Lub Xya Hli dhau los no, kuv tau los saib xyuas tes hauj lwm ua yeeb yaj duab lawm. Thaum pib mas, kuv nquag taug qab txog kuv cov nus thiab cov viv ncaus tes hauj lwm kawg. Kuv kawm paub txog lawv tej teeb meem thiab tej kev nyuaj uas nyob rau hauv txoj kev ua lawv tej dej num, ces tom qab ntawd nrog tus thawj coj pab pawg ua hauj lwm los nrhiav qhov tseeb thiab nrhiav tej kev daws teeb meem. Vim Vajtswv txoj kev coj qhia, tom qab ib ntus lawm, muaj ib qho kev tsim kho zoo heev nyob rau hauv tes hauj lwm ntawd. Kuv xav hais tias, “Tam sim no tes hauj lwm ntawd tsim kho tau yam ruaj khov heev li lawm, yuav tsum tsis muaj tej teeb meem loj lawm. Tab txawm yog muaj ib qho teeb meem tshwm tuaj los, nws yuav tsis cuam tshuam rau peb tes hauj lwm, thiab peb yuav muaj sij hawm los daws qhov teeb meem ntawd. Txhua tus puav leej rau siab ua lawv tej dej num thiab tiv tau ib txoj kev txom nyem, yog li ntawd kuv tsis tas yuav txhawj heev dhau lawm. Nyob rau lub caij no, qhov taug qab txog txhua yam ntawd mas feem ntau yog ua hauj lwm kom tshaj sij hawm, thiab qee zaus mas kuv khwv heev tsis tau noj mov kom ncav sij hawm li. Kuv twb tsis tshua noj qab nyob zoo pe tsawg, yog li ntawd kuv yuav tsum maj mam ua txhua yam.” To nqab ntawd, kuv txawm pib so hauj lwm, thiab kuv tsis mob siab ua hauj lwm li lawm. Qee zaus, kuv tsuas lam taus lam nug kom dhau xwb, kuv tsis tshua tshawb xyuas kuv cov nus thiab cov viv ncaus tej dej num kom ntxaws ntxaws li, thiab kuv tsis xav txog qhov yuav tsim kho peb tes hauj lwm kom zoo tuaj ntxiv li cas li.

Tsis ntev ntawd, ntau daim yeeb yaj duab uas peb ua ntawd mas muaj ntau qhov qhov teeb meem thiab yuav tsum tau ua dua, uas cuam tshuam ncaj qha rau qhov kev nce qib ntawm tes hauj lwm. Thaum kuv pom qhov xwm txheej no, kuv txhawj heev. Kuv kuj ras hais tias tsis yog qhov ntawd nyob nyob es cia li tshwm sim xwb, thiab tias muaj ntau yam uas kuv yuav tau kawm, yog li ntawd kuv thiaj li thov Vajtswv, thov kom Nws coj kuv kev kom to taub Nws txoj kev npaj siab. Tom qab kuv thov Vajtswv lawm, kuv thiaj li nug tus thawj coj pab pawg tias vim li cas peb thiaj li muaj tej teeb meem no. Tus thawj coj pab pawg thiaj li hais tias, “Ib co nus thiab viv ncaus mas nrhiav kev ua kom tiav sai xwb thiab ua lawv tej dej num yam tsis muaj tej hauv paus ntsiab lus li. Lawv tsuas yog tsom ntsoov rau qhov nce qib xwb, tsis yog qhov zoo. Lwm qhov laj thawj ces yog qhov hais tias kuv tsis tau taug tes hauj lwm ntawd qab, thiab tshawb tsis pom tej teeb meem ntawd kom ncav sij hawm.” Qhov no ua rau kuv xav yam npau taws heev hais tias, “Kuv tau qhia koj txog tej teeb meem no pes tsawg zaus lawm? Vim li cas tej teeb meem no tseem tshwm sim thiab?” Kuv xav cem tus thawj coj pab pawg ntawd heev, tiam sis thaum ntawd kuv xav hais tias, “Tsis yog kuv muaj tib qho teeb meem li tus thawj coj pab pawg thiab lod? Kuv los kuj tsis taug qab ib yam nkaus thiab.” Yog li ntawd, kuv thim kuv cov lus lawm. Ces, kuv txawm maj nroos los tshawb xyuas cov yeeb yaj duab uas txhua tus ua nyob rau lub caij no. Kuv mam li pom hais tias ib txhia tib neeg mas ua tsis tau lawv tej dej num kom nce qib li, thiab ib txhia haj tseem thaub qab lawm thiab xwb. Tej no yeej yog tej teeb meem tiag tiag, tiam sis kuv tsis pom tej teeb meem no li. Kuv mam li paub tseeb tseeb hais tias qhov no yog vim kuv tsis ua tes hauj lwm kom muaj qab hau. Kuv tu siab, yog li ntawd kuv thiaj li thov Vajtswv, thov kom Nws coj kuv kev los tig xav txog thiab paub kuv tus kheej.

