1

Kuv twb hnov Koj lub suab lawm thiab kuv zoo siab uas tau ntsib Koj.

Kuv zoo siab xyiv fab puv npo txog Koj cov lus uas muaj nqis.

Koj lub siab yog siab zoo thiab zoj nkauj heev; Koj txoj kev hlub ntxim hlub kawg.

Yam koj yog thiab yam Koj muaj mas muaj nqis ua luaj li!

Kuv tsis tuaj yeem hais tau tag nrho tej ntawd—Vajtswv Tus Uas Muaj Hwj Chim Loj Kawg Nkaus yeej ntxim hlub tiag tiag.

Koj nyob rau hauv cov tib neeg thiab ua ib qho ua piv txwv rau txhua feem.

Koj txoj kev hlub tau nrog nraim kuv raws li qhov kuv tau los txog niaj hnub no.

Muaj txoj kev qhia thiab kev pub ntawm Koj cov lus, maj mam loj hlob zuj zus rau hauv txoj sia.

Koj tsim kho kuv lub siab kom zoo thiab ntxuav kom kuv txoj kev hlub dawb huv.

Kev ntsib kev pom txoj kev txiav txim ntawm Koj cov lus, kuv txom nyem tab sis hnov qab zib ntxiag.

2

Thaum tau ntsib tau pom Koj txoj kev txiav txim lawm, kuv lub siab cia li nyob rau ntawm Koj lawm.

Nws yog Koj txoj kev txiav txim thiab kev rau txim uas yawg kuv txoj kev lwj liam kom dawb huv.

Los ntawm tej kev nyuaj thiab tej kev tsim kho kom zoo, kuv tau kawm paub txog kev zwm rau.

Tsis muaj kev phem ntxiv lawm, tsis muaj kev ntxeev siab, kuv twb to taub Koj txoj kev xav lawm.

Koj txoj lus nkaus xwb thiaj li yog qhov tseeb thiab tuaj yeem pab tau tib neeg txoj sia.

Koj lub siab zoo tshaj plaws tag nrho; Koj them txhua yam uas Koj muaj los cawm tib neeg.

Kuv tau saj Koj txoj kev hlub tiag, thiab kuv tsis tuaj yeem hais tau tag nrho yam uas nyob hauv kuv lub siab.

Koj ntxuav kom kuv dawb huv thiab kuv yog Koj li. Kuv yuav hlub Koj mus tag ib txhiab ib txhis.

Kuv tsis tuaj yeem hais tag nrho yam uas nyob hauv kuv lub siab. Kuv tuaj yeem qhia txog Koj txoj kev hlub mus tag ib txhiab ib txhis tsis paub kawg.

Kuv xav ua kuv tes dej num kom zoo thiab ua tim khawv rau Koj. Kuv yuav hlub Koj mus tag ib txhiab ib txhis.