1

Au, Vajtswv Tus Uas Muaj Hwj Chim Loj Kawg Nkaus! Koj tau nqis saum ntuj los rau hauv lub ntiaj teb no.

Koj ua raws li Leej Txiv lub siab nyiam los cawm tib neeg,

Los hnav cev nqaij daim tawv, nthuav tawm txog qhov tseeb, thiab coj kev txiav txim.

Koj ncaj ncees thiab muaj hwj chim tshaj, thiab tsis zam noob neej txoj kev txhaum li.

Koj tau raug tsim txom txaus nkaus, yam tsis muaj ib lo lus yws li, kom cawm tau noob neej.

Ib hnub dhau ib hnub, ib xyoo dhau ib xyoo,

Koj nyiaj tiv tej kev tsis lees paub ntau heev, tej lus cem, thiab kev tsim txom, thiab ntau yam kev txom nyem.

Koj nthuav tawm Koj cov lus los pab rau cov neeg uas Koj twb xaiv tseg lawm thiab los coj lawm;

Koj tau muab qhov tseeb thiab txoj sia coj los cog rau hauv peb.

Au, Vajtswv! Koj muab tag nrho Koj txoj kev hlub rau noob neej.

Koj them txhua tus nqi yam tsis khuv xim thiab yam tsis yws ib los li.

Koj txoj kev hlub loj heev, koj tus yam ntxwv tsim nyog qhuas tshaj tsis muaj ib yam dab tsi piv tau li.

Vim li cas peb thiaj li yuav tsis seev cev xyiv fab thiab hu nkauj qhuas Koj?

2

Au, Vajtswv Tus Uas Muaj Hwj Chim Loj Kawg Nkaus! Koj tsim nyog qhuas heev, zoo heev thiab zoo tiag tiag li.

Koj taug kev nyob rau hauv ntau pawg ntseeg, tshaj tawm cov kev hais lus thiab cov lus.

Koj cov lus coj peb txhua txhua hnub,

txiav txim thiab ntxuav peb tus yam ntxwv uas qias vuab tsuab kom dawb huv.

Vim yog tej kev sim siab thiab kev lim tib neeg kom dawb huv, ua rau peb pom Koj txoj kev hlub tseeb.

Ib hnub dhau ib hnub, ib xyoo dhau ib xyoo,

Koj nyiaj tiv peb txoj kev tawm tsam, kev ntxeev siab, tej kev nkag siab yuam kev, thiab tej lus yws.

Vim yog txoj kev ua siab ntev, Koj thiaj li pab txhua yam rau peb tej kev cheem tsum.

Peb tau txais qhov tseeb thiab muaj ib lub neej tshiab lawm.

Au, Vajtswv! Kev paub txog Koj txoj hauj lwm, ua rau peb tau los paub txog Koj txoj kev hlub.

Koj tus yam ntxwv mas ncaj ncees thiab dawb huv, thiab ntxim hlub kawg li.

Peb txaus siab hlo muab peb lub siab rau Koj, thov muab peb tus kheej tag nrho fij rau Koj.

Peb lub siab xav los hlub koj tas li xwb thiab ua tim khawv rau Koj.