Hnub tom qab ntawd, nyob rau hauv kuv txoj kev pe hawm, kuv txawm nyeem ib zaj lus ntawm Vajtswv txoj lus. “Yog koj tsis ua tib zoo nyeem Vajtswv cov lus, thiab koj tsis to taub qhov tseeb, ces koj tsis tuaj yeem xav txog koj tus kheej li; koj tsuas yuav lam txaus siab los ntawm qhov lam ua thiab tsis ua phem los sis ua txhaum, thiab siv qhov no ua lub hauv paus xwb. Txhua hnub koj tsuas lam ua kom dhau xwb, ua lub neej nyob muaj ib tug yam ntxwv uas tsis paub tseeb, tsuas lam ua txhua yam raws li twb teem sij hawm lawm xwb, yeej tsis siv koj lub siab los saib koj tus kheej kom meej los sis mob siab kom paub koj tus kheej li; koj pheej yuav lam tau lam ua kom dhau xwb. Ua li no mas koj yeej yuav ua tsis tau koj tes dej num kom mus txog ib tug qauv uas lees txais yuav tau li. Yuav kom siv tau tag nrho koj lub zog los ua ib yam dab tsi mas, koj yuav tsum xub muab tag nrho koj lub siab tso rau qhov ntawd tso; tsuas yog thaum koj xub muab tag nrho koj lub siab tso rau qee yam lawm xwb mas koj thiaj li yuav siv tau tag nrho koj lub zog los ua qhov ntawd, thiab ua kom zoo tshaj plaws. Niaj hnub no, muaj cov uas twb pib ua tib zoo ua lawv tes dej num lawm, lawv twb pib xav txog qhov ua ib tug neeg uas raug tsim tawm los tes tej dum kom tau zoo raws li Vajtswv lub siab li cas lawm. Lawv tsis xav phem thiab tub nkeeg, lawv tsis nyob twj ywm tos tus Nyob Saud txib xwb, tiam sis lawv ntaus thawj hlo lawm. Txiav txim raws li nej txoj kev ua nej tes dej num mas, nej yeej ua tau zoo dua li yav tas los lawm, thiab txawm qhov ntawd tseem qis dua tus qauv los xij, yeej muaj qhov ua tau zoo me ntsis lawm—uas yog qhov zoo lawm. Tiam sis nej yuav tsum tsis txhob txaus siab rau qhov zoo li ntawd xwb, nej yuav tsum tshawb tas li, ua kom zoo tas li mus—tsuas yog thaum ntawd xwb mas nej thiaj li ua tau nej tes dej num zoo, thiab mus txog tus qauv uas lees txais yuav tau. Txawm li cas los xij, thaum qee tus tib neeg ua lawv tes dej num, lawv yeej tsis siv tag nrho lawv lub zog thiab muab tag nrho txhua yam ntawm lawv los ua li, lawv tsuas siv li 50 mus rau 60 feem pua ntawm lawv lub zog xwb, thiab tsuas lam pab ua kom txog thaum qhov uas lawv tab tom ua ntawd tiav xwb. Lawv yeej ua tsis tau kom zoo li qub li: Thaum tsis muaj leej twg saib lawv los sis txhawb lawv lawm, ces lawv tsis tshua siv zog thiab tsis muaj siab ua lawm; thaum muaj qee tus neeg mus qhia qhov tseeb rau, mas lawv nquag plias, tiam sis yog tsis muab qhov tseeb qhia rau lawv tau li ib ntus lawm, ces lawv cia li tsis quav ntsej lawm. Qhov teeb meem yog dab tsi thaum lawv pheej mus mus los los zoo li no? Tib neeg yeej zoo li no thaum lawv tsis tau txais qhov tseeb, lawv txhua tus yeej ua neej raws li qhov lawv nyiam xwb, uas yog qhov tuav nyuaj heev: Yuav tsum muaj qee tus neeg los qhuab qhia lawv thiab qhia lawv txhua hnub xwb; thaum tsis muaj leej twg mus saib xyuas thiab pab lawv, thiab tsis muaj leej twg mus txhawb lawv lawm, ces lawv lub siab rov qab txias dua, lawv rov qab tsis siv zog ntxiv lawm. Thiab thaum lawv tsis siv zog lawm, ces lawv ua lawv tes dej num tsis tshua tau zoo lawm; yog lawv siv zog ua hauj lwm ntxiv, ces ua tau zoo tuaj, qhov lawv ua tau lawv tes dej num ntawd thiaj li zoo dua tuaj, thiab lawv tau tshaj thawj ntxiv. Qhov no puas yog nej txoj kev paub? Tej zaum nej yuav hais tias, ‘Vim li cas peb thiaj li pheej muaj teeb meem thaum ua peb tes dej num? Thaum daws tau tej teeb meem no lawm xwb, mas peb thiaj li yuav kaj siab; thaum daws tsis tau tej teeb meem no, ces peb txawm tsis quav ntsej lawm. Thaum muaj qee yam tshwm sim thaum peb ua peb tes dej num, thaum Vajtswv pom zoo rau peb vim peb txoj kev ua tau zoo, mas peb zoo siab heev, thiab peb xav hais tias thaum kawg peb paub tab lawm, tiam sis tsis ntev ntawd, thaum peb ntsib ib qho kev nyuaj, ces peb rov qab xav phem dua lawm—vim li cas peb tus yam ntxwv zoo li no thiaj li pheej tsis nyob li qub?’ Tseeb tiag, qhov tseem ceeb ces yog qhov hais tias nej to taub qhov tseeb tsawg dhau lawm, tsis muaj tej kev paub thiab kev to taub tob li, nej tseem tsis to taub ntau qhov tseeb, nej tsis muaj siab, thiab tsuas txaus siab rau qhov kev muaj peev xwm ua nej tes dej num xwb. Yog nej tsis to taub qhov tseeb, es nej yuav ua li cas ua tau nej tes dej num kom zoo txaus? Tseeb tiag, yam uas Vajtswv hais kom tib neeg ua ntawd tib neeg yeej puav leej ua tau; tsuav nej muab siab ua, thiab muaj peev xwm ua raws li nej lub siab nyob rau hauv txoj kev ua nej tes dej num xwb, ces nws yuav yooj yim los lees txais qhov tseeb—thiab yog nej tuaj yeem lees txais qhov tseeb lawm, ces nej tuaj yeem ua nej tes dej num kom zoo txaus. Nej yuav tsum xav li no hais tias: ‘Kev ntseeg Vajtswv nyob rau lub sij hawm no, kev noj thiab kev haus Vajtswv cov lus nyob rau lub sij hawm no, kuv tau txais ntau heev, thiab Vajtswv tau muab tej hmoov hlub thiab tej koob hmoov uas zoo heev rau kuv lawm. Kuv ua neej nyob rau hauv Vajtswv ob txhais tes, kuv ua neej nyob rau hauv Nws txoj kev tswj fwm thiab lub hwj chim kav, thiab Nws twb muab txoj pa no rau kuv lawm, yog li ntawd kuv yuav tsum mob siab, thiab siv zog kom tag nrho kuv lub zog los ua kuv tes dej num kom tiav—qhov no yog qhov tseem ceeb.’ Tib neeg yuav tsum muaj siab; tsuas yog cov uas muaj siab xwb thiaj li tuaj yeem siv zog nrhiav qhov tseeb tiag tiag, thiab tsuas yog thaum lawv to taub qhov tseeb lawm xwb mas lawv thiaj li yuav ua tau lawv tes dej num zoo, thiab ua rau Vajtswv txaus siab, hos ua rau Ntxwgnyoog txaj muag. Yog koj muaj lub siab dawb paug zoo li no, thiab tsis npaj txhawm rau koj tus kheej, tiam sis tsuas npaj kom tau txais qhov tseeb thiab ua koj tes dej num kom zoo xwb, ces koj txoj kev ua koj tes dej num yuav zoo li qub, thiab yuav zoo li qub mus li; txawm koj yuav ntsib tej xwm txheej zoo li cas los xij, koj yuav muaj peev xwm ua tau koj tes dej num mus ntxiv. Txawm leej twg yuav los dag koj los sis cuam tshuam koj, thiab txawm koj zoo siab thiab tsis zoo siab los xij, koj tseem yuav muaj peev xwm ua koj tes dej num zoo li qub. Ua li no, Vajtswv thiaj li yuav tso siab rau koj, thiab Vajntsujplig thiaj li yuav muaj peev xwm qhia koj kom to taub qhov tseeb tej hauv paus ntsiab lus, thiab coj koj kev kom to taub qhov tseeb qhov muaj tiag, kom koj txoj kev ua koj tes dej num thiaj li yuav paub tseeb tias mus raws li tus qauv lawm. Tsuav koj muab txhua yam fij rau Vajtswv los ntawm lub siab dawb paug, ua koj tes dej num tiag tiag, thiab tsis txhob ua dog ua dig los sis siv tej tswv yim dag xwb, ces koj yeej yuav ua tau raws li Vajtswv tus qauv. Vajtswv tshawb xyuas tib neeg lub siab, tej kev xav, tej kev npaj siab thiab tej kev txhawb siab kom meej. Yog koj lub siab ntshaw qhov tseeb thiab koj tuaj yeem nrhiav qhov tseeb, ces Vajtswv yuav qhia koj thiab qhia kom koj paub qhov tseeb” (Txoj Lus, Phau 3. Tej Kev Sib Tham ntawm Khetos ntawm Tiam Kawg. Nyob Rau Txoj Kev Ntseeg Vajtswv, Yam Uas Tseem Ceeb Tshaj Plaws Yog Xyaum Ua Raws thiab Paub Nws Cov Lus). Tom qab ua tib zoo xav txog Vajtswv txoj lus lawm, kuv mam li ras dheev hais tias tsis ntev los no kuv twb ua qee yam zoo nyob rau hauv kuv tes dej num lawm, yog li ntawd kuv txawm pib txaus siab rau kuv tus kheej thiab pib xav txog kuv lub cev nqaij daim tawv lawm. Kuv sab heev tom qab uas khwv tau ntev heev lawm, yog li ntawd kuv thiaj li xav hais tias kuv yuav tsum tau hlub kuv lub cev thiab, yog li ntawd kuv txawm pib so thiab tsis siv zog ua kuv tes dej num lawm. Kuv tsis raus tes rau lawm thiab tsis taug qab thiab kawm kom paub seb lwm tus ua lawv tej dej num li cas. Txawm kuv paub tias tseem muaj qee yam teeb meem uas yuav tsum tau daws nyob rau hauv peb tes hauj lwm los xij, kuv tsis paub maj li. Kuv xav hais tias qhov ntawd tsis ua li cas tsuav qhov ntawd tsis cuam tshuam rau qhov peb ua tau zoo tam sim no xwb, yog li ntawd thiaj li pom hais tias cov yeeb yaj duab ntawd muaj ntau qhov teeb meem heev thiab yuav tsum tau ua dua. Tshaj qhov ntawd, txhua tus puav leej muaj tus yeeb yam uas lam ua kom dhau xwb, thiab txhob txwm tsis siv zog ua lawv tej dej num li, tiam sis txawm li ntawd los xij, kuv tsis taug qab li, kuv lam ua kuv tes dej num kom dhau xwb, thiab kuv tsis quav ntsej thiab tsis leg lub luag hauj lwm li. Teeb meem yuav ua li cas tsis tshwm nyob rau hauv tes hauj lwm? Pawg ntseeg tau muab kuv nce los ua ib tug thawj saib xyuas thiab muab ib lub hwv tsam rau kuv los xyaum ua yam cia siab hais tias kuv yuav rau siab, leg lub luag hauj lwm, thiab ua kuv tes dej num kom zoo. Txawm qhov xwm txheej yuav zoo li cas los xij, kuv yuav tsum tsis txhob txuag lub zog rau hauv kuv tej dej num li thiab ua kuv tej luag hauj lwm kom tiav. Qhov no xwb thiaj li yog tib txoj kev ua kom nce qib. Tiam sis kuv saib kuv tes dej num cuag nkaus li nws yog ib txoj hauj lwm, thiab kuv ua hauj lwm rau lwm tus. Kuv tsis tshua txhawj thiab tsis tshua pab li lawm. Kuv tsis paub txhawj los sis maj li. Kuv yeej tsis xav txog qhov yuav ua kom txhua yam zoo dua los sis ua kom tau zoo tshaj plaws li. Kuv tsuas xav txog qhov yuav ua li cas kom kuv lub cev nqaij daim tawv thiaj li tsis tshua raug kev txom nyem thiab tsis sab xwb. Kuv tsis xav txog Vajtswv txoj kev npaj siab kiag li. Thaum ntawd yog thaum uas kuv ras dheev hais tias kuv tus cwj pwm coj rau txoj kev ua kuv tes dej num ntawd tsis yog lawm. Kuv zais kuv lub siab kom Vajtswv txhob pom thiab zais txoj kev ntse.

Nyob rau ib lub rooj sib tham, kuv pom ib zaj lus ntawm Vajtswv txoj lus uas nthuav tawm txog cov thawj coj cuav uas raug kuv tob heev li. Vajtswv cov lus hais tias: “Vim cov thawj coj cuav tsis kawm kom paub txog qhov nce qib ntawm tes hauj lwm, thiab vim lawv tsis muaj peev xwm paub kiag tam sim ntawd—haj yam daws tsis tau—tej teeb meem uas muaj nyob rau hauv tes hauj lwm ntawd, ces qhov nov thiaj li ua rau muaj kev khuam tab kaum ib zaug tas los ib zaug thiab. Nyob rau hauv qee tes hauj lwm mas, vim tib neeg tsis to taub txog cov hauv paus ntsiab lus thiab tsis muaj ib tug zoo tsim nyog los ris tes hauj lwm los tswj xyuas tes hauj lwm ntawd, ces cov uas ua tes hauj lwm ntawd thiaj li nquag nquag muaj kev xav rau qhov phem, nyob twj ywm, thiab tos nkaus xwb, uas ua rau muaj kev cuam tshuam rau qhov kev nce qib ntawm tes hauj. Yog hais tias cov thawj coj tau ua lawv tes dej num tiav hlo lawm—yog lawv tswj xyuas tes hauj lwm, nias qees tes hauj lwm mus lawm tom ntej, saib xyuas tes hauj lwm ntawd, thiab nrhiav tej tug uas to taub hom hauj lwm ntawd los coj tes hauj lwm ntawd kev, ces tes hauj lwm yeej yuav nce qib sai dua li qhov muaj kev khuam tab kaum ib zaug tas los ib zaug thiab. Rau cov thawj coj mas, qhov to taub thiab nkag siab txog tes hauj lwm ntawd yog qhov tseeb ceeb heev. Muaj tseeb, nws kuj yog ib qho uas tim tsum heev rau cov thawj coj kom to taub thiab nkag siab tias tes hauj lwm ntawd nce qib mus zoo li cas lawm, vim qhov nce qib ntawd cuam tshuam rau qhov uas ua tes hauj lwm tau zoo thiab qhov tau los uas tsim nyog ua kom tau. Yog cov thawj coj thiab cov neeg ua hauj lwm tsis muaj ib qho kev nkag siab txog qhov pawg ntseeg tes hauj lwm nce qib li cas, thiab lawv tsis taug qab txog los sis tsis saib xyuas txhua yam li, ces qhov nce qib ntawm pawg ntseeg tes hauj lwm ntawd yuav mus qeeb heev. Qhov no yog vim tias cov tib neeg feem coob uas ua tej dej num ntawd mas ua phem heev, tsis paub