1

Saib rov qab rau ntawm peb lub sij hawm nyob nrog Vajtswv:

Muaj suab qw qhuas thiab suab luag, muaj kua muag thiab kev mob.

Peb hnub mus nrog Vajtswv muaj kev zoo siab ntau ua luaj li.

Lawv ua rau peb nco rau hauv nruab siab peb yeej yuav tsis hnov qab li.

Au, Vajtswv! Hauv peb tej kev sib sau ua ke los tau ntau lub xyoos,

Koj tau nthuav tawm tej yam tseeb thiab tau yaug peb txoj kev lwj liam kom dawb huv.

Tam sim no peb to taub qhov tseeb, peb tau hloov thiab dhau los ua cov tib neeg tshiab lawm.

Koj txoj kev hlub, dawb huv heev, tau cog ruaj khov tob rau hauv peb lub siab lawm.

Koj cov lus dhau los ua peb txoj kev ntseeg, peb txoj kev hlub.

Peb tej kev xav rau Koj tau cog mus tob lawm. Peb tsis tuaj yeem lees ris qhov uas yuav ncaim ntawm Koj mus.

Tab sis niaj hnub no tsis ntev Koj yuav ncaim peb mus lawm.

Peb yuav yuam lub siab tau li cas? Peb yuav yuam lub siab tau li cas?

2

Koj tau nyob nrog peb ua hmo ua hnub.

Txhua hnub, Koj tau nthuav tawm qhov tseeb ywg dej rau peb.

Peb tau nthuav tawm txoj kev lwj liam ntau heev thiab ua rau Koj lub siab mob tshaj plaws.

Tiv taus thiab ua siab ntev, Koj ib txwm qhia peb tas li.

Au, Vajtswv! Koj tau txais tej kev mob zoo li no los cawm peb.

Koj tau pom peb tej yeeb yam tseem tsis tau loj txaus, thiab Koj tau txhawj thiab ntxhov siab.

Koj tau ua lub siab ntev sib koom qhov tseeb, pab txhawb thiab muab rau peb.

Koj nyob tod nrog peb rau thaum tej kev sim siab thiab kev tsis zoo.

Kev qhia thiab kev qhia kom paub Koj cov lus rau peb, Koj tau tsim ua rau peb ruaj khov.

Los ntawm Koj txoj hmoov hlub tag nrho, peb tau txais kev txiav txim thiab kev yaug kom dawb huv lawm.

Muaj kev zoo siab xyiv fab ntau heev ntawm Koj txoj kev hlub lawm, peb yuav tsis hlub Koj tau li cas?

Koj txoj kev hlub txhawb rau ntawm peb; peb yeej yuav tsis khuv xim qhov muab kev hlub rau Koj li.

3

Koj txoj dej num tiav lawm, tsis ntev Koj yuav rov qab mus rau tim Xis-oos.

Peb tsis tuaj yeem ntsia taus qhov Koj mus tiag tiag li.

Peb xav rov qab txog ntau lub xyoo dhau los uas Koj coj peb kev ib kauj ruam rau ib kauj ruam.

Tej yeeb yam duab yav dhau los tshwm sim xub ntiag kiag ntawm peb ob lub qhov muag.

Koj tau txiav txim thiab tau yaug peb tej moj yam lwj liam kom dawb huv.

Koj tau cawm peb los ntawm tus zaj loj liab ploog txoj kev txom nyem.

Koj cov lus tau qhia peb thiab ua rau peb khov kho rau peb qhov hais lus ua tim khawv.

Los ntawm tej kev txom nyem thiab tej kev sim siab, peb lub neej loj hlob tuaj.

Koj txoj kev hlub loj tshaj, Koj qhov zoo ntxim hlub muaj ntau heev.

Koj thiaj li phim rau tib neeg qhuas thiab pe hawm.

Txoj hmoov hlub ntawm Koj txoj kev cawm dim raug cog tob rau hauv kuv lub siab lawm.

Kuv ua siab tawv qhawv rau kuv qhov kev txiav txim siab ua kuv tes dej num kom tau zoo thiab lees ris zoo, hais lus tim khawv nrov ntxhe ntws.

Koj txoj kev hlub yuav nyob hauv kuv lub siab mus tag ib txhiab ib txhis; kuv yuav hlub thiab fwm Koj tas li.