1 Kuv nyob ntsiag to rau hauv Vajtswv lub xub ntiag txhua hnub, zaum rawv xav txog Nws cov lus. Kuv tshuaj xyuas kuv tus kheej, kuv pom tias tseem muaj tej kev coj tsis ncaj ntau heev tawm ntawm kuv tej kev xav thiab kev haiv lus. Kuv yeej nthuav tawm feem ntau nyob rau hauv kuv txoj kev hais lus thiab tej dej num kom ua rau lwm tus saib kuv. Kuv yeej ib txwm nrhiav kev kom kov yeej lwm tus xwb, kuv qhuas tias kuv tus kheej coj ncaj thiab khav theeb, kuv tsis ua lub neej raws li ib tug noob neej. Kuv tau txaj muag heev, thaum raug Vajtswv cov lus txiav txim thiab raug nthuav tawm. Tej zaum kuv kuj coj zoo thiab, tiam sis kuv tus yam ntxwv yeej tsis tau hloov pauv li. Kuv tsis muaj qhov tseeb tiam sis kuv tseem khav theeb heev, uas Vajtswv ntxub kuv ntev heev los lawm. Kuv ntxub qhov uas kuv tau coj tsis ncaj loj heev, thiab kuv xav kom raug Vajtswv txiav txim.

2 Kuv nyob ntsiag to rau hauv Vajtswv lub xub ntiag thiab nrhiav txhua yam ntawm Nws lub siab nyiam. Kuv nrog nraim Vajtswv nyob rau hauv Nws cov lus, Kuv nkag siab txog qhov tseeb thiab kuv lub siab kaj lug. Kuv thiaj li paub txog tej kev nkag siab yuam kev thaum kuv ntsib tib neeg, tej xwm txheej thiab yam uas qhia tias kuv tsis muaj qhov tseeb. Kuv pheej yws, qhia kuv txoj kev dawb huv, thiab maj mam sim piav qhia txog qhov ntawd kom deb, thiab kuv yeej tsis mloog lus ib qho me me kiag li. Thaum nkag siab txog qhov tseeb lawm, ua rau kuv pom tias Vajtswv txoj hauj lwm los ntxuav tib neeg kom dawb huv yeej muaj tseeb tiag. Tib neeg cov kev xav phem yim muaj ntau npaum li cas, ces yim nrhiav tau qhov tseeb ntau npaum li ntawd. Yuav kom paub txog Vajtswv txoj lus thiab to taub txog qhov tseeb mas yuav tsum yog tim-ntsej-tim muag nrog Vajtswv tiag tiag li. Kuv tau paub txog Vajtswv txoj kev hlub lawm, yuav tsis muaj qhov tsis meej pem los sis raug txwv ntxiv lawm.

3 Kuv nyob rau hauv Vajtswv lub xub ntiag thiab lees ntxais Nws txoj kev tshuaj xyuas txhua lub sij hawm. Kuv tej kev xav thiab tej dej num lees txais Vajtswv txoj lus txoj kev txiav txim thiab kev ntxuav kom dawb huv, ib qho dhau ib qho lawm. Thaum kuv pom tias Vajtswv tus yam ntxwv ncaj ncees thiab dawb huv npaum li cas lawm, ua rau kuv lub siab puv nkaus kev huab hwm. Vajtswv tau tiv thaiv kuv thiab kuv yuav tsis tawm tsam Nws ntxiv lawm, thiab kuv tus ntsuj plig yuav nyob kaj siab lug. Feem ntau kuv nyob ntsiag to rau hauv Vajtswv lub xub ntiag, thiab kuv lub siab hwm Vajtswv thiab tsis ua kev phem. Kuv xyaum ua raws li Vajtswv txoj lus thiab cob qhia kuv tus kheej raws li qhov tseeb, kuv thiaj li hlub thiab mloog Vajtswv lus. Vajtswv txoj lus coj kuv, kuv thiaj li pib taug txoj kev tseeb ntawm txoj kev ntseeg Vajtswv. Thaum tau txais qhov tseeb lawm, ua rau kuv txoj kev coj tsis ncaj raug ntxuav dawb huv lawm, thiab kuv yuav qhuas Vajtswv hauv kuv lub siab.