1

Koj nug tias kuv tau raws Koj qab ntev npaum li cas lawm;

Kuv hais tias kuv muab kuv txoj kev hluas thiab yeej ib txwm nrog Koj.

Ib lub suab ua mawv moov nrov hauv qhov tob tshaj plaws hauv kuv lub siab tuaj,

ua ntiaj teb deeg daws thiab ua rau tej toj roob hauv pes co qig txoog.

Kuv hais tawm kuv tej kev cog lus nrog ob sab plhu uas ntxaum kua muag tag,

tab sis kuv tsis paub kuv tus kheej txoj kev dag.

Sij hawm dhau mus, ces tej yam kev hloov pauv loj ua rau tej kev xav ntawd tsuag tag lawm,

thiab tej kev cog lus uas kuv cog lus rau koj ntawd rais mus ua tej lus dag lawm xwb.

Thaum kawg kuv mam to taub qhov me me uas kuv tau muab rau.

Tag nrho tej uas kuv them rov rau Koj ces yog lus qhuav xwb.

Tsim dheev hauv kuv txoj kev npau suav los, kuv txhawj txog kuv tus kheej.

Yuav ua cas thiaj muab rau qhov kev cawm dim uas ploj mus lawm rov qab los?

Tsim dheev hauv kuv txoj kev npau suav los, kuv txhawj txog kuv tus kheej.

Yuav ua cas thiaj muab rau qhov kev cawm dim uas ploj mus lawm rov qab los?

2

Thaum wb sib ntsib, kuv ntxeev siab rau Koj.

Kuv tsis xav nco qab tej duab qub qub ntawd lawm.

Kuv txoj kev mob siab yam tsis muaj kev ua siab ncaj

haj yam coj kev mob loj tshaj los rau Koj.

Nyob hauv kuv txoj kev hluas, Koj ua hauj lwm hnyav heev rau kuv,

tab sis tsis muaj ib qho kev ris txiaj uas raug them rov qab li.

Tej xyoo ntawd dhau ntawm kuv mus thiab kuv tau me me xwb.

Leej twg thiaj qhia tau txoj kev tu siab khuv xim uas nyob sab hauv?

Thaum kawg kuv mam to taub qhov me me uas kuv tau muab rau.

Tag nrho tej uas kuv them rov rau Koj ces yog lus qhuav xwb.

Tsim dheev hauv kuv txoj kev npau suav los, kuv txhawj txog kuv tus kheej.

Yuav ua cas thiaj muab rau qhov kev cawm dim uas ploj mus lawm rov qab los?

Tsim dheev hauv kuv txoj kev npau suav los, kuv txhawj txog kuv tus kheej.

Yuav ua cas thiaj muab rau qhov kev cawm dim uas ploj mus lawm rov qab los?

Maj nroos los ntawm no, maj nroos mus lawm tod,

tsis muaj peev xwm sib cuag tau nrog Koj lub siab li.

Wb tau sib ntsib ib zaug raws txoj hmoo, tab sis kuv cim tsis tau Koj lawm,

ua rau kuv haj yam muaj kev tu siab khuv xim tshaj.