1 Khetos ntawm tiam kawg tau hais qhia qhov tseeb thiab nthuav tawm Vajtswv txoj kev ncaj ncees; Vajtswv yog qhov tseeb, thiab rau sawv daws ces Nws yeej ncaj ncees. Yog peb ntseeg Vajtswv yam tsis nrhiav qhov tseeb, ces thaum kawg peb yuav raug rhuav tshem pov tseg. Vajtswv txiav txim siab rau ib tug neeg qhov kawg raws li qhov uas seb nws puas muab tau qhov tseeb los tsis tau. Tsis hais txawm yuav zoo nkaus li peb coj zoo npaum li cas rau sab nraud, los qhov ntawd tsis tau txhais hais tias peb muaj qhov muaj tiag ntawm qhov tseeb. Yog tsis muaj tej kev ua zoo thiab tsis muaj qhov tseeb, ces Vajtswv yuav tig ntawm peb mus. Nws tus moj yam mas yeej dawb huv thiab ncaj ncees; Nws tsis zam ib qho kev ua txhaum hlo li. Cov uas ua phem ntau heev thiab tawm tsam Nws yuav raug rau txim. Peb txhua tus yuav tsum xaiv peb tus kheej txoj kev taug; tsis muaj leej twg yuav ua tau qhov no rau peb. Tsuas yog cov uas coj ncaj thiab nyoo zwm rau qhov tseeb xwb mas thiaj yog cov neeg uas muaj txoj kev ua neeg. Peb tsuas tau txais Vajtswv cov lus qhuas los ntawm kev xyaum ua raws qhov tseeb thiab ua lub neej raws qhov muaj tiag xwb.

2 Kev nrhiav qhov tseeb, kev hlub Vajtswv, thiab kev nyoo zwm rau Nws yog qhov tseem ceeb heev nyob rau hauv yus txoj kev ntseeg. Cov ntse nkaus xwb mas thiaj li lees txais Nws txoj kev txiav txim thiab kev rau txim thiab raug ntxuav kom dawb huv. Yeej tsis muaj nuj nqis los sis laj thawj dab tsi rau kev nrhiav txoj hauj lwm, lub koob npe, kev nplua nuj, los sis kev qhuas tus kheej li; tsuas yog cov uas ua lawv tes dej num tiav hlo thiab muab qhov tseeb coj los xyaum ua raws xwb thiaj yog cov raws Vajtswv qab. Yog hais tias ib tug neeg twg tsuas lam txawj qw ncauj puam suab khawv txog tej tswv yim, yam tsis muaj peev xwm muab qhov tseeb coj los xyaum ua, ces txhua yam nws ua ces yeej tsis muaj dab tsi li. Los ntawm kev hlub Vajtswv tiag tiag thiab ua tim khawv zoo, ces yus thiaj li ua tau tib neeg ib lub neeg tiag tiag. Kev txiav txim thiab kev rau txim, thiab kev raug qhuab qhia thiab raug qhuab ntuas—tag nrho ces yog kev nthuav tawm txog Vajtswv txoj kev hlub. Kev sawv ua tim khawv thaum kev raug sim siab thiab kev raug ntxuav kom dawb huv los txog mas yog kev qhuas Vajtswv zoo tshaj plaws li. Kev txom nyem thiab kev sim siab qhia kom pom meej meej seb ib tug neeg twg puas muaj qhov muaj tiag ntawm qhov tseeb. Peb tsuas muaj peev xwm ua tau tim khawv rau Vajtswv thaum peb los paub Nws thiab tau qhov tseeb lawm xwb; kev nrhiav qhov tseeb thiab ua kom tau ib qho kev hloov ntawm tus moj yam mas thiaj yog tib txog kev yeej nkaus xwb.