txog lub nra, thiab pheej xav phem, tub nkeeg, thiab lam tau lam ua xwb. Yog tsis muaj leej twg paub txog lub nra thiab tsis muaj peev xwm ua hauj lwm los ris lub luag hauj lwm kom ua tau tes hauj lwm zoo, kawm kom paub txog qhov nce qib ntawm tes hauj lwm kom raws sij hawm, thiab coj kev, saib xyuas, qhuab qhia, thiab qhuab ntuas cov neeg ua dej num ntawd, ces qhov ua tes hauj lwm zoo ntawd yeej yuav qeeb heev thiab qhov txiaj ntsim ntawm tes hauj lwm ntawd yeej yuav tsis zoo kiag li. Yog cov thawj coj thiab cov neeg ua hauj lwm haj tseem twb tsis pom qhov no kom meej thiab, ces yog lawv ruam thiab dig muag lawm. Yog li ntawd, cov thawj coj thiab cov neeg ua hauj lwm ntawd yuav tsum saib qhov ntawd kom sai, taug qab, thiab to taub qhov nce qib ntawm tes hauj lwm, saib seb tej teeb meem uas cov tib neeg ua dej num ntawd muaj uas yuav tsum tau daws yog dab tsi, thiab to taub seb tej teeb meem twg yuav tsum tau daws kom thiaj li ua tau txiaj ntsim zoo dua. Tej no puav leej tseem ceeb heev, ib tug tib neeg uas ua ib tug thawj coj mas yuav tsum paub tej no kom meej. Yuav kom ua tau koj tes dej num zoo mas, koj yuav tsum tsis txhob ua zoo li ib tug thawj coj cuav, tus uas ua qee qhov hauj lwm ntiav ntiav xwb ces txawm xav hais tias nws mas twb ua tau nws tes dej num zoo lawm. Cov thawj coj cuav yeej tsis quav ntsej thiab tsis xyuam xim txog lawv tes hauj lwm, thiab lawv tsis paub txog lub luag hauj lwm, lawv tsis daws teeb meem thaum muaj tej teeb meem ntawd, thiab txawm lawv ua tes hauj lwm dab tsi los xij, lawv tsuas lam ua saum daim tawv thiab lam tau lam ua xwb; lawv tsuas hais cov lus zoo, nthuav tej kev qhuab qhia tawm thiab tham lus qhuav, thiab lam ua lawv tes hauj lwm kom dhau xwb. Muab hais dav dav ces, qhov no yog cov thawj coj cuav uas hauj lwm tus yam ntxwv. Yog muab piv rau cov tawm tsam khetos, ces txawm cov thawj coj cuav ntawd tsis ua dab tsi phem tshaj thiab tsis txhob txwm ua phem los, thaum koj saib rau qhov lawv ua hauj lwm ntawd, yeej hais tau hais tias lawv lam tau lam ua xwb, yeej tsis ris ib lub nra, yeej tsis leg lub luag hauj lwm thiab yeej tsis ua siab ncaj ncees rau lawv tes hauj lwm li” (Txoj Lus, Phau 5. Tej Luag Hauj Lwm ntawm Cov Thawj Coj thiab Cov Neeg Ua Hauj Lwm. Tej Luag Hauj Lwm ntawm Cov Thawj Coj thiab Cov Neeg Ua Hauj Lwm (4)). Tom qab nyeem Vajtswv cov lus lawm, kuv mloog zoo li kuv muaj kev txhaum ntau heev. Tsis yog kuv tus cwj pwm zoo ib yam nkaus li ib tug thawj coj cuav lod? Vim kuv tub nkeeg thiab ua raws li kuv lub cev nqaij daim tawv xwb, kuv thiaj li tsis taug qab los sis saib xyuas hauj lwm li, es thiaj li cuam tshuam tag nrho qhov kev nce qib thiab tej uas ua tau zoo ntawm peb tes hauj lwm. Kuv txoj kev xav hauv nruab siab qhia kuv hais tias saib xyuas tau tes hauj lwm ntawd zoo lawm thiab tsis muaj ntau yam teeb meem, tiam sis tseeb tiag, yeej tseem muaj ntau yam teeb meem uas yuav tau daws. Vim kuv tsis ris ib lub nra thiab tsis leg lub luag hauj lwm, kuv tus kheej dig muag tsis pom peb tej teeb meem hlo li. Los ntawm txoj kev tig xav, kuv kuj ras dheev hais tias kuv muaj ib txoj kev xav yuam kev lawm thiab. Thaum kuv pom kuv cov nus thiab cov viv ncaus nquag thiab ua tau lawv tej dej num nce qib, kuv thiaj li xav hais tias txhua tus puav leej mob siab ua lawv tej dej num heev yog li ntawd tsis tas yuav saib xyuas li. Vajtswv txoj lus twb nthuav tawm ntev los lawm hais tias tib neeg muaj tus cwj pwm tsis ua dab tsi thiab tus moj yam uas qias vuab tsuab tshaj plaws. Ua ntej tib neeg tau txais qhov tseeb, thiab ua ntej lawv tus moj yam hloov pauv, lawv ib txwm ua raws li lub cev nqaij daim tawv thiab ntshaw kev kaj siab, lawv lam ua kom dhau thiab siv kev ntxias dag thiab tej tswv yim dag nyob rau hauv lawv tej dej num, thiab lawv ua raws li lawv tus kheej tej tswv yim xwb thiab tsis xyaum ua raws tej hauv paus ntsiab lus li. Kuv zoo ib yam nkaus li ntawd ntag. Yog tsis muaj Vajtswv txoj kev txiav txim thiab kev rau txim, thiab yog tsis muaj tej lus hais kom nco thiab kev saib xyuas peb cov nus thiab cov viv ncaus lawm, ces kuv yeej tsis siv zog ua li thiab yuav ua rau muaj teeb meem tshwm nyob rau hauv kuv tej dej num. Yog li ntawd, kuv yuav tsum tau taug qab thiab saib xyuas tes hauj lwm ntawd, nrog rau kev tshawb thiab daws tej teeb meem ntawd thiab tej kev ua yuam kev hauv peb tej dej num kom sai kom tes hauj lwm mus tau zoo. Tiam sis kuv txoj kev xam pom txog txhua yam mas tsis muaj qab hau li. Kuv tsis to taub tib neeg tus yeeb yam qias vuab tsuab los sis saib tib neeg thiab txhua yam raws li Vajtswv txoj lus li. Kuv tsuas vam khom rau kuv tus kheej txoj kev xav hauv nruab siab xwb, tsis tshawb xyuas los sis taug tes hauj lwm ntawd qab, tsis daws teeb meem kom ncav sij hawm li, tiam sis ho xav kom ua tau zoo thiab. Qhov no yog ib qho kev qhia kom pom meej txog ib tug thawj coj cuav uas tsis ua hauj lwm kom muaj qab hau. Txawm kuv tsis ua kev phem tiag tiag los, kuv txoj kev tsis leg lub luag hauj lwm ntawd ua rau tes hauj lwm tsis loj hlob, thiab qhov poob ntawd kho tsis tau li lawm. Tom qab ntawd, kuv qhib siab lug thiab qhia rau kuv cov nus thiab cov viv ncaus txog kuv tus yam ntxwv. Kuv kuj qhia tawm txog qhov txhua tus tsis mob siab leg lawv tej dej num thiab ua tsis tau kom lawv tej dej num nce qib li, ces peb txawm nrhiav tej kev daws teeb meem ntawd ua ke. Tom qab ntawd, kuv txawm ntshai kuv tes dej num me ntsis lawm. Thaum twg uas kuv ua hauj lwm tag lawm, kuv pheej ua tib zoo xav seb puas muaj ib qho dab tsi uas yuav tau tsim kho. Kuv pheej taug kuv cov nus thiab cov viv ncaus tes hauj lwm qab, ces txawm muaj qee yam kev tsim kho nyob rau hauv tej uas peb tau ua lawm.

