1

Tau saj tag nrho txoj kev iab kev daw ntawm txoj kev qias vuab tsuab sab cev nqaij daim tawv, ces kuv thiaj haj yam tsis nyiam thiab ntxub Ntxwgnyoog.

Vajtswv tej lus nthuav tawm thiab txiav txim hnyav kawg rau kuv, thiab tam sim no kuv ces kuv pom meej meej qhov tseeb ntawm kuv tus kheej txoj kev qias vuab tsuab lawm.

Los ntawm qhov kev lees txais Vajtswv txoj kev txiav txim thiab kev lim kom dawb huv, ces kuv raug yaug kom dawb huv lawm, thiab tsuas yog tom qab ntawd xwb mas kuv thiaj paub hais tias kev muab tau qhov tseeb ces yog kev muaj txoj sia.

Kuv pom hais tias Vajtswv tes hauj lwm cawm tib neeg mas tsis yooj yim li. Nrog rau qhov kev txawj xav thiab qhov laj thawj, kuv yuav tsum nyoo zwm rau Vajtswv.

Vajtswv tiv kev poob ntsej muag los ua Nws tes hauj lwm, thiab Nws ua kom muab tau ib pab neeg uas hlub Nws.

Nyob rau qhov tob tob, ces kuv yeej hnov zoo li muaj kev txhaum thiab cem-tus kheej; yog hais tias kuv tsis them Vajtswv txoj kev hlub rov qab, ces kuv yeej tsis zoo tsim nyog raug hu ua tib neeg li.

Vajtswv yeej tos ntsoov kom tib neeg hloov siab lees txim. Kuv yuav txo kuv tus kheej thiab ua ib lub neej qhuav qhawv tsis tau ntxiv lawm.

Kuv tseem muab tsis tau tau qhov tseeb los sis ua neej kom zoo li ib tug tib neeg, yog li ntawd ua cas kuv thiaj yuav muab tso tseg yooj yim ua luaj mas?

2

Vajtswv tes hauj lwm ces los txog qhov xaus lawm, thiab kuv tseem tsis tau muaj kev hloov ntau nyob rau hauv kuv tus moj yam li.

Yog tsis muaj qhov muaj tiag ntawm qhov tseeb, kuv yuav sawv khov kho tau li cas? Yuav ua cas kuv thiaj li yuav ua tau kom Vajtswv lub siab kaj thiab khwv tau Nws txoj kev ntseeg siab?

Kuv yeej tsis tau nyob ze rau ntawm qhov uas Vajtswv cheem tsum li, yog li ntawd yuav ua li cas kuv thiaj yuav ua tau haum Nws siab yog kuv tsis xyaum ua raws qhov tseeb?

Vajtswv tseem tsis tau raug nplij kom siab kaj; kuv yuav tsum ua neej nyob rau Nws los them rov qab rau Nws.

Yuav kom ua kom tau haum rau Vajtswv tej kev npaj siab, ces kuv yeej kam raug txhua qhov kev txom nyem.

Yog kuv ua rau Nws tu siab, kuv yuav tu siab mus tag txoj sia, thiab yuav txaj muag ntsib Nws heev li.

Ua ib tug tib neeg, kuv yuav tsum rau siab ua tas zog nrho, thiab tsis txhob tawv ncauj los sis ua kom Vajtswv mob siab ntxiv lawm.

Kuv xav tig mus rau txoj kev ncaj ncees, thiab yuav hlub thiab mob siab rau Vajtswv; tsuas yog nrog qhov tseeb xwb mas kuv thiaj li yuav zoo tsim nyog hu ua tib neeg.