Kuv yug los rau hauv ib tsev neeg Kav Tos Liv uas coj kev ntseeg nruj. Peb tus pov thawj ib txwm hais tias peb yuav tsum ua raws li Tswv Ntuj cov lus txib, mus koom Kev Teev Hawm, ib tug hlub ib tug thiab ua yam zoo. Nws qhia peb tias tsuas yog cov tib neeg uas ua tej yam no xwb mas thiaj li yog cov ntseeg tiag thiab thaum tus Huab Tais los txog, Nws yuav coj lawv mus rau lub ceeb tsheej saum ntuj ceeb tsheej. Kuv thiaj li nquag hais rau kuv tus kheej tas li tias: “Kuv yuav tsum tau ua li Tswv Ntuj hais tas li, mob siab koom ua qhov zoo, thiab ua raws li pawg ntseeg tej kev cai, kom Huab Tais thiaj li yuav hlub thiab xav zoo rau kuv, thiab qhov ua li ntawd thaum kawg Nws los Nws thiaj li yuav foom koob hmoov rau kuv thiab coj kuv mus rau saum Nws lub ceeb tsheej.”

Thaum tseem kawm ntawv nyob rau tim tsev kawv ntawv qib siab, kuv tau ncua kuv tej kev kawm tseg kom kuv thiaj li yuav muaj sij hawm ntau los leg kuv tej hauj lwm rau ntawm lub koom txoos. Lwm cov ntseeg mas saib zoo li coj nruj heev thaum lawv nyob hauv lub koom txoos, teev thiab mus koom Kev Teev Hawm, tab sis sab nraum lub koom txoos mas, lawv haus luam yeeb, haus cawv, thiab ua tej koob tsheej tsiv nyaum heev. Kuv mas qias tshaj li, thiab kuv xav tias, “Huab Tais qhia peb kom hlub Nws, kom pab cov neeg uas tim tsum kev pab, thiab tiv thaiv peb tus kheej los ntawm tag nrho tej kev sim siab hauv ntiaj teb. Cov tib neeg no saib mas zoo li lawv ntseeg tiag rau Huab Tais ntag tab sis qhov tseeb tiag mas, lawv tsis ua ib yam dab tsi tiag tiag rau Nws kiag li. Lawv puav leej ua plees ua yis tom qab ntawd thiab nrhiav kev lom zem ntawm sab ntiaj teb. Qhov ntawd tsis tawm tsam rau Huab Tais tej kev qhia lod? Kuv yuav tsis cia kuv tus kheej zoo li lawv. Kuv yuav ua hauj lwm kom zoo ntxiv rau Huab Tais es kuv thiaj li nkag mus tau rau saum lub ceeb tsheej saum ntuj ceeb tsheej thaum lub sij hawm los txog.”

Tab sis thaum sij hawm dhau mus, kuv pom tias kuv ua tsis tau li Tswv Ntuj cov lus txib nyob rau hauv kuv lub neej txhua hnub ib yam nkaus li thiab. Thaum twg kuv pom cov tswv cuab hauv lub koom txoos nrhiav kev lom zem, ua neej nyob zoo siab thiab kaj siab hos kuv mas peem tas zog rau tej kev nyuaj xwb, ces kuv cheem tsis tau kuv tus kheej kom txhob liam rau Tswv Ntuj li. Huab Tais qhia kom hlub lwm tus li hlub peb tus kheej, tab sis kuv ib txwm khib thiab saib tsis taus tib neeg. Kuv tsev neeg cem tej kuv ua tsis yog, tab sis kuv tsuas hle ub hle no, thiab npau taws rau lawv xwb. Huab Tais qhia rau peb tias qhov tseem ceeb ces yuav tau txo hwj chim thiab zam txim, tab sis kuv ua tsis tau li no ib qho kiag li. Kuv hnov txhaum loj heev, kuv ntshai tsam kuv tsuas yog ib tug muaj npe ntseeg xwb. Ces kuv txawm pib xav tias: “Vim li cas kuv thiaj li kov tsis yeej kuv tej kev txhaum li? Txawm tias kuv lees txim rau kuv tus pov thawj txhua lub sij hawm uas kuv ua txhaum, thiab kuv ua zoo los txhaws rau qhov ntawd los xij, thaum kawg kuv tseem ua txhaum li ntawd tib yam nkaus thiab. Tswv Ntuj yuav ua li cas foom koob hmoov rau ib txoj kev ntseeg zoo li kuv txoj mas?” Tab sis thaum ntawd kuv xav txog qhov peb tus pov thawj ib txwm qhia rau peb tias, yog hais tias peb lees txhaum rau nws tom qab peb ua txhaum lawm, ces yuav zam lub txim rau peb, thiab tsuav yog peb ua hauj lwm rau Huab Tais thiab ua tej yam zoo xwm yeem xwb ces Nws yuav muab kev hlub tshua thiab foom koob hmoov rau peb thiab pub peb nkag mus rau hauv Nws lub ceeb tsheej. Muaj sau rau hauv phau Ntawv Ntshiab tias: “Kuv twb tawm tsam zoo kawg lawm, kuv twb ua kuv txoj hauj lwm tag lawm, kuv twb muaj txoj kev ntseeg lawm. Thaum mus so, yuav muaj ib lub kaus mom vaj ntxwv ntawm txoj kev ncaj ncees rau kuv” (Tis Mos Tes Tsab Ob 4:7–8). Thaum nyeem qhov no mas ua rau kuv kaj siab. Kuv thiaj li xav tias tsuav yog kuv mus koom Kev Teev Hawm, mus lees txhaum, thiab ua hauj lwm tas zog rau Huab Tais mus ntxiv xwb, ces kuv yeej nkag tau mus tau rau hauv Tswv Ntuj lub ceeb tsheej lawm. Yog li ntawd, kuv thiaj li tas zog ua tej yam zoo tas li. Kuv mus saib cov tib neeg muaj mob thiab cov neeg raug txim, thiab kuv yeem ua hauj lwm dawb rau ntawm ib qho chaw tu cov me nyuam ntsuag.

