1 Nyob rau hauv txhua lub xyoo uas tau ntseeg tus Tswv, Kuv tsuas yog tsom ntsoov rau hauv txoj kev piav qhia tej zaj lus hauv phau Vajluskub xwb; kuv yeej ib txwm tsis ua raws li Nws cov lus thiab tej lus txib kiag li. Kuv sib zog ua hauj lwm, tiam sis kuv tsuas ua kom tau txais meej mom thiab nqi zog xwb. Txawm hais tias nyob rau hauv kev txhaum xwb los, kuv tseem cia siab tias yuav raug coj mus nyob rau saum lub ntuj ceeb tsheej thaum tus Tswv rov los txog. Tom qab uas tau paub txog txoj kev txiav txim ntawm Vajtswv cov lus tag lawm, kuv tau ras hauv kuv tej kev npau suav los lawm; tam sim no, kuv pom tias kuv phem, ntxim ntxub, thiab qias vuab tsuab heev li. Kuv tau hais cov lus qhuab qhia zoo thiab nthuav qhia rau txhua qhov chaw uas kuv tau mus. Kuv tau kho kuv tus kheej hauv cov lus qhuab qhia kom zoo los dag ntxias lwm tus, thiab kuv tus kheej. Kuv tsis tau ua neej nyob raws li qhov tseeb ntawm Vajtswv cov lus; kuv tsis muaj noob neej tus yam ntxwv hlo li. Txawm hais tias kuv taug txoj kev ntawm cov Falixais los, Kuv tseem xav tias kuv tus kheej yog neeg siab ncaj. Cas kuv yuav muaj hmoo ua luaj uas txoj kev txiav txim ntawm Vajtswv cov lus tau nchos ua rau kuv ras sawv los! Tam sim no kuv pom kuv txoj kev qias vuab tsuab uas tob heev, ua rau kuv xav tau Vajtswv txoj kev txiav txim thiab kev ntxuav kom dawb huv. 

2 Vajtswv txoj kev txiav txim ua rau kuv pom tseeb txog qhov tseeb ntawm tib neeg ntiaj teb txoj kev qias vuab tsuab. Tib neeg mas puv nkaus tej kev xav phem thiab tej kev xav txog Vajtswv, thiab ntxeev siab rau Nws tau txhua lub sij hawm yam yooj yim heev. Yog tias tsis muaj tej kev sim siab los nthuav tawm ib tus neeg tus yeeb yam, ces tsis muaj leej twg yuav pom qhov ntawd tseeb kiag li. Tib neeg ntiaj teb mas qias vuab tsuab heev, thiab tib neeg tsis tuaj yeem raug ntxuav kom dawb huv yam tsis tau ntsib txoj kev txiav txim kiag li. Vajtswv tus yam ntxwv uas ncaj ncees tau raug nthuav tawm tag nrho nyob rau hauv Nws txoj kev txiav txim lawm, thiab Nws txiav txim siab rau tib neeg tej kev uas ua tsis tau zoo raws li qhov seb lawv muaj qhov tseeb los tsis muaj xwb. Txawm hais tias lawv yuav raug tsim txom ntau npaum li cas los xij, nws yuav tsis muaj qab hau dab tsi kiag li yog tias lawv tsis tau txais qhov tseeb. Tsuas yog los ntawm kev paub txog txoj kev txiav txim thiab kev tau txais qhov tseeb xwb tib neeg thiaj li yuav tuaj yeem raug Vajtswv qhuas. Vajtswv txoj kev siv kev txiav txim thiab kev rau txim los coj txoj kev cawm dim los rau tib neeg mas muaj nuj nqis heev. Cas yuav yog ib lub meej mom uas zoo ua luaj uas tau los paub txog Vajtswv txoj kev ncaj ncees thiab kev dawb huv! Nws yog Vajtswv txoj kev txiav txim uas tau cawm kuv dim thiab ua rau kuv lub siab ras. Kuv txiav txim siab los caum qhov tseeb thiab ua neej raws li qhov muaj tseeb los txhawb nqa thiab ua pov thawj rau Vajtswv.