1

Kuv tau raug Ntxwgnyoog muab ua qias vuab tsuab tob kawg nkaus lawm; kuv yuav luag tsis muaj ib qho zoo li tib neeg li lawm.

Los ntawm tej kev nthuav tawm nchav nchav ntawm Vajtswv cov lus, ces kuv tau pom qhov phem ntawm kuv txoj kev qias vuab tsuab lawm.

Khav theeb thiab muaj ib tug moj yam phem puv npo, kuv ces qhov tiag yeej tsis zoo tsim nyog ua neej nyob rau ntawm Vajtswv xub ntiag li.

Yog tsis muaj Vajtswv txoj kev hlub tshua thiab kev cawm dim, ua cas kuv thiaj li nyob tau ntawm no rau hnub no?

Nws yog Vajtswv txoj kev txiav txim uas cawm tau kuv; kuv txiav txim siab khov kho yuav raws Vajtswv qab.

2

Kuv tus yeeb yam phem mas cog tob dhau heev lawm, ua rau kuv nquag ntxeev siab rau Vajtswv heev.

Kuv rais mus ua ib tug moj zeej rau kuv tus kheej cev nqaij daim tawv—tiag tiag li, nws yog qhov txaus tu siab kawg, nws yog qhov rhuav plhu kawg nkaus.

Kuv npaj kuv qhov kev txiav txim siab khov kho los xyaum ua raws qhov tseeb, kom kuv thiaj li dim plaws tiag tiag li.

Ua ib tug ntseeg Vajtswv, kuv yuav tsum peem kom dhau cev nqaij daim tawv thiab muab kuv tus kheej tiag tiag rov los.

Nws yog Vajtswv txoj kev txiav txim uas cawm tau kuv; kuv txiav txim siab khov kho yuav raws Vajtswv qab.

3

Vajtswv tej lus qhia kom pom txoj kev ua neej. Tam sim no kuv paub yuav coj zoo li ib tug tib neeg li cas lawm.

Tsuas yog muab Ntxwgnyoog thiab cev nqaij daim tawv tso tseg thiab xyaum ua raws qhov tseeb xwb mas kuv thiaj yuav muaj txoj kev ua neeg.

Siv kuv tus kheej rau Vajtswv thiab mloog Nws lus, kuv thiaj li to taub qhov tseeb thiab tau txoj sia.

Tsuas yog Vajtswv lub siab xwb thiaj hlub tib neeg tshaj plaws. Vajtswv mas yeej zoo tsim nyog rau noob neej tej lus qhuas.

Nws yog Vajtswv txoj kev txiav txim uas cawm tau kuv; kuv txiav txim siab khov kho yuav raws Vajtswv qab.

4

Kuv twb pom meej meej txog qhov kev sib ntaus sib tua nyob rau sab yeeb ceeb lawm. Ntxwgnyoog tawm tsam Vajtswv rau txhua txoj ke.

Nws yog ib qho phom sij heev rau kev tsis nrhiav qhov tseeb; kuv yuav raug Ntxwgnyoog txhom tau yooj yim heev.

Tsuas yog Khetos xwb thiaj li cawm tib neeg—ua cas kuv thiaj li tsis hlub Nws mas?

Kuv xav tau qhov tseeb thiab ua tim khawv rau Vajtswv kom pauj txiaj ntsig tau rau Nws txoj kev hlub.

Nws yog Vajtswv txoj kev txiav txim uas cawm tau kuv; kuv txiav txim siab khov kho yuav raws Vajtswv qab.

5

Tag nrho txhua txoj kab ke ntawm Vajtswv tes hauj lwm ces yog npaj los yaug thiab tsim kho kom tib neeg zoo tiav log.

Kuv lub neej yav tom ntej thiab txoj hmoo nyob rau hauv Vajtswv ob txhais tes. Kuv ntseeg hais tias Nws yeej ncaj ncees tiag.

Kuv tau txiav txim siab hais tias Khetos yog qhov tseeb, thiab kuv yuav raws Vajtswv qab mus kom txog qhov kawg kiag.

Kuv cog lus muab kuv txoj sia ua tim khawv rau Vajtswv. Kuv yuav tsis muaj hnub ntxeev siab rau Nws li.

Nws yog Vajtswv txoj kev txiav txim uas cawm tau kuv; kuv txiav txim siab khov kho yuav raws Vajtswv qab.