Muaj ib hnub nyob rau xyoo ob txhiab kaum xya, kuv nkag mus rau hauv Fevnpuv mussaib tej xov xwm li ib txwm saib, thaum kuv pom ib zaj lus uas ib tug viv ncaus npe hu ua Npevdim tau muab tshaj tawm. “Txawm hais tias muaj neeg coob tus ntseeg Vajtswv, los tsawg tus xwb thiaj li to taub hais tias kev ntseeg Vajtswv yog txhais li cas, thiab lawv yuav tsum tau ua dab tsi thiaj haum raws li Vajtswv txoj kev xav. … ‘Kev ntseeg Vajtswv’ txhais tau hais tias ntseeg hais tias muaj ib tug Vajtswv; qhov no yog qhov ntsiab lus uas yooj yim tshaj plaws txog kev ntseeg Vajtswv. Qhov tshaj ntawd, qhov kev ntseeg hais tias muaj ib tug Vajtswv tsis yog ib yam nkaus li qhov kev ntseeg Vajtswv tiag tiag; tab sis, nws yog ib yam kev ntseeg yooj yooj yim uas muaj lub tseem ntsiab zais tob rau sab kev ntseeg. Kev ntseeg Vajtswv tiag tiag mas txhais tau li nram no: Nyob rau qhov hauv paus keeb cag ntawm qhov kev ntseeg hais tias Vajtswv muaj hwj chim kav tag nrho txhua yam, yus tau ntsib tau pom Nws tej lus thiab tes hauj lwm, ntxuav yus tej moj yam uas qias vuab tsuab kom dawb huv, ua kom haum li Vajtswv txoj kev xav, thiab los paub Vajtswv. Tsuas yog tib txog kev taug ntawm hom zoo li no xwb mas thiaj li hu tau hais tias ‘kev ntseeg Vajtswv.’ Tab sis neeg mas ho pom hais tias kev ntseeg Vajtswv yog ib qho yooj yim thiab tej yam ua si xwb. Cov neeg uas ntseeg Vajtswv li no ces tau plam qhov uas ntseeg Vajtswv txhais tau li cas tiag ntawd lawm, thiab txawm hais tias lawv ntseeg mus ntxiv kom txog qhov kawg kiag, los lawv yeej yuav tsis muaj hnub tau txais Vajtswv qhov kev pom zoo li, vim lawv taug txoj kev tsis yog lawm. Niaj hnub no los yeej tseem muaj cov uas ntseeg Vajtswv raws li hauv tej ntaub ntawv thiab hauv tej kev qhuab qhia uas tsis muaj dab tsi li. Lawv tsis paub hais tias lawv twb tsis muaj lub ntsiab tseem ceeb ntawm txoj kev ntseeg Vajtswv li, thiab lawv tsis muaj cuab kav yuav tau txais Vajtswv qhov kev pom zoo li. Tab sis lawv tseem thov Vajtswv kom tau koob hmoov rau kev ruaj ntseg thiab kom tau hmoov hlub txaus. Cia li tsum, ua lub siab nyob ntsiag to, thiab nug peb tus kheej: Ua qhov kev ntseeg Vajtswv puas yog qhov yooj yim tshaj plaws nyob hauv ntiaj teb? Puas yog qhov kev ntseeg Vajtswv ces tsis muaj nuj nqis dab tsi tshaj qhov uas tau txais hmoov hlub ntau los ntawm Vajtswv xwb? Cov neeg uas ntseeg Vajtswv yam tsis paub Nws li los sis cov uas ntseeg Vajtswv thiab tseem ho tawm tsam Nws thiab es puas yuav muaj cuab kav ua tau kom haum raws li Vajtswv txoj kev xav?” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Zaj Lus Ua Ntej). Tej lus no mas mloog zoo li ntshiab thiab tshiab tiag tiag li. Thaum kuv hnov tej lus ntawd ua rau kuv zoo siab kiag tam sid. Tshwj xeeb mas kuv yeej tsis tau xav ua ntej txog tej lus nug uas muab tso rau qhov kawg ntawm tes hauj lwm no. Kuv twb xav lawm tias: “Qhov no mas zoo tshaj plaws li! Tej no tag nrho yog leej twg cov lus ne? Ib zaj lus luv luv zoo li ntawd nthuav tawm txog lub ntsiab lus ntawm txoj kev ntseeg Tswv Ntuj thiab qhov peb xav tau los ntawm peb txoj kev ntseeg ntag.” Kuv xav txog tej lus no, thiab ua tib zoo xav txog kuv txoj kev ntseeg thawj zaug nyob rau huav kuv lub neej. Kuv rov qab xav txog kuv txoj kev ntseeg ntau xyoo dhau los. Kuv koom lub koom txoos ntau txoj hauj lwm thiab tej kev ua kev zoo siab, mob siab rau lub koom txoos tes hauj lwm thiab ua tej yam zoo nyob rau hauv zej zos, thiab kuv raug kev txom nyem me ntsis thiab tiv kev txom nyem vim qhov ntawd. Tab sis kuv ua tejntawd, kom kuv tsev neeg thiab kuv thiaj li tau txais koob hmoov, thiab kom Tswv Ntuj thiaj li yuav tiv thaiv peb, thiab tshwj xeeb mas yog kom kuv thiaj li yuav nkag tau mus rau hauv Tswv Ntuj lub ceeb tsheej. Kuv yeej ib txwm xav tias kuv nyob rau lub chaw uas yog los caum raws tej yam zoo li ntawd lawm, tias Tswv Ntuj yuav txaus siab rau kuv txoj kev ntseeg thiab tias kuv yuav tau txais Nws tej tej lus cog tseg thiab tej koob hmoov. Tab sis tom qab nyeem cov lus ntawd lawm, kuv thiaj li paub zoo txog lub ntsiab rau kuv txoj kev ntseeg lawm. Kuv ua tej yam zoo thiab tsis kam lees txais kuv tus kheej tsuav kom tau txais tej koob hmoov los ntawm lub nceeg vaj xwb, thiab qhov ntawd tsis yog txoj tseem kev hlub rau Tswv Ntuj. Tswv Ntuj yuav ua li cas qhuas hom kev ntseeg ntawd mas? Tab sis thaum ntawd kuv xav txog qhov kuv ntseeg Huab Tais los tau tshaj nees nkaum tawm lub xyoos, ib txwm ua lub koom txoos tes hauj lwm li cas. Puas yog tag nrho kuv tej kev txom nyem thiab tej kev txi ntawd yuav tsis tau ib yam dab tsi li? Kuv yim xav txog cov lus ntawd, ces kuv yim xav los pom yam uas nyob rau ntawm Viv Ncaus Npevdim tej xov xwm nyob rau hauv Fevnpuv los pab ua kom kuv paub tej no zoo nyob rau hauv kuv txoj kev xav. Kuv thiaj li hu xov tooj rau ces wb thiaj li muaj ib lub rooj sib txoos ua ke os lais. Qhov ntawd yog kev qhia zoo heev.

