siab hlo ua txhua yam uas kuv ua tau kom Koj txaus siab.

Txawm hais tias tej kev sim siab thiab kev lim tib neeg kom dawb huv loj heev los, kuv muaj Koj cov lus ua tus coj.

Kuv muaj kev ntseeg Koj puv npo. Tsuav yog tias kuv hlub tau Koj thiab ua rau Koj txaus siab xwb,

ces kuv yeej txaus siab hlo raug txhua yam kev txom nyem, txawm hais tias yuav loj npaum li cas los xij. Au, kuv txoj kev hlub Koj yeej yuav tsis hloov li.