Tsis ntev tom qab ntawd, peb ntsib ib qho teeb meem txog txoj kev ua cov yeeb yaj duab ntawd, ces tus thawj coj pab pawg txawm nug kuv seb kuv puas muaj ib qho tswv yim los sis tej lus qhia uas zoo. Kuv tsis paub xyov yuav teb li cas, yog li ntawd kuv thiaj li hais tias, “Kuv tseem xav tsis tau tau ib txoj kev daws teeb meem uas zoo, yog li ntawd cia peb xav txog qhov ntawd txuas ntxiv.” Tom qab ntawd, kuv ras dheev hais tias qhov kev daws kom tau qhov kev nyuaj no tsis yog ib qho uas hais ob peb lo lus xwb ces txawm siv daws tau lawm. Kuv yuav tsum tau nrhiav ntaub ntawv, tshawb, thiab nrhiav ib txoj kev los xyaum ua raws. Qhov no yuav siv sij hawm thiab dag zog ntau heev, thiab kuv yuav tsum tau sim ua txhua yam thiab tshuaj xyuas tej uas yuav ua tau tas li. Qhov kuv yuav ua tau nyob rau thaum kawg ntawd mas hais tsis tau. Yog qhov ntawd ua tsis tau hauj lwm, ces tsis yog nkim tag nrho kuv lub zog xwb lod? Kuv yim xav txog qhov ntawd, ces kuv yim mloog zoo li yog ib txoj hauj lwm uas dhuav heev. Kuv xav hais tias, “Kav liam, nyaj txhua yam tsis ua li cas. Tam sim no peb tes hauj lwm ua tau zoo lawm, yog li ntawd tsis tas yuav maj daws qhov no li.” Yog li ntawd kuv thiaj li muab qhov teeb meem ntawd tso tseg lawm. Nyob rau lub sij hawm ntawd mas, kuv hnov tsis tshua kaj siab li. Nws tsis yog qhov tias kuv tsis muaj txoj hau kev los daws qhov teeb meem ntawd. Yam uas kuv yuav tsum tau ua ces yog tiv kev txom nyem me ntsis. Tom qab ntawd, tus thawj coj pab pawg qhia kuv dua hais tias, “Cov nus thiab cov viv ncaus tab tom muaj tej kev nyuaj, yog li ntawd peb yuav tsum tau daws tej ntawd.” Qhov tus thawj coj pab pawg hais li ntawd ua rau kuv tig xav hais tias, “Yog ib tug thawj saib xyuas lawm, tsis tsim nyog koj ntaus thawj hlo los saib xyuas tej kev nyuaj thiab daws tib neeg tej teeb meem lod? Tiam sis thaum kuv pom tej kev nyuaj, kuv zam tej kev nyuaj ntawd, thiab kuv tsis muaj kev paub leg lub luag hauj lwm li.” Kuv mloog zoo li kuv muaj kev txhaum, yog li ntawd kuv thiaj li thov Vajtswv hais tias, “Vajtswv, thaum kuv ntsib tej kev nyuaj nyob rau hauv tes hauj lwm, kuv yeej tsis xav siv zog ua hauj lwm li thiab pheej xav txog kuv tej kev ntshaw ntawm sab cev nqaij daim tawv xwb. Kuv paub hais tias qhov no tsis mus raws li Koj txoj kev npaj siab lawm. Thov coj kuv kev los tig xav txog kuv tus kheej thiab hloov pauv kuv tus yam ntxwv uas tsis yog lawm.”

Nyob rau hauv kuv tej kev pe hawm, kuv xav hais tias, “Vim li cas kuv thiaj li pheej xav txog kuv lub cev nqaij daim tawv nyob rau hauv kuv tes dej num xwb? Vim li cas kuv thiaj li tiv tsis taus ib txoj kev txom nyem los ua tes hauj lwm tiag li?” Muaj ib hnub, kuv pom ob zaj lus ntawm Vajtswv cov lus uas ua rau kuv to taub. Vajtswv Tus Uas Muaj Hwj Chim Loj Kawg Nkaus hais tias, “Yog li ntawd Ntxwgnyoog cov kuab lom yog dab tsi? Cov kuab lom ntawd nthuav tawm tau li cas? Piv txwv li, yog koj nug tias, ‘Tib neeg yuav tsum ua neej nyob li cas? Qhov tib neeg yuav tsum ua neej nyob yog dab tsi?’ ces tib neeg yuav teb tias, ‘Txhua tus tib neeg ua rau nws tus kheej thiab tus dab phem muab tus tom qab kawg.’ Kab ntawv no nthuav tawm txog lub hauv paus tiag tiag ntawm qhov teeb meem. Ntxwgnyoog lub tswv yim thiab qhov laj thawj tau dhau los ua tib neeg lub neej lawm. Txawm hais tias tib neeg yuav caum dab tsi los xij, lawv ua li ntawd rau lawv tus kheej xwb—thiab yog li ntawd lawv tsuas ua lub neej rau lawv tus kheej lawm xwb. ‘Txhua tus tib neeg ua rau nws tus kheej thiab tus dab phem muab tus tom qab kawg’—qhov no yog tib neeg lub tswv yim rau kev ua neej, thiab nws kuj sawv cev tam rau tib neeg tus yeeb yam thiab. Cov lus no twb dhau los ua cov tib neeg ntiaj teb qias vuab tsuab tus yeeb yam thiab cov lus ntawd yog tib neeg ntiaj teb qias vuab tsuab tus yeeb yam phem lawm. Tus yeeb yam phem no twb dhau los ua lub hauv paus rau cov tib neeg ntiaj teb qias vuab tsuab qhov muaj txoj sia nyob lawm. Tau ntau txhiab xyoo lawm, cov tib neeg ntiaj teb qias vuab tsuab no tau ua neej raws li Ntxwgnyoog qhov kuab lom no los txog ntua rau niaj hnub nim no” (Txoj Lus, Phau 3. Tej Kev Sib Tham ntawm Khetos ntawm Tiam Kawg. Yuav Taug Petus Txoj Kev Li Cas). “Tib neeg cev nqaij daim tawv ces zoo yam li tus nab: Nws lub ntsiab yog los txov lawv txoj sia—thiab thaum nws tau nws yam tag lawm, koj txoj sia piam lawm. Cev nqaij daim tawv yog Ntxwgnyoog li. Nyob rau hauv nws yog tej kev ntshaw tsis paub txaus, nws tsuas xav rau nws tus kheej xwb, nws xav zoo siab xyiv fab hlo thiab txaus siab rau txoj kev ua si, kaj siab lug rau txoj kev tub nkeeg thiab kev nyob dawb, thiab tau ua rau nws txaus siab mus