Kuv qhia rau nws txog qhov kuv xav zoo li cas thaum kuv nyeem cov lus ntawd: “Npevdim, qhov koj muab tshaj tawm os ais ntawd mas zoo heev. Qhov ntawd ua rau kuv pom tias kuv ntseeg Huab Tais kom tau los txais koob hmoov, uas tsis yog txoj tseem kev hlub Huab Tais. Tab sis muaj ib yam uas kuv tsis to taub. Ntawv Ntshiab hais tias, ‘Kuv twb tawm tsam zoo kawg lawm, kuv twb ua kuv txoj hauj lwm tag lawm, kuv twb muaj txoj kev ntseeg lawm. Thaum mus so, yuav muaj ib lub kaus mom vaj ntxwv ntawm txoj kev ncaj ncees rau kuv’ (Tis Mos Tes Tsab Ob 4:7–8). Kuv tus pov thawj ib txwm qhia peb tias tsuav yog peb kav tsij ua hauj lwm kom zoo txuas mus ntxiv xwb, ces Huab Tais yeej yuav foom koob hmoov rau peb, thiab peb thiaj li yuav nkag tau mus rau hauv Nws lub ceeb tsheej. Kuv txoj kev ntseeg los tau npaum li no lub xyoos, qhov no yog kiag qhov kuv tau ua tiav lawm ntag. Huab Tais puas yuav nco tau qhov ntawd? Kuv yuav nkag tsis tau mus rau hauv Nws lub ceeb tsheej tiag tiag lod?”

Ces Viv Ncaus Npevdim txawm muab qhov no los qhia tias: “Qhov nquag muab pub, muab txi, thiab ua kev zoo tas li rau tus Tswv mas yuav ua rau tus Tswv txaus siab heev, thiab thaum Nws rov qab los Nws yuav qaws peb mus rau hauv Nws lub nceeg vaj. Qhov tseeb tiag ces, qhov no yog qhov Povlauj hais ntag. Tswv Yexus yeej tsis tau hais ib yam zoo li ntawd li, thiab Vajntsujplig los tsis tau hais li ntawd li thiab. Cov lus no tsuas yog sawv cev rau Povlauj tus kheej tej kev xam pom xwb, thiab tej lus ntawd tsis yog yam tus Tswv xav. Tib neeg cov lus mas tsis muaj tseeb. Tsuas yog Vajtswv cov lus xwb mas thiaj li muaj tseeb. Thaum hais txog qhov nkag mus rau hauv Vajtswv lub nceeg vaj ntawd mas yuav tsum siv Vajtswv cov lus ua ntej. Yog hais tias peb ua li tib neeg cov lus xwb ces peb yuav yuam kev ntawm tus Tswv txoj hau kev mus lawm! Yog li ntawd leej twg thiaj li nkag tau mus tau rau hauv lub nceeg vaj saum ntuj ceeb tsheej? Tswv Yexus qhia rau peb meej meej tias: ‘Tsis yog txhua tus uas hais rau Kuv tias, tus Tswv, tus Tswv, es yuav nkag tau mus rau hauv lub teb chaws saum ntuj ceeb tsheej; tab tsis nws uas ua raws li Kuv Leej Txiv uas nyob saum ntuj ceeb sheej lub siab nyiam’ (Lub Moo Zoo Raws Li Mas Tais 7:21). Qhov no qhia rau peb tias, Vajtswv tsis ntsia qhov tias peb txi ntau npaum li cas thaum txiav txim siab tias leej twg thiaj li nkag tau mus rau hauv lub nceeg vaj. Tiam sis Nws tsuas ntsia rau qhov seb peb ua puas tau raws li Nws txoj kev xav los tsis raws xwb. Ntawd yog, yuav kom nkag tau mus rau hauv lub nceeg vaj, mas tib neeg yuav tsum tau tso lawv tus kheej ntawm lawv tus yeeb txhaum tseg thiab muab yaug kom dawb huv tso, thiab ua raws li Vajtswv cov lus, thiab lawv yuav tsum mloog Vajtswv lus tiag tiag thiab hlub thiab pe hawm Nws. Yog hais tias peb muab pub thiab peb muab ntau yam txi, tab sis peb tsis tuaj yeem ua raws li Vajtswv cov lus, thiab peb nquag ua txhaum thiab tawm tsam Vajtswv, ces peb yuav yog cov ua phem. Hom neeg ntawd yuav nkag tsis tau mus rau hauv lub nceeg vaj. Tag nrho cov neeg Falixais uas yog neeg Yudais tawm tsam tus Tswv, tau ua dej num rau Vajtswv xyoo tas xyoo thiab rau hauv lub tuam tsev, thiab haj tseem tshaj tawm txoj kev ntseeg mus deb thiab dav. Lawv txom nyem thiab tiv kev txom nyem heev li. Saib sab nrauv los mas zoo nkaus li lawv mob siab rau Vajtswv, tab sis txhua yam uas tseem ceeb rau lawv mas yog qhov tuav rawv