1 Vajtswv tau dhau los ua cev nqaij daim tawv thiab tau nthuav tawm qhov tseeb lawm, muab txoj sia rau tib neeg ntiaj teb. Nws tau thev txhua yam ntawm kev poob ntsej muag thiab kev txom nyem los cawm tib neeg, tiam sis tseem tsis raug lees txais yuav rau tiam no thiab. Nws txoj kev hlub mas zoo tshaj thiab muaj tseeb tiag; nws tau cog ruaj khov rau hauv kuv lub siab lawm. Kuv yog ib tug neeg uas muaj siab ntsws thiab tus ntsujplig, cas kuv ho dhau los ua neeg phem thiab ntxeev siab thiab ua phem rau Vajtswv lub siab tau li cas? Kuv tau coj zoo li tus neeg tsis muaj kev loj txaus, ruam, thiab tsis paub qab hau dab tsi, yeej tsis xav txog dab tsi rau Vajtswv txoj kev xav hlo li. Txawm tias kuv ua kuv tes dej num kom muaj tiav lawm los xij, yog tsis muaj qhov tseeb, kuv tsis tuaj yeem ua tim khawv nyob deb deb rau Vajtswv. Tam sim kuv tau pom tias Nws tau them tus nqi zoo los cawm tib neeg ntiaj teb lawm, kuv xav muab tag nrho kuv lub zog los nrhiav qhov tseeb thiab ua kuv tes dej num kom muaj tiav rau Nws txoj kev ua tau zoo raws.

2 Kev txiav txim thiab kev rau txim yog Vajtswv cov koob hmoov; tej ntawd ua rau kuv tau txais ntau heev. Ntau ntau zaus uas kuv qaug zog thiab ua tsis zoo, thiab Nws cov lus tau coj kuv kev thiab tau ua rau kuv kaj siab. Ntau ntau zaus uas kuv tau rhais ruam yuam kev thiab ntog, thiab Nws cov lus tau pab txhawb kuv rau sab tom qab. Ntau xyoo ntawm kev tsim kho kom zoo, Vajtswv tau muab ib txoj kev hlub zoo tshaj plaws rau kuv uas yuav hnov qab tsis tau. Hauv kev lees txais Nws txoj kev txiav txim, kuv tau los paub kuv tus kheej tus moj yam lwj liam; rau hauv tej kev nyuaj, kuv tau kawm los zwm rau, thiab kuv tus moj yam tau hloov pauv lawm. Kuv tau saj txhua rooj noj rooj haus uas Vajtswv tau npaj rau kuv ntawd mas zoo npaum cas. Kev muaj peev xwm ua neej nyob tau zoo li tib neeg me me rau niaj hnub no mas thov ua tsaug ntau ntau rau Vajtswv uas tau cawm kuv.

3 Vajtswv txoj kev txiav txim thiab kev rau txim tau yaug kuv kom dawb huv, thiab kuv tau txiav txim siab pauj Nws txoj kev hlub. Kuv mas muaj hmoov tshaj plaws uas tau paub Vajtswv; nws yog koob hmoov zoo tshaj plaws hauv lub neej no. Nws tau coj kuv kev ib kauj ruam zuj zus rau ntawm txoj kev yog thiab txoj kev dawb huv ntawm lub neej. Kev muaj txoj hmoov tau txais txiav txim thiab rau txim los ntawm Nws yog yam muaj nuj nqis tshaj plaws. Nws txoj kev ncaj ncees thiab kev dawb huv mas thiaj li tsim nyog qhuas, thiab kuv tsis muaj peev hlub lawv txaus. Nws yog kuv txoj kev xav los txais Vajtswv txoj kev txiav txim kom ntau ntxiv; thov kom nws nyob nrog kuv es kuv thiaj li tau tiam Nws mus tag kuv txoj sia. Nws txoj kev txiav txim tau ua rau kuv tau txais txoj kev cawm dim thiab dhau los ua ib tug neeg uas muaj qhov zoo li kev ua neeg lawm. Tam sim no kuv tau ua neej nyob rau tib neeg lub neej tiag lawm, thiab kuv yuav ua tsaug rau Vajtswv txoj kev hlub tas li.