1

Au Vajtswv! Kuv tau hnov Koj lub suab thiab rov qab los rau ntawm Koj xub ntiag lawm.

Koj tej lus tau muab kuv nthuav tawm thiab txiav txim rau kuv, qhia kom kuv pom hais tias kuv mas qias vuab tsuab tob npaum li cas.

Kuv lam ntseeg tus Tswv kom tau txais phaj tshab xwb; kuv tiv kev txom nyem kom tau tej koob hmoov ntawm ntuj ceeb tsheej lub nceeg vaj xwb.

Muaj ntau zaus heev uas kuv tsis lees txais Koj txoj kev cawm dim; kuv tseem txiav txim rau Koj thiab tawm tsam Koj tib si.

Koj tseem zam txim rau kuv, txawm hais tias kuv tau coj kev mob ntau heev los rau Koj los xij.

Kuv mas ntxub qhov uas ua cas kuv yuav tawv ncauj ua luaj, thiab qhov uas tsis muaj kev ua neeg hlo li.

2

Au Vajtswv! Txoj kev txiav txim ntawm Koj cov lus tau hu kom kuv lub siab tsim rov los.

Muaj ntau zaus, thaum ntsib Koj txoj kev hlub, kuv lub siab mas muaj kev mob thiab kev tu siab puv npo.

Nyob rau thaum kuv qhov kev rau txim, Koj nyob ntawm kuv ib sab; nyob rau thaum kuv qhov kev raug ntxuav kom dawb huv, Koj lub siab mob rau kuv.

Koj tej lus muab tej uas kuv tsis muaj rau kuv; thaum kuv muaj kev tu siab, lawv coj kev kaj siab los rau kuv.

Kuv mas qias neeg thiaj lwj liam heev; kuv paub zoo tias kuv tsis zoo tsim nyog rau Koj txoj kev hlub li.

Vim muaj kuv qhov kev tsis mloog lus thiab kev tawm tsam, kuv haj yam tsim nyog lees txais Koj qhov kev txiav txim thiab kev yaug kom dawb huv.

3

Au Vajtswv! Koj qhov kev yug los ua neeg nthuav tawm txog Koj txoj kev hlub.

Koj tau tiv kev poob ntsej muag loj kawg nkaus los cawm noob neej.

Koj tau raug txoj kev mob kev ntsaj ntawm noob neej txoj kev tsis lees txais, tab sis Koj yeej tsis yws txog ntiaj teb txoj kev qhuav qhawv tsis muaj dab tsi no li.

Koj hais lus thiab ua hauj lwm, tiv txhua yam kev tsim txom, uas tsis muaj ib qho chaw rau Koj tiag tob hau so li.

Koj yeej tsis tau muaj kev xyiv fab rau txoj kev zoo siab ntawm tsev neeg li; tsis muaj leej twg muab ib qho kev sov siab me me rau Koj li.

Txo hwj chim thiab nkaum twj ywm, Koj tau hais tawm qhov tseeb coj los ntxuav kom tib neeg dawb huv thiab muab kom tau tib neeg nkaus xwb.

4

Au Vajtswv! Koj txoj kev hlub mas muaj tseeb kawg nkaus, nws ua rau kuv siab ntsws yaj tag li.

Koj ua siab ntev dhawv tos tib neeg txoj kev hloov siab lees txim, yog li ntawd kuv yuav ua cas ua xyem xyav ntxiv mas?

Kuv tau xyiv fab hlo rau Koj txoj kev hlub, thiab tsim nyog ua twb zoo xav me ntsis txog Koj txoj kev xav;

Kuv txiav txim siab ruaj khov los tshawb nrhiav qhov tseeb, ua kuv tes dej num kom zoo, thiab them Koj txoj kev hlub rov qab.

Kuv txaus siab yuav tiv kev sim siab, kev lim kom dawb huv, thiab kev txom nyem, sawv khov kho rau kuv cov lus tim khawv, thiab ua kom haum Koj lub siab.

Kuv yuav hlub Koj tiag tiag thiab ua neej raws li Koj tej lus; kuv yuav caum koj qab mus ib txhis thiab hais lus tim khawv rau Koj.