rau tej kab lis kev ntseeg xwb. Lawv qhia tib neeg tej kev cai thiab tej lus qhuab qhia, es tsis quav ntsej Vajtswv cov kev cai thiab cov lus txib lawm. Lawv tes dej num mas tawm tsam rau Vajtswv txoj kev xav huv si, thiab lawv yuam kev ntawm Vajtswv txoj hau kev mus. Thaum Tswv Yexus los ua Nws tes hauj lwm, cov Falixais tab meeg hlo coj lawv tus kheej tawm tsam Nws, tas zog tiv thaiv lawv txoj hauj lwm. Lawv teem txim thiab thuam Nws sab heev, thiab tas zog cheem tib neeg kom txhob raws Nws qab. Nyob rau thaum kawg, lawv haj tseem tawm tswv yim nrog tsoom fwv Loos los muab Tswv Yexus ntsia rau saum tus ntoo khaub lig thiab, ua txhaum rau Vajtswv tus moj yam thiab raug Nws rau txim. Qhov no ua pov thawj qhia tias txawm tib neeg yuav sib zog ua hauj lwm thiab muaj kev txi npaum li cas los xij, qhov ntawd yeej tsis lam cia li txhais tau tias lawv ua raws li Vajtswv txoj kev xav. Tshwj yog tib neeg twb raug yaug txoj kev txhaum kom dawb huv lawm xwb, tsis li ntawd ces lawv yuav ua txhaum thiab tawm tsam Vajtswv txawm tias yog muab lawv tus kheej fij rau Nws los xij. Thiab tom qab ntawd thiaj li muaj peb. Txawm tias peb pab cov ntseeg, thiab zoo li ua siab zoo, thiab ntxim li yuav sib zog ua hauj lwm los xij, peb lub hom phiaj mas yog xav tau txais koob hmoov thiab nkag mus rau hauv Vajtswv lub nceeg vaj xwb. Thaum twg Vajtswv foom koob hmoov rau peb, ces peb qhuas thiab ua Nws tsaug. Thaum peb muaj mob los sis muaj qee yam phem tshwm sim, peb liam thiab to taub Nws yuam kev, thiab haj tseem ntxeev siab rau Nws thiab. Feem ntau, peb tas zog saib peb tej kev txi thiab qhov peb ua tes hauj lwm tau zoo ntawd tseem ceeb, khav tias peb txom nyem thiab ua hauj lwm rau Vajtswv npaum li cas, kom lwm tus hwm peb thiab muab peb hawm li tus mlom, es kom peb tau suab npe, tshaj thawj, thiab lub meej mom. Peb npau taws thaum peb ntsib cov neeg los sis ntsib tej yam uas peb tsis nyiam, thiab peb tsis tuaj yeem ua raws li Vajtswv cov lus, thiab ntau yam ntxiv. Qhov no qhia rau peb tias, peb tsis yog ua tag nrho tej no, los ntawm kev hlub rau Vajtswv los sis tsis ua kom Vajtswv txaus siab, tab sis feem ntau yog sib khom nqi nrog Vajtswv xwb. Peb tsuas siv thiab coj tsis ncaj rau Vajtswv xwb, los ua kom tau raws li peb tus kheej tej kev ntshaw xwb. Ces peb yuav ua li cas ua tau cov neeg uas ua raws li Leej Txiv saum ntuj ceeb tsheej txoj kev xav mas? Nyob rau hauv phau Vajluskub mas nws hais tias: ‘Nej yuav tsum dawb huv; rau qhov Kuv dawb huv’ (Pob Zeb Tsab Ntawv Ib 1:16). Peb paub tias Vajtswv mas dawb huv, yog li ntawd Vajtswv yuav coj cov neeg qias neeg zoo li peb nkag mus rau hauv lub nceeg vaj saum ntuj ceeb tsheej tau li cas? Tsuas yog los ntawm qhov muab peb tus yeeb yam txhaum tso tseg, thiab tsis tawm tsam Vajtswv mus ntxiv lawm nkaus xwb, mas Vajtswv thiaj li yuav qhuas peb thiab phim nkag mus rau hauv Nws lub nceeg vaj.”

Thaum kuv mloog nws kuv txawm xav tias: “Kuv keev xav tias ua tes hauj lwm kom zoo xwb ces kuv yeej nkag mus tau rau hauv lub ceeb tsheej lawm, tab sis tam sim no zoo li, kuv twb xyaum kuv txoj kev ntseeg lawm los tsis haum rau Tswv Ntuj txoj kev xav kiag li. Tib neeg raug yaug kom dawb huv mas thiaj li yuav nkag mus tau rau hauv lub nceeg vaj xwb, tab sis kuv qhov teeb meem ces yog qhov tias kuv tsis paub xyov yuav ua kom dawb huv tau li cas.” Kuv thiaj li muab kuv tej kev xav thiab tej kev txhawj qhia Viv Ncaus Npevdim.