txog ib theem uas koj yuav raug nws muab koj noj rau thaum kawg. Hais tau tias, yog koj ua rau nws txaus siab zaum no, lwm zaus nws yuav los nug dua ntxiv. Nws yeej ib txwm muaj tej kev ntshaw tsis paub txaus thiab tej kev xav tau tshiab, thiab siv koj txoj kev pom zoo rau cev nqaij daim tawv los ua kom koj saib xyuas nws kom ntau dua thiab nyob rau hauv nws tej kev nplig siab—thiab yog tias koj kov tsis yeej nws, thaum kawg koj tus kheej yuav liam sim. Txawm tias koj tau koj lub neej rau ntawm Vajtswv xub ntiag thiab qhov koj tau los thaum kawg yuav yog dab tsi kuj xij, nyob ntawm seb koj siv koj txoj kev ntxeev siab tawm tsam cev nqaij daim tawv li cas xwb. Vajtswv twb tau cawm koj thiab xaiv koj thiab npaj rau koj lawm, tab sis yog tias hnub no koj tsis zoo siab hlo ua kom Nws txaus siab, koj tsis zoo siab hlo muab qhov tseeb coj los xyaum coj, koj tsis zoo siab hlo ntxeev siab tawm tsam koj tus kheej cev nqaij daim tawv los ntawm ib lub siab uas hlub Vajtswv tiag tiag, thaum kawg koj tus kheej yuav liam sim, thiab yog li yuav tau tiv tej kev mob uas mob heev. Yog tias koj ib txwm pom zoo rau cev nqaij daim tawv, Ntxwgnyoog yuav maj mam nqos koj, thiab muab koj tso tseg tsis muaj sia, los sis qhov kov ntawm tus Ntsujplig, kom txog rau hnub uas thaum koj sab hauv tsaus nti lawm xwb. Thaum koj nyob hauv qhov tsaus, koj yuav raug Ntxwgnyoog muab kaw cia, koj yuav tsis muaj Vajtswv nyob hauv koj lub siab lawm, thiab nyob rau lub sij hawm ntawd koj yuav tsis lees paub tias muaj Vajtswv thiab tso Nws tseg” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Tsuas Yog Txoj Kev Hlub Vajtswv Xwb Thiaj Yog Txoj Kev Ntseeg Vajtswv Tiag). Tom qab nyeem Vajtswv cov lus lawm, kuv pom hais tias kuv tus yam ntxwv phom sij npaum li cas! Kuv ua neej raws li tej tswv yim pheem uas hais tias “Txhua tus tib neeg ua rau nws tus kheej thiab tus dab phem muab tus tom qab kawg.” Kuv twm xeeb heev, thiab txawm yuav muaj dab tsi tshwm sim los xij, kuv pheej xav txog kuv tus kheej tej kev ntshaw ntawm sab cev nqaij daim tawv ua ntej xwb. Thaum kuv ntsib ib qho teeb meem uas yuav tsum tau daws nyob rau hauv kuv tes dej num ntawd, kuv yeej tsis xav txog tias yuav ua li cas es thiaj li muaj txiaj ntsim rau pawg ntseeg tes hauj lwm li. Kuv pheej txhawj txog kuv lub cev nqaij daim tawv, thiab pheej xav kom raug kev txom nyem tsawg thiab tiv kev txom nyem kom tsawg tas li xwb. Tseeb tiag, hais txog qee yam teeb meem ntawd, tsuav kuv tiv kev txom nyem thiab siv sij hawm los kawm thiab xav txog qhov ntawd xwb, ces kuv yeej daws tau qhov ntawd, tiam sis vim kuv txhawj txog kuv lub cev nqaij daim tawv xwb thiab tsis kam raug kev txom nyem li, kuv xav hais tias kev tshawb fawb qib siab ntawd mas siv kev xav ntau heev. Vim li ntawd, thiaj li daws tsis tau qhov teeb meem ntawd li, thiab tes hauj lwm ntawd thiaj li tsis nce qib li. Vajtswv txoj lus nthuav tawm hais tias tib neeg lub cev nqaij daim tawv ntawd mas tseeb tiag yog Ntxwgnyoog li, thiab lub cev nqaij daim tawv ntawd pheej muaj ntau yam kev ntshaw thiab kev xav tau. Peb yim ua rau lub cev txaus siab, ces lub cev yim ntshaw ntau tuaj, thiab thaum muaj ib qho kev cov nyom rau tej kev ntshaw ntawm peb sab cev nqaij daim tawv thiab peb tej dej num lawm, yog tib neeg ntshaw qhov tau zoo, ces lawv yuav ua raws li lub cev nqaij daim tawv thiab muab pawg ntseeg tes hauj lwm tso tseg. Qhov no ua rau lub cev nqaij daim tawv txaus siab, tiam sis ua rau pawg ntseeg tes hauj lwm puas tsuaj, thiab nyob rau thaum kawg, nws ua txhaum rau Vajtswv tus moj yam, yog li ntawd Vajtswv thiaj li ntxub peb thiab muab peb tshem tawm. Lub txim uas ua raws li lub cev nqaij daim tawv thiab txoj kev ntshaw qhov tau zoo mas loj heev. Kuv tsis pom lub ntsiab tseeb ntawm lub cev nqaij daim tawv, thiab kuv pheej ntshaw qhov tau zoo xwb. Kuv saib txoj kev xyiv fab ntawm sab cev nqaij daim tawv tseem ceeb dua lwm yam huv si. Tsis yog kuv tej kev caum thiab tej kev xam pom zoo ib yam nkaus li cov tsis ntseeg xwb lod? Cov tsis ntseeg pheej hais tias “ua zoo rau koj tus kheej,” uas hais tau hais tias, tsis txhob cia koj lub cev nqaij daim tawv raug kev txom nyem, thiab ua kom tau zoo raws li tej kev ntshaw thiab tej kev xav tau ntawm lub cev nqaij daim tawv. Lawv tsuas ua neej nyob txhawm rau lub cev nqaij daim tawv xwb, lawv tsis to taub qhov muaj nqis thiab lub ntsiab ntawm noob neej lub neej txoj sia kiag li, thiab lawv tsis muaj txoj xub ke thiab lub hom phiaj uas yog nyob rau hauv lub neej txoj sia li. Lawv tsis muaj kev kaj siab nyob hauv lawv lub siab li, thiab lawv ua rau lawv lub neej txoj sia nyob qhuav qhawv xwb, thiab ua neej nyob tsis