1 Yeej ib txwm tsis taug txoj kev caum raws Vajtswv li, kuv tau tsi ntsees rau txoj kev xyaum ua raws qhov tseeb. Kuv ua tsis tau thiab raug qhuab ntuas—thiab kuv tau tsim los zoo li yog los ntawm txoj kev npau suav los. Kuv raug txiav txim, thiab kuv tau tsom saib rau ntawm kuv tus kheej, thiab tsuas yog li ntawd nkaus xwb kuv thiaj li nrhiav pom tias kuv txoj kev lwj liam mas phem ua luaj li. Kev ua neej nyob nrog tus moj yam phej no, kuv keev dag thiab tau coj tsis ncaj; kuv mas yeej luam thuam thiab tsis quav ntsej ua kuv tes dej num li; kuv tau ua raws li qhov uas kuv txaus siab rau txhua yam; kuv tsis nrhiav cov hauv paus ntsiab lus ntawm qhov tseeb; kuv tsis tau ua dab tsi li tab sis tshaj kev qhuab qhia thiab tuav cov kev cai tswj, ntseeg kuv tus kheej yus tau txais qhov muaj tseeb ntawm qhov tseeb. Kuv mas thiaj txawj ntxias dag, dawb huv thiab yooj yim. Kuv mas tsis yog tus mloog Vajtswv lus hlo li; kuv tsuas ua dej num rau lub meej mom thiab koob npe xwb, thiab kuv txoj kev to taub qhov tseeb txog lub neej txoj sia mas ntiav heev. Kuv tau tshuaj xyuas tias kev muaj Petus tus ntsujplig yog dab tsi, tab sis nws nyob tshaj qhov kuv muaj peev xwm ua tau thiab kuv mas txaj muag tshaj qhov yuav hais ua cov lus tau.

2 Tej kev sim siab thiab tej kev ceeb laj txom nyem loj tau qhia tias kuv mas coj tsis ncaj rau Vajtswv los sis, tshaj qhov ntawd, kuv tseem hlub Vajtswv. Kuv tsuas txhawj txog tej yam ntxwv ntawm kev nqaij daim tawv xwb, kuv mas tsis quav ntsej txog Vajtswv lub siab hlo li, thiab thaum tab tom ua kuv tes dej num kuv mas ntshai rwg tsam kuv raug ntes, uas kuv tsis muaj peev xwm tiv taus kev tsim txom, thiab dhau los ua ib tug neeg Yudas. Kuv tau ntxias dag txoj sia thiab tau ntshai kev tuag, tab tom tawm mus ntawm txoj kev muaj nyob uas ntxim ntxub, thiab yog li kuv tsis tau ua kev tes dej num kom raug zoo. Tsuas thaum tej yam muaj tiag raug pom meej lawm xwb kuv thiaj li mam nrhiav pom tias kub mas ntxim hlub tshua ua luaj. Kev tsis muaj qhov tiag ntawm qhov tseeb, kuv mas khi nrog txoj kev ntxeev siab Vajtswv; yog kuv lub siab tsis hlub Vajtswv, kuv yuav mloog lus thiab coj ncaj rau Vajtswv tau li cas, kuv tsuas ua kuv tes dej num tau me ntsis xwb kom tau txais koob hmoov. Yog kuv tsis xyaum ua raws qhov tseeb, kuv yuav hais lus tim khawv tau zoo li cas? Kuv xav tau zoo lawm tias kuv tau ua neej nyob puab ntawm tus ntug kev phom sij los ntawv lawm.

3 Vim li cas, tom qab kev ntseeg Vajtswv los tau npaum no lub xyoos lawm, kuv tsis ua neej nyob rau ntawm qhov muaj tiag ntawm qhov tseeb los? Nws yog tag nrho vim hais tias kuv tsis tau hlub qhov tseeb, thiab tsuas caum raws txoj hmoov, lub koob npe, thiab cov koob hmoov nkaus xwb. Txawm tias niaj hnub no los xij kuv yeej tsis ntshai Vajtswv li, los sis kuv yeej tsis mloog Nws lus kiag li. Thaum tsom saib rau ntawm kuv tus kheej, kuv mam paub tu siab tias kuv twb ntseeg Vajtswv los ta ntau lub xyoos lawm es tseem tsis caum raws qhov tseeb li: Kuv tseem yog Ntxwgnyoog lub ntsej muag, kuv tseem xav tau txais koob hmoov thiab xav nkag mus rau hauv lub nceeg vaj saum ntuj ceeb tsheej, thib kuv mas ruam tiag tiag. Vajtswv tus moj yam ncaj ncees thiab dawb huv—Nws muaj peev xwm nyiaj taus cov uas lwj liam es nkag los rau hauv Nws lub nceeg vaj tau li cas? Yog kuv tseem tsis caum raws qhov tseeb mus ntxiv, Vajtswv yuav tso kuv tseg xwb xwb. Kuv mas tshuav Vajtswv nuj nqi vim Nws txoj hmoov hlub, vim Nws txoj kev mob siab txhawb, thiab kuv txiav txim siab ua raws li Petus, nrhiav kev hlub Vajtswv thiab ua hais lus tim khawv zoo rau Nws.