Thiab qhov teb rau tej kev xav ntawd nws thiaj li nyeem qee zaj lus uas muaj feem xyuam txog Vajtswv Tus Uas Muaj Hwj Chim Loj Kawg Nkaus cov lus rau kuv lawm. “Ib tug neeg txhaum li nej, cov uas nyuam qhuav raug txhiv dim kiag, thiab tseem tsis tau hloov, los sis tsis tau raug Vajtswv muab tsim kho kom zoo tiav log, koj puas yuav ua kom tau raws li Vajtswv lub siab? Rau koj, koj yeej tseem yog koj tus neeg qub, nws yeej muaj tseeb hais tias koj yeej raug Yexus cawm lawm, thiab hais tias koj tsis raug suav ua ib tug neeg txhaum vim yog Vajtswv txoj kev cawm dim, tab sis qhov no tsis tau yog pov thawj qhia hais tias koj tsis muaj kev txhaum lawm, thiab tsis yog tsis dawb huv. Koj ho yog neeg dawb huv tau li cas yog hais tias koj twb tsis tau hloov nas? Nyob rau sab hauv, koj tseem raug kev tsis dawb huv, kev siab me thiab kev siab phem laum tas zog li, tab sis koj tseem xav nqis los nrog Yexus—cas koj mas yuav hmoov zoo ua luaj li! Koj tau plam ib kauj ruam ntawm koj txoj kev ntseeg Vajtswv lawm: Koj tsuas lam raug txhiv dim xwb, tab sis koj tsis tau hloov li. Yog koj xav ua kom tau raws li Vajtswv lub siab, ces Vajtswv yuav tsum tau ua kiag tes hauj lwm muab koj hloov thiab yaug kom dawb huv; yog hais tias koj tsuas yog raug txhiv dim xwb, ces koj yuav tsis muaj cuab kav muab tau txoj kev dawb huv. Nyob rau txoj kev no ces koj yuav tsis tsim nyog tau txais Vajtswv tej koob hmoov zoo, vim koj tau plam ib kauj ruam ntawm Vajtswv tes hauj lwm cawm tib neeg lawm, uas yog kauj ruam tseem ceeb ntawm kev hloov thiab kev raug tsim kho kom zoo tiav log. Koj, ib tug neeg txhaum uas nyuam qhuav raug txhiv dim xwb, ces yog li ntawd thiaj tsis muaj cuab kav yuav tau txais Vajtswv tej qub txeeg qub teg” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Hais Txog Lub Npe thiab Lub Koob Meej). “Txawm hais tias Yexus yeej tau ua hauj lwm ntau heev nrog tib neeg lawm, los Nws tsuas yog ua tiav qhov kev txhiv tag nrho noob neej thiab rais mus ua qhov kev theej txhoj rau tib neeg tej kev txhaum xwb; Nws tsis tau muab tag nrho tib neeg tus moj yam qias vuab tsuab tshem pov tseg. Yuav cawm tib neeg tawm tag nrho ntawm Ntxwgnyoog txoj kev haub ntxias mas tsis yog Yexus yuav tsum rais mus ua ib qho kev theej txhoj thiab ris tag nrho tib neeg tej kev txhaum nkaus xwb, tab sis Vajtswv yuav tsum tau ua tes hauj lwm loj tshaj los tshem kom tag nrho tib neeg tus moj yam qias vuab tsuab pov tseg. Thiab yog li ntawd, tam sim no tib neeg twb raug zam txim rau lawv tej kev txhaum lawm, Vajtswv tau rov los rau lub cev nqaij daim tawv los coj tib neeg mus rau tiam tshiab, thiab tau pib tes hauj lwm ntawm kev qhuab ntuas thiab kev txiav txim. Tes hauj lwm no tau coj tib neeg mus rau ib qho chaw siab dua lawm. Tag nrho cov uas zwm rau Nws txoj kev tswj fwm yuav tau txais qhov tseeb uas siab tshaj thiab tau txais koob hmoov ntau tshaj. Lawv yuav tau nyob rau hauv tus duab ci pom kev tiag tiag, thiab lawv yuav tau qhov tseeb, txoj kev, thiab txoj sia” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Zaj Lus Ua Ntej). Ces Viv Ncaus Npevdim thiaj li qhia tias, “Nyob rau hauv Tiam Hmoov Hlub mas, Tswv Yexus tsuas ua tes hauj lwm ntawm kev txhiv dim xwb. Tom qab uas peb lees txais Nws txoj kev cawm dim lawm, ces peb tsuas tim tsum los lees txhaum thiab lees txim hloov dua siab tshiaba rau Nws es kom peb tej kev txhaum thiaj raug zam xwb, thiab tom qab ntawd peb thiaj li xyiv fab rau txoj hmoov hlub thiab tej koob hmoov uas Nws muab rau peb. Muaj tseeb Tswv Yexus zam txim rau peb tej kev txhaum tab sis Nws tsis, ntxuav peb tus yeeb yam txhaum thiab tus moj yam phem. Thaum Ntxwgnyoog ua rau peb qias vuab tsuab lawm, ces peb tus moj yam qias vuab tsuab thiaj li tswj peb lawm, zoo li kev khav theeb, kev ntxias dag, nrog rau kev phem thiab kev tawv ncauj, kom peb thiaj li ua txhaum thiab tawm tsam Vajtswv xwb. Qhov tseeb tiag ces peb tus yeeb yam phem mas yog tus keeb cag ntawm peb txoj kev txhaum ntag, thiab yog hais tias peb tsis muab tus keeb cag ntawd tshem tawm ces peb yeej yuav tsis