1

Txoj kev mus rau lub nceeg vaj

muaj ntau qhov nce toj thiab nqis hav.

Kuv nyob rau ntawm kev ciaj thiab kev tuag,

nyob hauv txoj kev tsim txom thiab tej kua muag.

Yog tsis muaj Vajtswv txoj kev tiv thaiv,

xyov puas muaj leej twg los txog hnub no?

Nws tau npaj peb tej kev yug nyob rau tiam kawg;

peb muaj hmoo kawg uas tau caum Khetos qab.

Nws txo Nws Tus Kheej lub hwj chim los ua tib neeg,

ntsib kev poob ntsej poob muag loj kawg nkaus.

Kuv yuav ua cas yog tib neeg yog hais tias kuv tsis hlub Vajtswv?

Kuv yuav hlub Vajtswv mus ib txhis yam tsis muaj kev khuv xim.

2

Tsis hais qhov kev sim siab yuav zoo li cas li,

Vajtswv tej lus qhia kom pom txoj kev.

Kuv lub siab quaj dhi hauv txoj kev qaug zog,

tab sis kuv paub tias Vajtswv mas ntxim hlub kawg.

Tsis hais kuv qhov kev txom nyem yuav loj npaum li cas li

thiab kuv qhov kev raug lim kom dawb huv yuav tob npaum li cas li los xij,

kuv yuav tsis khuv xim thiab tsis yws li.

Vajtswv txoj kev hlub rau tib neeg mas tsis muaj chaw kawg li,

Nws qhov tseeb rais los ua peb txoj sia.

Nws txoj lus mas muaj nuj nqis heev,

Nws tus moj yam mas ntxim hlub kawg nkaus.

Kuv yuav hlub Vajtswv mus ib txhis yam tsis muaj kev khuv xim li.

Thaum kuv hlub Vajtswv, kuv yuav tsis khuv xim

qhov kev raws qab thiab kev ua tim khawv.

Txawm hais tias kuv qaug zog thiab xav phem los xij,

nyob rau hauv tej kua muag los kuv yeej tseem hlub Vajtswv.

Kuv txom nyem thiab muab kuv txoj kev hlub rau Nws,

yuav tsis ua kom Nws tu siab li.

Kev uv rau hauv tej kev sim siab

ces zoo nkaus li muab kub lawv hauv hluav taws.

Kuv lub siab kub ib yam li kub ntag;

ua cas kuv thiaj li yuav tsis muab kuv lub siab rau Nws tau mas?

Txawm hais tias txoj kev mus rau ntuj ceeb tsheej yuav nyuab heev

thiab yuav muaj kev poob kua muag ntau los xij,

kuv yuav hlub Vajtswv mus ib txhis yam tsis muaj kev khuv xim li.

3

Nyob rau hauv Vajtswv qhov kev txiav txim thiab kev rau txim,

kuv lub siab raug txeeb tau lawm.

Txawm hais tias yuav raug txiav txim thiab raug lim kom dawb huv los xij,

kuv twb tau txais txoj sia lawm.

Vajtswv muab qhov tseeb; kuv tseem xav tau dab tsi ntxiv thiab?

Kuv paub lawm tias Khetos yog qhov tseeb,

kuv txiav txim siab khov kho raws Vajtswv qab mus kom txog thaum kawg.

Vajtswv tiv kev mob kev ntsaj rau tib neeg,

kuv yuav siv tag nrho txoj sia los pauj rau Nws.

Kuv yuav muab txhua yam los hlub Vajtswv

thiab muab kuv txoj sia los raws Nws qab.

Kuv yuav hlub Vajtswv mus ib txhis yam tsis muaj kev khuv xim.

4

Yog hais tias kuv coj ncaj thiab nrhiav kev hlub Vajtswv,

ces kuv yuav muaj kev sib raug zoo nrog Nws.

Hlub thiab hwm Nws,

ces kuv yuav tau txais Nws qhov kev qhuas xwb xwb.

Xyaum ua raws qhov tseeb ntawm Nws tej lus,

ces Vajtswv yuav coj thiab foom koob hmoov rau kuv.

Dhau los ntawm kev ceeb laj txom nyem loj thiab kev lim kom dawb huv,

ces kuv qhov kev qias vuab tsuab thiaj li yuav raug yaug dawb huv.

Kuv yuav hlub Vajtswv yam tsis tau phaj tshab li,

npaj kuv lub siab kom Nws txaus siab.

Yog hais tias kuv paub Vajtswv, tau txais qhov tseeb,

ces kuv lub neej yeej muaj qab hau xwb.

Kuv yuav hlub Vajtswv mus ib txhis yam tsis muaj kev khuv xim.

Dhau los ntawm Vatjswv tes hauj lwm ces kuv mam paub Nws tej kev ua.

Kuv lub siab muaj kev xyiv fab li ntawd.

Kuv tau pom Nws nyob hauv tiam kawg

thiab yuav ua dej num rau Nws kom tag kuv txoj sia.

Tag nrho qhov kuv thov ces yog hlub Vajtswv xwb;

yog hais tias kuv paub Nws, ces kuv tuag tau lawm.

Kuv txaus siab hlo los tiv kev raug tsis lees txais yuav kom tau txais Nws cov lus qhuas.

Hlub Vajtswv thiab ua tim khawv

rau Nws mas yog qhov tau meej mom kawg nkaus.

Kuv yuav hlub Vajtswv mus ib txhis yam tsis muaj kev khuv xim.

Kuv yuav hlub Vajtswv mus ib txhis yam tsis muaj kev tu siab khuv xim li.