1

Peb tau raug tsa sawv los nyob rau ntawm Vajtswv lub xub ntiag, peb lub siab muag vim yog Nws cov lus. 

Kuv muaj kev xyiv fab heev uas tau koom Vajtswv rooj mov; nws yeej yog Nws txoj koob hmoov uas loj tshaj plaws tiag tiag.

Nws cov lus ntawm txoj kev txiam txim zoo ib yam li ib rab ntaj ntse, nthuav kuv lub siab phem tawm.

Kuv tau siv sij hawm rau Vajtswv tsuas yog txhawm kom tau txais Nws tej koob hmoov xwb; kuv yeej tsis muaj siab ntsws los sis kev txawj xav kiag li.

Kuv tau pom kuv txoj kev qias vuab tsuab tob heev, thiab pom tias kuv tsis zoo li noob neej li.

Kuv muaj kev tu siab heev, kuv hloov siab lees txim rau ntawm Vajtswv xub ntiag, thov kom Nws zam txim thiab hlub tshua txog kuv.

Vajtswv txoj kev saib xyuas kuv tsis yog ua raws li kuv txoj kev txhaum; Nws ua siab ntev tos ntsoov kuv tig rov qab los cuag Nws xwb.

Thaum pom tias Nws txoj kev hlub tseeb npaum li cas, ua rau kuv raws Nws mus yam muaj kev ruaj siab dua ntxiv tam sim no.

2

Kev tshawb nrhiav qhov tseeb ntsiag tos rau ntawm Vajtswv xub ntiag, ua rau kuv nkag siab txog Nws tej kev npaj siab uas tseeb;

yam uas zais nyob tom qab cov lus ntawm txoj kev txiav txim yog Nws txoj kev hlub thiab tej koob hmoov.

Tsuas yog tom qab uas lees txais Vajtswv cov lus ntawm txoj kev txiav txim lawm xwb kuv thiaj li paub tseeb txog kuv tus kheej.

Vim yog tej kev sim siab thiab txhua yam kev tsim txom, kuv txoj kev qias vuab tsuab thiaj li raug ntxuav dawb huv lawm.

Thaum pom tias Vajtswv tus yam ntxwv ntxim hlub npaum li cas, ua rau kuv nco ntsoov Nws txiaj ntsig thiab qhuas Nws.

Kuv zoo siab hlo muab txhua yam rau ntawm Nws xub ntiag, kuv lub siab thiaj li muaj kev thaj yeeb thiab kev kaj siab.

Cas yuav xyiv fab ua luaj uas tau ua ib tus neeg uas muaj lub siab ncaj ncees, xyaum ua raws li qhov tseeb thiab nyob rau ntawm Vajtswv xub ntiag.

Kev khiav dim Ntxwgnyoog thiab tau txais kev cawm dim los ntawm Vajtswv, ua rau tib neeg tuaj yeem ua neej zoo yam li noob neej thiab qhuas tau Vajtswv.