tso txoj kev tawm tsam Vajtswv tseg li, thiab peb yeej yuav tsis phim nkag mus rau hauv lub nceeg vaj li. Vim li ntawd, tus Tswv thiaj li hais tias Nws yuav rov qab los rau tiam kawg, los nthuav tawm qhov tseeb los ua tes dej num ntawm kev txiav txim uas pib ntawm Vajtswv lub tsev mus, los hloov pauv thiab yaug peb tej moj yam phem kom dawb huv du lug. Ces thaum kawg peb thiaj li dim plaws ntawm txoj kev txhaum, thiab raug cawm dim tag nrho thiab Vajtswv thiaj li muab tau. Tsuas zoo ib yam li tus Tswv tau muab hais ua lus faj lem tias: ‘Tus uas tsis lees Kuv, thiab tsis txais yuav Kuv tej lus, muaj ib tug txiav txim rau nws: txoj lus uas Kuv tau hais lawm, tib qho no yuav txiav txim rau nws nyob rau hnub kawg’ (Lub Moo Zoo Raws Li Zam 12:48). ‘Kuv tseem muaj ntau yam hais rau nej, tab sis nej ris tsis taus tej ntawd tam sim no. Txawm li cas los xij, thaum Nws, tus Ntsujplig ntawm qhov tseeb, los, Nws yuav coj nej mus rau qhov tseeb: vim Nws tsis hais ntawm Nws Tus Kheej xwb; tab sis yam uas Nws hnov, Nws yuav tsum hais: thiab Nws yuav qhia nej paub txog tej uas yuav los’ (Lub Moo Zoo Raws Li Zam 16:12–13). Tsuas yog lees txais tus Tswv uas rov qab los lawm ntawd tes dej num ntawm kev txiav txim nyob rau tiam kawg xwb mas peb txoj kev qias vuab tsuab thiaj li raug yaug kom dawb huv tag nrho. Tsuas yog thaum ntawd xwb peb thiaj li yuav phim los txais Vajtswv cov lus cog tseg thiab nkag mus rau hauv Nws lub nceeg vaj.”

Viv Ncaus Npedim qhov kev qhia mas ua rau kuv pom kev heev lawm. Kuv twb ua txhaum los tau npaum li no lub xyoos lawm thiab tom qab ntawd twb lees txhaum rau tus pov thawj thiab sib zog ua hauj lwm rau yam zoo, thiab tiam sis, kuv tseem cheem tsis tau kuv tus kheej kom txhob ua txhaum li thiab. Tam sim no kuv paub tias Huab Tais Yes Xus tsuas ua tes hauj lwm kev txhiv dim xwb, thiab qhov ntseeg Nws ntawd mas peb tej kev txhaum thiaj li yuav raug zam txim xwb, tab tsis peb tus yeeb yam txhaum yeej tseem nyob rau sab hau. Vim li ntawd kuv thiaj li ua lub neej ncig mus los rau ntawm txoj kev txhaum thiab kev lees txhaum. Tib txoj hau kev yuav ua kom yaug tau txoj kev qias vuab tsuab kom dawb huv ces yog lees txais tus Huab Tais uas rov qab los lawm ntawd tes hauj lwm txiav txim nyob rau tiam kawg xwb. Tsuas yog los ntawm qhov kev lees txais zoo li ntawd xwb peb thiaj li tuaj yeem hlub thiab mloog Tswv Ntuj lus tiag tiag thiab nkag mus tau rau hauv Tswv Ntuj lub ceeb tsheej. Qhov li xav ntawd ua rau kuv zoo siab heev. Tam sim no kuv muaj kev vam los muab txoj kev txhaum tshem tawm thiab nkag mus rau hauv lub nceeg vaj!

Hnub tom qab kiag ntawd kiag xwb Viv Ncaus Npevdim hais txog ib zaj lus uas hu ua Tus Cawm Seej Twb Rov Qab Los Saum ib tauv “Huab Dawb” Lawm. Kuv paub tias muaj kev txhawb yam tsis txaus ntseeg li, kuv hnov tias cov lus ntawd mas muaj hwj chim tshaj. Tom qab ntawd, nws txawm qhia kuv yam kub siab lug tias, “Tus Tswv uas peb puav leej ntshaw ntawd twb rov qab los lawm, thiab Nws yog Vajtswv Tus Uas Muaj Hwj Chim Loj Kawg Nkaus uas yug los ua neeg. Vajtswv Tus Uas Muaj Hwj Chim Loj Kawg Nkaus nthuav ntau qhov tseeb tawm, thiab ua tes dej num ntawm kev txiav txim uas pib nyob rau hauv Vajtswv lub tsev mus. Qhov peb nyeem nag hmo, thiab qhov hais uas peb mloog rau hnub no ntawd, mas puav leej hais tawm los ntawm Vajtswv Tus Uas Muaj Hwj Chim Loj Kawg Nkaus Nws Tus Kheej ntag. Vajtswv Tus Uas Muaj Hwj Chim Loj Kawg Nkaus twb los thiab tau qhib xya lub cim thiab nthuav thooj ntawv me lawm. Nws twb nthuav tag nrho tej lus zais tob uas peb yeej tsis to taub li tawm lawm, thiab tau muab tag nrho qhov tseeb uas peb cheem tsum ntawd qhia kom peb thiaj li raug cawm thiab raug yaug kom dawb huv du lug lawm. Qhov no muaj tiav raws li lo lus faj lem nyob rau hauv Qhia Tshwm lawm: ‘Tus uas muaj pob ntseg, cia nws mloog qhov yam uas tus Ntsujplig hais rau pawg ntseeg’ (Qhib Yav Tom Ntej 3:6). Qhov peb muaj peev xwm hnov Vajtswv lub suab rau hnub no, yog los ntawm Vajtswv qhov coj qhia xwb, thiab peb puav leej tau txais koob hmoov ntau heev!”

