1

Dhau ntau qhov kev nce toj thiab nqis hav, kev hloov pauv yam suav tsis txheeb,

cua tshuab thiab nag ntub, los kuv yeej caum ti nkaus ntawm Koj pob taws.

Kev phom sij thiab kev txom nyem yog qhov uas nchuav tawm los ntawm txoj kev hlub tiag thiab kev mob siab rau.

Kuv lub siab uas raug ntaus ntawd nyiam Koj nrog txoj kev hlub uas tsis txawj tuag li.

2

Muaj pes tsawg zaus uas lub caij ntuj no tig mus ua lub caij nplooj ntoos hlav?

Iab tag ces qab zib, ib qho tov ib qho kom qab thawm.

Lub caij nplooj ntoos zeeg ces cua hlob, kuv txais tos tej paj hmab paj ntoos thaum lub caij nplooj ntoos hlav.

Au, tej kev hloov pauv hauv ib tug tub rog lub neej, kuv paub Koj lub siab.

Koj ntsib kev txom nyem thaum Koj los yam txo hwj chim ntxiag rau hauv lub ntiaj teb no.

Raug cua ntaus raug nag ntub, tsis muaj leej twg hlub Koj.

Cov neeg coob coob thuam tsis lees txais, mob tshaj qhov tej lus yuav piav tau.

Tab sis Koj lub siab txoj kev ntshaw ces yeej pom nyob rau hauv Koj tej lus.

Koj tej lus ntawm txoj sia ywg dej rau kuv lub siab

mus txog ntua qhov tob tshaj plaws, mus txog ntua qhov tob tshaj plaws.

Kuv lub siab, tig los ua zoo, nyiam Koj kawg.

Thaum twg kuv lub siab mam li ua ib lub nrog Koj lub?

Kuv raug tsim tawm los ntawm Koj, thiab kuv yog Koj tug.

Rhuav tshem txoj kev ntseeg ces yog ib qho kev txhaum mus ib txhis.

Kuv yuav so tej kua muag uas ntws los ntawm Koj lub siab uas raug mob.

Ua kom Koj txoj kev ntshaw tshwm sim, kuv yuav muab kuv lub siab rau Koj.

3

Thaum Koj mus lawm, ces yeej tsis paub tias thaum twg Koj mam rov los.

Ib txoj kev sib ncaim ntse npaum nkaus txoj kev tuag, kuv quaj los tej kua muag uas mob tshaj plaws.

Kuv nyob ntev ntev, tsis xav ncaim, kuv lub siab zoo li raug tsuav ntsoog mos nyoos.

Kuv ob lub qhov muag mas ntsia nruj nreem, kuv tos ntsoov Koj rov qab los xwb.

4

Kuv tsis muaj peev xwm zais tau qhov kev kho siab nyob ib leeg ntawm tus ntsuj plig.

Txhos caug ntua ces kuv hnov txoj kev tu siab chob tshab plaws kuv tus ntsuj.

Phooj ywg sib ze npaum ib tug neeg nruab zog, txawm hais tias sib nrug deb kawg nkaus los xij.

Kuv muab qhov khoom fij me me tso rau ntawm Koj xub ntiag.

Thaum wb sib ntsib, Koj luag nyav rau kuv.

Koj tej lus ntawm txoj sia ywg dej rau kuv lub siab

mus txog ntua qhov tob tshaj plaws, mus txog ntua qhov tob tshaj plaws.

Kuv lub siab, tig los ua zoo, nyiam Koj kawg.

Thaum twg kuv lub siab mam li ua ib lub nrog Koj lub?

Kuv raug tsim tawm los ntawm Koj, thiab kuv yog Koj tug.

Rhuav tshem txoj kev ntseeg ces yog ib qho kev txhaum mus ib txhis.

Kuv yuav so tej kua muag uas ntws los ntawm Koj lub siab uas raug mob.

Ua kom Koj txoj kev ntshaw tshwm sim, kuv yuav muab kuv lub siab rau Koj.