1

Txoj kev thawv thawv no tsuas muaj ua kom kuv txoj kev hlub Vajtswv haj yam dawb huv xwb.

Txoj kev txiav txim thiab kev lim tib neeg kom dawb huv ntawm Nws cov lus yog kuv cov kwv luag khov kho;

txoj kev txiav txim uas ncaj ncees hlawv kuv cuag li ib qho nplaim taws cig lam lug.

Los ntawm qhov kev lim tib neeg kom dawb huv uas mob kawg nkaus, ces thaum kawg kuv tau los paub kuv tus kheej,

thiab pom hais tias Ntxwgnyoog tau muab kuv ua qias vuab tsuab tshaj qhov uas zoo xws li ib tug tib neeg twg li lawm.

Vajtswv txoj kev txiav txim thiab kev rau txim ntxuav kuv tus moj yam qias vuab tsuab kom dawb huv;

los ntawm tej kev sim siab thiab kev lim kom dawb huv, ces kuv tau txais txiaj ntsim ntau heev thiab kawm tau los nyoo zwm li cas lawm.

2

Pom tau hais tias Vajtswv mas ntxim hlub npaum li cas ces ua rau kuv haj yam ncawg Nws xwb.

Muaj peev xwm hais tau lus tim khawv zoo rau Vajtswv yog kuv qhov kev ntshaw kawg siab kawg ntsws.

Kuv tau pom hais tias kev rau txim thiab kev txiav txim yog tej koob hmoov los ntawm Vajtswv;

yus yuav tsum raug sim siab ntau zaus thiaj tau qhov tseeb thiab thiaj raug Nws muab tsim kho kom zoo tiav log.

Tus neeg tub nkeeg thiab tus neeg tais caus tsis muaj peev xwm ua tim khawv rau Vajtswv tau;

Yog hais tias kuv zoo txaus rau Nws siv, ces kuv yuav txaus siab hlo tiv kev txom nyem rau nws.

Los ntawm kev tsim txom thiab kev txom nyem, kuv txoj kev hlub rau Vajtswv haj yam ruaj khov tuaj xwb.

3

Khetos ntawm tiam kawg coj txoj kev ntawm txoj sia ntev dhawv mus ib txhis los,

thiab Vajtswv txoj kev txiav txim thiab kev rau txim yog txoj kev hlub tiag.

Kev raug txiav txim rau, ua rau thaum kawg kuv paub Nws txoj kev ncaj ncees thiab txoj kev dawb huv.

Qhov uas tau muaj txoj kev hwm thiab txoj kev nyoo zwm rau ntawd, ua rau kuv tau saj Nws txoj kev hlub.

Txoj kev txiav txim loj zog thiab kev ntxuav kom dawb huv ua rau kuv tau txais txiaj ntsim haj yam ntau ntxiv.

Los ntawm txoj kev mob kev ntsaj, kuv muaj peev xwm muab tau qhov tseeb thiab ua tau ib lub neej zoo li ib tug tib neeg tiag tiag.

Kuv muab tag nrho kuv coj los them Vajtswv txoj kev hlub rov qab, thiab yuav ua lub siab ncaj tshaj plaws li.

Hu nkauj thooj txhij

Kuv hlub Vajtswv tiag tiag, muab tag nrho txhua yam ntawm kuv rau Nws.

Kuv ua kuv tes dej num kom tiav hlo kom haum Vajtswv txoj kev xav.

Kuv ua tag nrho qhov kuv ua tau kom tau qhov tseeb thiab txoj sia.

Muaj kev ruaj siab puv nkaus, kuv rhais ruam nrawm nroos mus rau ib lub neej tiag tiag.

Kuv ua lub neej zoo li ib tug tib neeg los them Vajtswv txoj kev hlub rov qab.