Kuv mas zoo siab thiab txaus siab uas tau hnov qhov xov xwm no, tias Huab Tais twb rov qab los lawm tiag tiag. Pom tau tias qhov hais tawm uas kuv tau mloog ntawd thiab cov lus uas kuv tau nyeem rau hnub ua ntej ntawd mas puav leej yog Tswv Ntuj cov lus tiag tiag. Tos hais tias cov lus ntawd mas muaj hwj chim zoo li ntawd os! Leej twg thiab es thiaj li muaj peev xwm nthuav tawm cov lus zais tob, uas hais txog kiag qhov Huab Tais yuav rov qab los li cas? Yeej tsis muaj ib tug twg li lawm tsuas yog Tswv Ntuj xwb thiaj li ua tau li no. Kuv ntseeg huv si tias cov lus ntawd yog Tswv Ntuj tau hais tawm, thiab tias Huab Tais twb rov qab los lawm. Kuv mas zoo siab tshaj plaws li! Kuv yeej tsis tau xav tias kuv yuav muaj peev xwm los txais tos qhov Huab Tais rov qab los li. Kuv mas muaj hmoov tshaj! Tab sis kuv tseem muaj ib lo lus nug tias: “Tswv Ntuj ua tes dej num ntawm kev txiav txim los yaug kom tib neeg dawb huv thiab cawm tib neeg tag nrho tau zoo li cas?”

Viv Ncaus Npevdim nyeem zaj lus no ntawm Vajtswv Tus Uas Muaj Hwj Chim Loj Kawg Nkaus cov lus los teb kuv lo lus nug. “Khetos ntawm tiam kawg siv ntau yam kev tseeb los qhia tib neeg, los qhia tshwm tib neeg qhov tseem ntsiab, thiab phua tawm tib neeg cov lus thiab lawv tes dej num. Cov lus no suav nrog ntau txoj kev tseeb, xws li tib neeg lub luag dej num, tib neeg yuav tsum mloog Vajtswv lus li cas, tib neeg yuav tsum npuab siab rau Vajtswv li cas, tib neeg yuav tsum ua neej nyob li cas ntawm txoj kev ua neeg nyob, nrog rau txoj kev txawj ntse thiab txoj kev xav ntawm Vajtswv, thiab lwm yam ntxiv. Cov lus no puav leej raug qhia ncaj qha rau qhov tseem ntsiab ntawm tib neeg thiab nws tus yam ntxwv lwj liam. Tshwj xeeb, cov lus uas nthuav tawm txog qhov uas tib neeg tsis lees yuav Vajtswv yog hais txog qhov tib neeg yog ib qho Ntxwgnyoog tsim tawm los, thiab yog ib tug yeeb ncuab lub zog uas tawm tsam Vajtswv li cas. Thaum ua Nws txoj dej num ntawm txoj kev txiav txim, tsis yog Vajtswv cia li tshaj tawm meej meej txog tib neeg tus yam ntxwv yam yooj yim ua ob peb lo lus hais xwb; tiam sis Nws nthuav tawm, hais daws nrog, thiab cob qhia rau ncua sij hawm ntev loo. Tag nrho cov hau kev nthuav tawm, kev hais daws, thiab kev cob qhia uas sib txawv no tsis tuaj yeem muab tau tib neeg cov lus hais los hloov tau, tab sis nrog qhov tseeb ntawm qhov uas tib neeg tsis muaj. Tsuas yog cov hau kev zoo li cov no xwb thiaj tuaj yeem raug hu tias yog txoj kev txiav txim; tsuas yog los ntawm txoj kev txiav txim li yam no xwb thiaj li tuaj yeem ua kom tib neeg yeem swb thiab ntseeg Vajtswv tag nrho, thiab ntau tshaj ntawd kom tau txais qhov kev paub tseeb ntawm Vajtswv. Qhov ua txoj dej num ntawm txoj kev txiav txim coj los qhia yog kom tib neeg nkag siab txog qhov tseeb ntawm Vajtswv thiab qhov tseeb txog nws tus kheej txoj kev tawm tsam. Tes dej num ntawm txoj kev txiav txim ua rau tib neeg muaj kev nkag siab ntau txog Vajtswv lub siab nyiam, lub hom phiaj ntawm Vajtswv tes dej num, thiab ntawm tej yam kev zais uas nws tsis tuaj yeem to taub. Nws kuj cia kom tib neeg xeev pom thiab paub txog nws lub ntsiab tseeb uas qias vuab tsuab thiab lub hauv paus ntawm nws txoj kev qias vuab tsuab, nrog rau kom tshawb pom txog tib neeg lub siab phem qias thiab. Cov txiaj ntsig no tau txais los ntawm tes dej num ntawm txoj kev txiav txim, rau qhov lub ntsiab tseem ceeb ntawm tes dej num no yog tes dej num qhib qhov tseeb, txoj hau kev, thiab txoj sia ntawm Vajtswv mus rau tag nrho cov uas muaj kev ntseeg Nws tiag tiag. Qhov dej num no yog tes dej num ntawm txoj kev txiav txim ua los ntawm Vajtswv los” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Khetos Ua tes Dej Num ntawm Txoj Kev Txiav Txim Nrog Qhov Tseeb). Tom qab nyeem qhov no lawm, Viv Ncaus Npevdim thiajli hais tias, “Nyob rau tiam kawg mas Vajtswv Tus Uas Muaj Hwj Chim Loj Kawg Nkaus ua hauj lwm los txiav txim thiab los yaug tib neeg kom dawb huv los ntawm Nws cov