1

Saib Koj qhov rov qab los tus duab, ua rau kuv lub siab mas puv npo txoj kev xav.

Tag nrho cov sij hawm ua txuj ci phim hwj nrog rau Koj qhov kev los tshwm sim kiag tam sis rau ntawm kuv ob lub qhov muag.

Koj yeej nyob nrog peb nruab hnub thiab hmo ntuj, nthuav tawm qhov tseeb thiab muab rau peb,

cog qhov tseeb thiab txoj sia rau hauv peb lub siab.

Ntau zaus, peb yeej tawv ncauj thiab ntxeev siab lawm, thiab Koj tau txiav txim nruj heev, tau siv pas nplawm, thiab tau qhuab ntuas peb;

Tsuas yog li ntawd nkaus xwb, thaum kawg, peb tau thim siab lees txim thiab hloov.

Ntau zaus, thaum peb ua tsis tau thiab ua poob lawm, Koj tau siv cov lus nplij peb thiab txhawb peb lub zog,

ua rau peb muaj lub zog thiab txoj kev ntseeg thiaj li ruaj khov dua ntxiv.

Koj nyob nrog peb los ntawm tej kev sim siab thiab cov sij hawm tsis zoo, saib xyuas peb txhua lub sij hawm.

Koj cov lus tau qhia peb kom tuav khov kho cov lus hais ua tim khawv.

Koj tau muab Koj lub siab ua dej num rau peb, ua kom tau zoo tshaj plaws raws li Koj cov lus hais rau peb.

Koj cov lus ua rau sov siab thiab tshoov siab, thiab Koj txoj kev hlub loj tshaj plaws.

Ntau yam ntsig txog Koj ntxim hlub heev, thiab peb tsis tuaj yeem tiv taus uas cia Koj mus.

Koj txoj kev hlub, koj qhov tshwm sim—lawv zwj rau hauv kuv lub siab lawm, thiab yuav hnov qab tau nyuaj heev.

2

Saib Koj qhov rov qab los tus duab, kuv lub siab mas puv npo txoj kev tu siab.

Kuv yeej tsis tau hlub tshua thaum siv lub sij hawm nrog Koj.

Koj tau txhawb tsa kuv ua kuv tes dej num, tiam sis kuv tsuas nrhiav lub meej mom thiab suab npe xwb.

Cov lus mas, kuv yeej tau hais tias kuv hlub Koj lawm thiab coj ncaj ncees rau Koj lawm, tab sis hauv qhov tob kuv tsuas xav txog kuv tej kev cia siab thiab txoj hmo nkaus xwb.

Kuv yeej tsis tau muab kuv lub siab dawb paug rau Koj li; kuv tau coj tus cwj pwm ua txuj ua thiab ntxias dag rau Koj.

Kev ntshaw rau kev nplij siab ntawm cev nqaij daim tawv, kuv thiaj li tau plam ntau lub sij hawm tau txais ua kom zoo tiav log.

Thiab tam sim no, Koj tab tom yuav ncaim mus, thiab kuv nyob nrog txoj kev tu siab thiab ntxhov siab.

Kuv ntxub kuv tus kheej rau qhov loog tag lawm, thiab sawv los lig dhau lawm.

Kuv txiav txim siab nrhiav qhov tseeb thiab ua pauj rau kuv li nuj nqi yav dhau los.

Kuv yuav fwm lub sij hawm seem ntawd, thiab thaum kawg cog lus kuv txoj kev ncaj ncees rau.

Txawm tias txoj kev tom hau ntej yuav ntxhov quas niab thiab muaj pos los xij,

kuv yuav yeem txais tej kev nyuaj no, caum raws Koj yam tsis muaj kev yws los sis khuv xim li.

Ntawm kev ncaj ncees, kuv yuav ua kuv tes dej num, hlub Koj thiab ua tim khawv rau Koj.

Kuv yuav muab kuv lub siab rau Koj, uas muab kuv txoj kev hlub dawb huv fij rau.