1

Khetos yug los ua neeg, Vajtswv Tus Uas Muaj Hwj Chim Loj Kawg Nkaus,

hais tawm qhov tseeb,

muaj lub yeeb koob puv phwj yaws,

tau tshwm sim nyob rau sab Hnub Tuaj lawm.

Vajtswv cov lus mas ci ntsa paug

thoob plaws lub qab ntuj khwb thiab qhov chaw nkaum saum ntuj.

Lees txais Vajtswv txoj kev txiav txim

thiab peb yuav ua neej nyob rau hauv txoj kev kaj.

Maj nrawm nroos, cov kwv tij, los thiab saib.

Lub nceeg vaj nqis los rau ntiaj teb.

Maj nrawm nroos, cov nkauj muam, los thiab mloog

tej suab qhuas txhua txhia qhov chaw.

Vajtswv cov neeg zoo siab hlo txais tos tus Cawm Seej qhov kev rov qab los!

2

Qhov kev txiav txim ntawm tiam kawg

twb tau pib hauv Vajtswv tsev neeg lawm.

Vajtswv tau tshwm sim thiab coj los rau peb

txoj kev ntawm txoj sia ntev dhawv mus ib txhis.

Nws cov yaj tau hnov Nws lub suab

thiab tau rov qab los rau ntawm Nws xub ntiag,

xyiv fab rau Nws tej lus thaum nyob rau ntawm

tus Me Nyuam Yaj pluas moj loj ntawm rooj tshoob.

Maj nrawm nroos, cov kwv tij, los thiab saib.

Lub nceeg vaj pluas mov loj muaj txhua yam nplua mias.

Maj nrawm nroos, cov nkauj muam, los thiab mloog

Vajtswv tej lus muaj hwj chim.

Vajtswv tej lus tau txeeb tau ntau roob tus neeg lub siab!

3

Vim li cas peb cov nkauj muam thiab kwv tij

thiaj hu nkauj qhuas yam zoo siab hlo?

Nws yog vim Vajtswv Tus Uas Muaj Hwj Chim Loj Kawg Nkaus

tau cawm peb los ntawm Ntxwgnyoog.

Txoj kev txiav txim ntawm Vajtswv tej lus

tau yaug thiab cawm peb.

Ua neej nyob nrog Vajtswv tej lus,

ces peb yuav tsis muaj hnub rov muaj kev mob los sis kev tus siab ntxiv lawm.

Maj nrawm nroos, cov kwv tij, sawv los.

Cia peb sawv daws ua tim khawv rau Vajtswv.

Maj nrawm nroos, cov nkauj muam, tsis txhob nres.

Muab peb lus siab ua kom Vajtswv txaus siab.

Cia peb muab peb tag nrho cob fim kiag rau kev ua peb tes dej num kom tiav hlo.

Cov kwv tij thiab cov nkauj muam, los thiab seev cev rau tej uas muaj nyob hauv peb lub siab,

qhuas Vajtswv Tus Uas Muaj Hwj Chim Loj Kawg Nkaus rau lub yeeb koob uas Nws muab tau.

Vajtswv tsim tau ib co neeg yeej, yeej kiag Ntxwgnyoog.

Peb hu nkauj yam zoo siab hlo qhuas Vajtswv rau Nws txoj kev yeej.

Hu cov nkauj tshiab, cov kwv tij,

peb lub suab nrov ntxhe ntws rau txhua txhia qhov chaw.

Seev cev, cov nkauj muam, thaum peb hu nkauj qhuas tawm hauv peb lub siab tuaj,

hu nkauj qhuas tsis paub kawg rau Vajtswv Tus Uas Muaj Hwj Chim Loj Kawg Nkaus.