muaj qab hau dab tsi li. Ib txhia tib neeg hauv pawg ntseeg mas pheej ntshaw txoj kev txaus siab ntawm sab cev nqaij daim tawv xwb, tsis caum qhov tseeb, tsis quav ntsej lawv tej dej num, siv tej tswv yim dag, thiab tsis siv zog ua li, uas ua rau pawg ntseeg tes hauj lwm puas tsuaj loj heev, thiab nyob rau thaum kawg, lawv kawg raug tshem tawm. Ib txhia pheej lam tau lam ua lawv tes dej num xwb thiab ua tsis tau ib teg dej num zoo li, ces thaum kawg kawg raug muab tshem tawm xwb. Xav txog mas txaus ntshai heev! Ces kuv txawm xav txog kuv tus kheej. Kuv twb ntseeg Vajtswv los tau ntau xyoo lawm, tiam sis kuv tej kev xav yeej tsis hloov pauv kiag li. Kuv saib kuv tej kev ntshaw ntawm sab cev nqaij daim tawv ntawd muaj nqis dua qhov tseeb. Kuv tsuas ntshaw kom tau zoo, thiab kuv tsuas lam tau lam ua kom dhau kuv tes dej num xwb. Yog zoo li no txuas ntxiv mus, kuv yuav tsis raug Vajtswv qhuab qhia thiab raug tshem tawm lod? Thaum kuv ras dheev txog qhov no lawm, kuv ntshai heev. Kuv tsis tuaj yeem xav txog kuv lub cev nqaij daim tawv ntxiv lawm. Kuv xav ua kuv tes dej num thiab ua kuv tej luag hauj lwm kom tiav yam kub siab lug.

Muaj ib hnub, kuv txawm saib ib daim yeeb yaj duab uas nyeem txog Vajtswv cov lus thiab pom ib txoj kev xyaum ua raws lawm. Vajtswv cov lus hais tias, “Cov tib neeg uas ntseeg Vajtswv tiag mas yeej txaus siab hlo ua lawv tej dej num, yam tsis xav txog rau lawv tus kheej qhov tshaj thawj thiab qhov yuav poob li. Txawm tias xyov koj puas yog ib tug neeg uas caum qhov tseeb los xij, koj yuav tsum vam khom rau koj lub siab txawj xav thiab qhov laj thawj thiab siv zog tiag tiag thaum koj ua koj tes dej num. Qhov siv zog ntawd txhais li cas tiag tiag? Yog tias koj tsuas txaus siab rau tej yam uas lam ua, thiab txom nyem me ntsis ntawm sab cev nqaij daim tawv xwb, tiam sis koj tsis ua koj tes dej num tiag tiag li los sis nrhiav qhov tseeb tej hauv paus ntsiab lus li, ces qhov no yog kev lam tau lam ua nkaus xwb—nws tsis yog siv zog ua tiag tiag. Qhov tseem ceeb ntawm qhov siv zog ntawd yog muab koj lub siab tso rau qhov ntawd, hwm Vajtswv hauv koj lub siab, ua tib zoo xav txog Vajtswv tej kev npaj siab, ntshai txoj kev ntxeev siab tawm tsam Vajtswv thiab txoj kev ua rau Vajtswv mob siab, thiab tiv txhua yam kev txom nyem kom ua tau koj tes dej num zoo thiab ua rau Vajtswv txaus siab: Yog koj muaj ib lub siab hlub Vajtswv li no, ces koj yuav muaj peev xwm ua tau koj tes dej num zoo. Yog hauv koj lub siab tsis muaj kev ntshai Vajtswv li, ces koj yuav tsis muaj lub nra hnyav thaum koj ua koj tes dej num, koj yuav tsis nyiam tes dej num ntawd, thiab yuav lam tau lam ua, thiab lam ua kom dhau xwb, tsis siv zog ua tiag tiag li—uas yog tsis yog kev ua ib teg dej num. Yog koj yeej muaj ib lub siab ris nra tiag tiag, thiab xav hais tias kev ua koj tes dej num yog koj tus kheej lub luag hauj lwm ntag, thiab tias yog koj tsis ua, ces koj tsis tsim nyog ua neej nyob, thiab yog ib tug tsiaj xwb, tias tsuas yog koj ua koj tes dej num kom zoo xwb mas thiaj li tsim nyog hu koj ua ib tug tib neeg, thiab tuaj yeem fim koj tus kheej lub siab txawj xav—yog koj muaj lub siab uas ris nra no thaum koj ua koj tes dej num—ces koj yuav muaj peev xwm ua tib zoo ua txhua yam, thiab yuav muaj peev xwm nrhiav qhov tseeb thiab ua txhua yam raws li tej hauv paus ntsiab lus, thiab yuav muaj peev xwm ua koj tes dej num kom zoo thiab ua rau Vajtswv txaus siab. Yog koj tsim nyog ua txoj num uas Vajtswv twb muab rau koj ua, thiab txhua yam uas Vajtswv twb ua rau koj thiab Nws tej kev cia siab rau koj lawm, ces qhov nov thiaj li yog qhov siv zog ua tiag tiag” (Txoj Lus, Phau 3. Tej Kev Sib Tham ntawm Khetos ntawm Tiam Kawg. Yuav Kom Ua Tau Yus Tes Dej Num Zoo Mas, Yam Tsawg Kawg Yus Yuav Tsum Muaj Ib Lub Siab Zoo thiab Muaj Laj Thawj). “Thaum koj muaj txoj kev twm xeeb thiab muaj tej kev dag ntxias kom tau txiaj ntsim rau koj tus kheej ntawd nyob rau hauv koj lawm, es yog koj ras dheev txog qhov no lawm, ces koj yuav tsum thov Vajtswv thiab nrhiav qhov tseeb kom thiaj li daws tau qhov no. Thawj qhov uas koj yuav tsum paub txog yog qhov hais tias nyob rau hauv lub ntsiab tseeb ntawd mas, qhov ua li no yog ib txoj kev ua txhaum rau qhov tseeb tej hauv paus ntsiab lus lawm, qhov ntawd yog qhov rhuav tshem pawg ntseeg tes hauj lwm, nws tus cwj pwm twm xeeb thiab ntxim ntxub, nws tsis yog qhov cov tib neeg uas muaj lub siab txawj xav thiab muaj laj thawj ntawd yuav tsum tau ua. Koj yuav tsum muab koj tus kheej tej kev ntshaw thiab txoj kev twm xeeb ntawd tso tseg, thiab yuav tsum xav txog pawg ntseeg tes hauj lwm xwb—qhov no thiaj li mus raws li Vajtswv