1 Ntxwgnyoog tau dag ntxias thiab rhuav tshem kuv mus txog qhov kawg nkaus; Kuv tau nyob rau hauv kev txhaum, nrhiav koob meej thiab hmoov zoo xwb. Nyob hauv kuv lub siab, txhua tus tib neeg tsuas xav txog lawv tus kheej xwb thiab dab phem ua qhov kawg nkaus; kuv tsis ntshai ib yam dab tsi rau hauv siab los sis kev ncaj ncees li. Vajtswv hlub tshua txog kuv thiab tau tsa kuv sawv, cawm kuv tawm ntawm kev phem teb los. Nws cov lus ntawm txoj kev txiav txim thiab kev nthuav tawm ua rau kuv pom tus cag ntawm lub ntiaj teb txoj kev qias vuab tsuab. Nws yog Ntxwgnyoog uas tau dag ntxias tib neeg ntiaj teb loj tshaj plaws, cuab txhua tus kom mus ua kev phem. Vajtswv cov lus txoj kev txiav txim ua rau kuv ras, ces kuv pom txoj kev kaj ntawm lub neej lawm. Lub koob meej, hmoov zoo, chiv meem, thiab kev lom zem ntawm sab cev nqaij daim tawv yog yam qhuav qhawv xwb, ces kuv yuav tsis caum tej ntawd ntxiv lawm. Fij txhua yam rau Vajtswv, ua kom haum Nws lub siab, thiab ib leeg ua kom tiav ib leeg lub luag hauj lwm xwb thiaj li yog cov qauv tseeb ntawm lub ntuj thiab lub ntiaj teb. Kuv xav kom tau txais Vajtswv txoj kev txiav txim thiab kev ntxuav kom dawb huv, thiab ua neej nyob kom zoo li ib tug tseem noob neej tiag. 

2 Vajtswv hu peb, yog li ntawd peb yuav tsum sawv los thiab ua raws li Nws tej lus txib; kev siv peb tus kheej rau Nws yog ib lub meej mom zoo heev. Thaum raug kev txom nyem, Vajtswv cov lus txoj kev coj haj yam ua rau kuv ruaj siab; kuv yuav ua li cas tso tau kuv txhais tes ntawm tus khais es tig saib rov qab? Nws yeej tsis tshua muaj qhov uas muaj peev xwm los lees txais tau ntuj ceeb tsheej txoj kev cob qhia kiag li; kuv yeej yuav tsum tsis plam lub hwj tsam uas raug ua kom zoo tshaj plaws no kiag li. Yog hais tias kuv ua tsis tau raws li qhov Vajtswv cob qhia zaum no, ces kuv yuav khuv xim mus tag kuv sim neej. Yog tias kuv tig kuv lub nraub qaum rau Nws, kuv yuav raug rau txim nyob rau hauv keeb kwm. Yog tias kuv tsis ua kuv lub luag hauj lwm zoo thiab them Vajtswv txoj kev hlub rov qab, ces kuv yuav ua li cas tsim nyog nyob rau ntawm Nws lub xub ntiag? Nyob hauv kuv nruab siab, kuv tsuas khaws qhov tseeb xwb thiab kuv fij tag nrho rau Vajtswv; kuv yeej yuav tsis ntxeev siab los sis ua rau Nws npau taws dua lawm. Vim yog txoj kev hlub Vajtswv uas dawb paug, tsis muaj ib yam dab tsi thiab tsis muaj leej twg tuaj yeem cheem tau kuv lawm. Kuv yuav sawv ua tim khawv los qhuas Nws txawm hais tias tej kev sim siab thiab kev txom nyem yuav nyuaj npaum li cas los xij. Kuv twb tau txiav txim siab los txais qhov tseeb lawm, raug Vajtswv ua kom zoo tshaj plaws, thiab ua tim khawv rau Nws mus ib txhis li.