1

Tam sim no peb tau hnov Vajntsujplig cov lus lawm,

peb paub tias qhov no yog Vajtswv lub suab.

Peb tau koob hmoov ntau heev uas Vajtswv hais lus rau peb.

Cas yuav zoo siab ua luaj uas tau noj thiab haus Nws cov lus!

Au, peb tab tom koom pluas mov loj nrog Vajtswv,

peb raug tsa sawv los rau ntawm Vajtswv xub ntiag.

Txij no mus, peb yuav noj, haus, xyiv fab rau Vajtswv cov lus.

Peb zoo siab heev uas tau nrog Nws.

Au, peb txaus siab hlo los ua hauj lwm hnyav rau Vajtswv,

nyoo zwm rau Nws tej phiaj xwm thiab tej kev npaj tseg,

los ua dej num kom kawg peb txoj sia thiab kawg peb lub siab,

ib txwm qhuas Nws txoj kev ncaj ncees, Nws kev ncaj ncees.

2

Peb xav tau txais koob hmoov, peb twb ntsib

tej kev nthuav tawm thiab kev txiav txim ntawm Vajtswv cov lus lawm.

Peb lub siab raug chob tob heev los ntawm Nws rab ntaj,

thiab peb hnov qhov kev mob ntawd thiab txoj kev tsim txom ntawd.

Peb qias vuab tsuab, tsis zoo tsim nyog los pom Vajtswv li,

vim hais tias peb txoj kev ntseeg Nws

lam muaj li ntawd kom peb tsuas tau txais koob hmoov los ntawm Vajtswv

thiab tau nkag mus rau ceeb tsheej lub nceeg vaj xwb.

Ntau lub xyoo ntawm txoj kev tos ntsoov tau ploj mus lawm,

nrog txoj kev tu siab nrho, peb qaug zog rau hauv txoj kev mob.

Vajtswv cov lus txeeb tau kiag, thiab peb ntseeg lawm.

Peb ntog rau hauv av, txaj muag kawg nkaus.

3

Tsuas yog los ntawm txoj kev txiav txim ntawm Vajtswv cov lus xwb

peb thiaj li pom hais tias peb mas qias vuab tsuab,

muaj kev npaj siab puv npo, ntshaw kom tau txais koob hmoov.

Peb yuav ua neej nyob kom tsim nyog rau ntawm Vatjswv xub ntiag tau li cas?

Tsis zoo tsim nyog nkag mus rau ntuj ceeb tsheej lub nceeg vaj,

los ntawm Vajtswv txoj hmoov hlub ces peb thiaj li ua dej num rau Nws.

Tsis hais nyob hauv txoj kev muaj hmoo los sis kev puas ntsoog li,

kuv tsuas ntshaw kom tau ua dej num mus kom txog qhov kawg xwb.

Au, peb txaus siab yuav ua hauj lwm hnyav rau Vajtswv,

nyoo zwm rau Nws tej phiaj xwm thiab tej kev npaj tseg,

los ua dej num kom kawg peb txoj sia thiab kom kawg peb lub siab,

ib txwm qhuas Nws txoj kev ncaj ncees.

Hnub no, peb ua dej num, txawm tias peb tsis zoo tsim nyog los xij.

Txawm qhov kawg yuav zoo li cas los xij, peb yuav raws Vajtswv qab mus kom txog qhov xaus.

Vajtswv siv Nws cov lus los ntxuav kom peb dawb huv

thiab muab kom tau peb qhov laj thawj thiab txoj kev txawj xav rov qab los.