tej kev npaj siab. Tom qab thov Vajtswv thiab tig xav txog koj tus kheej lawm, yog koj yeej ras dheev tiag tiag hais tias qhov ua li ntawd mas twm xeeb thiab ntxim ntxub heev lawm, mas qhov muab koj tus kheej txoj kev twm xeeb ntawd tso tseg yuav yooj yim. Thaum koj muab koj txoj kev twm xeeb thiab tej kev dag ntxias kom tau txiaj ntsim ntawd tso tseg lawm, ces koj yuav nyob ruaj khov, koj yuav kaj siab, xyiv fab, thiab yuav xav tias ib tug tig neeg muaj lub siab txawj xav thiab muaj laj thawj yuav tsum xav txog pawg ntseeg tes hauj lwm, tias tus tib neeg ntawd yuav tsum tsis txhob tsom ntsoov rau nws tus kheej tej kev ntshaw xwb, uas yog qhov twm xeeb heev, ntxim ntxub heev, thiab tsis muaj lub siab txawj xav los sis tsis muaj laj thawj li. Qhov tsis ua niag twm xeeb ntsuav, qhov xav txog pawg ntseeg tes hauj lwm, thiab qhov ua txhua yam kom Vajtswv txaus siab ntawd yog qhov ncaj ncees thiab tsim nyog hwm lawm, thiab yuav ua rau qhov koj muaj txoj sia nyob ntawd muaj nuj nqis. Qhov ua neej li no nyob rau hauv ntiaj teb, yog qhov koj qhib siab lug thiab coj ncaj, yog qhov koj ua neej li txoj kev ib txwm ua neej, thiab raws li tib neeg tus yam ntxwv tiag tiag ntag, thiab tsis yog koj tsuas muaj ib lub siab dawb paug xwb, tiam sis kuj tsim nyog tau txais txhua yam uas Vajtswv tau muab pub rau koj lawm thiab. Koj yim ua neej zoo li no, ces koj yim nyob ruaj khov, koj yim muaj kev thaj yeeb thiab kev xyiv fab, thiab koj yim hnov kaj siab xwb. Zoo li no es, koj tseem yuav tsis cev taw mus rau txoj kev yog ntawm txoj kev ntseeg Vajtswv thiab lod?” (Txoj Lus, Phau 3. Tej Kev Sib Tham ntawm Khetos ntawm Tiam Kawg. Muab Yus Lub Siab rau Vajtswv, Es Yus Thiaj Li Tuaj Yeem Tau Txais Qhov Tseeb). Kuv to taub hais tias yuav kom ua tau kuv tes dej num zoo mas, kuv yuav tsum tau siv zog ua hauj lwm raws li Vajtswv txoj lus. Kuv tsis tuaj yeem cia li siv zog ua hauj lwm thiab tiv kev txom nyem rau sab nrauv xwb. Qhov uas tseem ceeb tshaj plaws yog ris lub nra no nyob rau hauv kuv lub siab, muab pawg ntseeg tes hauj lwm saib kom tseem ceeb tshaj txhua yam huv si, ua kom zoo tshaj plaws, thiab ua kom tiav txhua yam uas kuv yuav tsum tau ua. Tsuas yog ua li no xwb thiaj li tsim nyog qhov kuv ua tib zoo siv lub zog uas Vajtswv muab rau kuv lawm, thiab kuv thiaj li ua tau neej zoo li tib neeg. Tes hauj lwm uas ua tim khawv rau Vajtswv los ntawm cov yeeb yaj duab zoo mas tseem ceeb heev! Kuv yuav tsum vam khom rau Vajtswv thiab ua kuv tes dej num kom zoo tshaj plaws. Txawm tias muaj ntau yam kev nyuaj thiab teeb meem nyob rau hauv kuv tes dej num los xij, los ntawm tej kev nyuaj no, kuv thiaj li pom tseeb tseeb txog kuv tus yam ntxwv phem uas ntshaw kev tau zoo thiab tsis mob siab ua kom nce qib li. Kuv ras dheev txog kuv tej kev xam pom cuav uas txhawb kuv txoj kev caum ntawd lawm yog li ntawd kuv thiaj li yuav tau lees txim hloov dua siab tshiab thiab hloov pauv. Tej ntawd yog ib lub hwv tsam rau kuv los txais qhov tseeb thiab tso kuv tus moj yam qias vuab tsuab tseg. Nyob rau tib lub sij hawm ntawd, tej ntawd kuj ua rau kuv pom kuv tej kev ua yuam kev qib siab thiab. Peb yuav tsum tau tsim kho peb tej kev txawj qib siab los ua kom nce qib nyob rau hauv peb tej dej num. Tom qab kuv to taub Vajtswv txoj kev npaj siab lawm, kuv hnov txhawb siab tuaj. Tom qab ntawd, kuv thov Vajtswv txog peb tej teeb meem thiab tej kev nyuaj, nrhiav Vajtswv txoj kev coj qhia, thiab nrog kuv cov nus thiab cov viv ncaus sib tham txog txoj kev daws teeb meem. Tawm hauv kuv nruab siab tuaj, kuv tsis xav tub nkeeg los sis tshem tes ntxiv lawm, thiab kuv kuj siv zog ua hauj lwm los kawm kom paub tej kev txawj qib siab thiab. Thaum kuv daig thiab xav tso tseg, kuv thov Vajtswv, ntxeev siab tawm tsam cev nqaij daim tawv, thiab mob siab ua kuv tes dej num. Ib ntus tom qab ntawd, thaum kawg kuv thiaj li nrhiav tau ib txoj kev zoo tuaj lawm, daws tau qhov teeb meem ntawd ceev heev, tej uas peb ua tau los zoo dua tuaj me ntsis lawm yog muab pib rau yav tag los. Qhov ua kuv tes dej num li no ua rau kuv hnov muaj kev kaj siab tiag tiag li. Tseeb tiag, kev daws teeb meem thiab kev ua hauj lwm kom muaj qab hau ntawd tsis nyuaj npaum li ntawd, thiab kuv twb tsis tau raug kev txom nyem ntau li. Kuv tsuas yog yuav tsum tau ua tib zoo ua kuv tes dej num los txais Vajtswv txoj kev coj qhia thiab tej koob hmoov xwb. Kuv txoj kev to taub qhov tseeb yeej tseem muaj tsawg heev, yog li ntawd nyob rau yav tom ntej, kuv yuav tau tsom ntsoov rau kev daws kuv tus moj yam qias vuab tsuab uas nyob rau hauv kuv tes dej num, thiab ua kuv tes dej num kom kawg kuv lub siab los ua kom Vajtswv txaus siab!