218 Ib Txoj Nkauj uas hais txog Tus Tub Tawv Ncauj Txoj Kev Rov Qab Los
1
Tom qab uas ntseeg Vajtswv los tau ntau xyoo lawm, vim li cas koj tseem zoo li no?
Koj khiav deb ntawm txoj kev txiav txim thiab kev rau txim zoo li koj tsis quav ntsej li.
Koj lub ntsej muag khav theeb qhia txog koj tus cwj pwm uas tsis quav ntsej,
zoo li koj raug ntau yam kev tsis ncaj ncees tsim txom thiab tsis muaj lub siab los raws Vajtswv lawm.
Koj, uas yog tus tub tawv ncauj uas yuam kev mus lawm—koj yuav tawv ncauj mus rau qhov twg?
Zoo li koj twb yuav ua raws li Vajtswv txoj kev coj yam tsis txiav txim siab xaiv ua rau koj tus kheej sub sav.
Koj twb yuav luag tuag, thiab tau plam “txoj kev ntseeg” uas koj muaj thaum pib lawm.
Koj lub ntsej muag ntshaus ntsho, thiab taug kev mus rau lub neej yav tom ntej uas pom tsis tseeb.
2
Thaum pos huab nti, zoo li koj muaj “kev ntseeg loj,”
ntseeg tias Vajtswv yuav tsis tso koj tseg, yog li ntawd koj thiaj li ua raws li koj nyiam.
Tej kev ntshaw kom tau ntau tau hloov koj lub pom phiaj tseem tseeb lawm.
Koj xav phem ntau dhau lawm, thiab koj tseem tsis muaj peev xwm thim rov qab thiab.
Koj lub siab thiab laj thawj ploj dua twg lawm? Tab txawm tam sim no los koj yeej tseem tsis tau ras li.
Koj mas yeej siv tsis tau thiab tsis muaj peev xwm tiag tiag li.
Koj xav tias koj tus cwj pwm zoo yog qhov dawb huv thiab ruaj khov lawm.
Tab txawm tus Vajtswv uas yug los ua neeg los twb txo hwj chim, yog li ua cas ib tug noob neej uas qias vuab tsuab thiaj li yuav tsa hwj chim ua luaj?
3
Qhov xwm txheej phem yog qhov uas kuv tsis paub kuv tus kheej kiag li.
Nyob rau ntawm kuv txoj kev tshwm ntsej muag sab nraud yog ib tug neeg phem.
Khav theeb thiab siab hlob, thiab tu ncua qhov tseeb, ua rau kuv txaj muag rau kuv tus kheej heev.
Kuv yuav ua li cas hais txog kev ua kuv lub luag hauj lwm yog tias kuv tus yam ntxwv uas qias vuab tsuab tsis tau hloov pauv ib qho me me li?
Kuv yuav ua li cas tau txais qhov tseeb thiab txoj sia yog tias kuv tsis tau ntsib txoj kev txiav txim?
Vajtswv txoj hauj lwm yuav xaus sai sai no, ua rau kuv ntshai heev;
Kuv ntshai tsam poob mus rau hauv tej kev puas tsuaj, ces tsuas muaj peev xwm quaj thiab tom kuv cov hniav qas qawv lawm xwb.
Yog li ntawd, tam sim no, kuv yuav rub kuv tus kheej los ua ke thiab lees txais Vajtswv txoj kev txiav txim thiab kev rau txim; tsuas yog thaum ntawd xwb kuv thiaj li yuav ntse.
