1 Kuv yog ib tug neeg qias vuab tsuab, uas muaj tus moj yam phem puv npo. Koj cov lus qhov kev txiav txim thiab kev qhia tshwm ua rau kuv txaj muag kawg. Kuv tau pom qhov tob ntawm kuv txoj kev qias vuab tsuab, qhov kuv tsis muaj qhov zoo li tib neeg, thiab qhov uas kuv tsis muaj ib qhov tseeb qhov muaj tiag li, thiab tag nrho tej no ua rau tu kuv siab kawg. Nyob ntsiag to, kuv txhawj thiab kuv quaj. Vim li cas kuv thiaj ua tsis tau kom haum Koj siab? Pom koj kub siab lug tos kuv qhov kev hloov siab lees txim, ces kuv tsis qaug zog thiab tsis tag kev cia siab lawm. Koj txoj kev hlub ua rau kuv lub siab tawg tag thiab ua rau kuv tej kua muag ntws cuag los nag. Koj txoj kev hlub txeeb tau kuv lub siab lawm, thiab tam sim no kuv muaj kev hlub nrog Koj lawm. Kuv tau qhov tseeb los ntawm kev raws Koj qab; tsuas yog Koj xwb thiaj ntxim hlub kawg nkaus li.

2 Raug qhov kev txiav txim ntawm Koj tej lus, kuv tau pom meej meej qhov tseeb ntawm kuv txoj kev qias vuab tsuab. Kuv tsis muaj ib qho kev ua neeg los sis laj thawj hlo li, tab sis kuv tseem khav theeb thiab khav tias tus kheej ncaj ncees. Lub neej kuv ua ces muaj ib tug moj yam phem puv npo, tab sis kuv tseem ntseeg tias kuv qhov kev ua neeg mas loj heev li, thiab kuv xav tau Koj txoj kev yaug kom dawb huv thiab txoj kev cawm dim. Txhua lo lus ntawm koj qhov kev txiav txim ces nthuav tawm lub hauv paus ntawm kuv txoj kev qias vuab tsuab. Kuv hloov siab lees txim thiab nyo hau pe hawm, raws li qhov kuv tau pom Koj txoj kev ncaj ncees. Cov tib neeg qias vuab tsuab tau txais Koj txoj kev hlub los ntawm qhov kev txiav txim thiab kev yaug kom dawb huv. Ua neej nyob ntawm Koj xub ntiag hnub no ces tag nrho yog vim Koj txoj kev cawm dim xwb. Tau txais qhov hmoov hlub ntawm Koj txoj kev cawm dim, ua rau kuv txoj kev hlub rau koj dawb huv zog tuaj.

3 Txawm hais tias kuv tseem nyob rau hauv tej kev sim siab, los kuv lub siab yeej hnov txog Koj txoj kev hlub. Los ntawm txoj kev lim kom dawb huv, Koj cov lus yog kuv txoj kev kaj siab, thiab kuv paub Koj tab tom kho kom kuv zoo tiav log. Tseeb tiag, Koj qhov hmoov hlub ces muaj nyob rau hauv kev tau txais kev yaug kom dawb huv thiab kev cawm dim. Kuv tau pom Koj txoj kev hlub tseeb, uas muab zais rau hauv Koj txoj kev txiav txim thiab kev rau txim. Kuv xyiv fab hlo rau qhov uas cia li muaj peev xwm hlub Koj, thiab kuv cheem tsis tau kuv tej lus qhuas txog Koj li. Koj txoj kev hlub mas loj kawg nkaus, tseeb kawg nkaus, thiab zoo nkauj kawg nkaus, thiab kuv txaus siab rau nws yam tsis txawj kawg li. Kuv lub siab yog Koj li nkaus xwb; kuv yuav qhuas Koj tas mus li thiab ua tim khawv rau Koj. Kuv xav hlub Koj kom tag nrho kuv tiam, thiab kom Koj tau txais kuv txoj kev hlub. Koj tau muab kev hlub ntau heev rau kuv, kuv xav hlub Koj mus tag ib txhis.