lus. Nws txiav txim rau tib neeg txoj kev ntxeev siab thiab kev lim hiam, muab peb tus yeeb yam tawm tsam Vajtswv thiab peb tej moj yam qias vuab tsuab nthuav tawm, txiav txim thiab muabpeb txoj kev ntshaw tej koob hmoov, thiab ib yam nkaus, peb txoj kev ntseeg phem thiab tej kev xam pom uas tsis yog thiab tej kev xav phem ntsig txog Vajtswv ntawd qhia tshwm. Nws kuj qhia tawm rau peb tias yuav coj ncaj li cas, nrog rau qhov yuav ua li cas thiaj li haum rau Nws txoj kev xav, yuav mloog Nws lus tiag tiag thiab yuav hlub Nws li cas tiag tiag, yuav ua Nws txoj kev xav, thiab ntau yam zoo li ntawd li cas. Los ntawm qhov raug Vajtswv qhov kev qhuab ntuas, thiab kev txiav txim peb thiaj li pom tias Ntxwgnyoog tau ua qias vuab tsuab li cas rau peb, thiab peb txoj kev dag, kev khav theeb thiab kev phem npaum li cas, mas puav leej los ntawm peb tej moj yam phem los xwb. Nyob rau hauv qhov no peb muaj peev xwm pom tias Vajtswv tus moj yam mas dawb huv thiab ncaj ncees uas yuav ua txhaum tsis tau rau li, ces peb mam li pib ntxub peb tus kheej, hnov tu siab, thiab xyaum ua raws qhov tseeb. Tom qab ntawd ces peb lub neej tej moj yam mam li pib hloov pauv. Txhua yam no mas yog ua tau los ntawm kev txiav txim ntawm Vajtswv cov lus.” Tom qab ntawd Viv Ncaus Npevdim txawm muab nws tus kheej tej kev ntsib kev pom los qhia tawm. Nyob rau hauv nws txoj kev ntseeg nyob rau yav dhau los ntawd, nws xav tias nws hlub tus Tswv vim hais tias nws mob siab muab nws tus kheej fij rau, yog li ntawd nws thiaj li nquag thov tus Tswv vim txoj hmoov hlub thiab tej koob hmoov. Nws ua siab tawv qhawv ntseeg tias, vim nws raug kev txom nyem txhawm rau tus Tswv lawm, ces tus Tswv yuav muabqhov kev nkag mus rau hauv lub nceeg vaj ua nqi zog rau nws xwb xwb li. Tom qab nws tau lees txais Vajtswv tes hauj lwm ntawm tiam kawg thiab raug txiav txim los ntawm Nws cov lus lawm, ces nws thiaj li pom nws tej kev xam pom txog txoj kev ntseeg uas tsis yog thiab phem, ces tom qab ntawd nws thiaj li mam paub tias: Nws tsis ntseeg Vajtswv vim txoj kev hlub los sis ua ib tug uas raug tsim tawm los tes dej num, tab sis tsuas ua kom tau raws li nws tus kheej txoj kev ntshaw tej koob hmoov, thiab kom kuj tau txais tej koob hmoov ntawm lub nceeg vaj pauj rov qab xwb. Qhov no yog kev siv Vajtswv, kev sib khom nqi nrog Nws. Nws xav tias nws twm xeeb, tsis muaj kev ua neeg, ces nws tu siab heev rau qhov ntawd thiab ntxub nws tus kheej. Nws thiaj li pib nrhiav qhov tseeb raws li Vajtswv cheem tsum thiab, lub sij hawm tom qab ntawd, nws tej kev xam pom txog txoj kev ntseeg uas tsis yog lawm ntawd raug muab kho tau yog lawm. Nws tus moj yam phem kuj pib hloov pauv lawm thiab. Nws pom tias tsuas yog tib txoj hau kev no xwb thiaj li yuav yaug nws txoj kev qias vuab tsuab kom dawb huv tau tiag tiag thiab qhov los paub nws tus kheej ntawd mas yog kev lees kev txiav txim thiab kev rau txim ntawm Vajtswv cov lus huv si.

Vim Viv Ncaus Npevdim txoj kev qhia, kuv thiaj li pom tias qhov uas Tswv Ntuj nthuav tawm qhov tseeb thiab ua Nws tes hauj lwm txiav txim nyob rau tiam kawg mas muaj qab hau ua luaj, thiab qhov ntawd hloov tau thiab yaug tau kom tib neeg dawb huv li cas tiag tiag. Kuv pom tias peb tim tsum Tswv Ntuj los ua Nws tes hauj lwm txiav txim nyob rau tiam kawg ntau npaum li cas, thiab tias tam sim no peb muaj ib txoj kev los ua kom dim plaws ntawm txoj kev qias vuab tsuab lawm. Kuv mas zoo siab tshaj plaws. Nyob rau hauv cov rooj sib txoos ua ke tom qab ntawd, Viv Ncaus Npevdim qhia kuv txog qhov lus zais tob ntawm qhov Tswv Ntuj yug los ua neeg, qhov Xas Tas nrhiav txoj hau kev li cas los ua kom tib neeg qias vuab tsuab, qhov txheej txheem uas Tswv Ntuj cawm tib neeg ib kauj ruam zuj zus li cas, qhov tseeb ntawm phau Ntawv Ntshiab, qhov xaus uas tos ntsoov tib neeg ntiaj teb thiab ntau yam. Nws qhia ntau qhov tseeb rau kuv, uas kuv yeej tsis tau hnov dua los tshaj nees nkaum lub xyoos ntawm txoj kev ntseeg Tswv Ntuj li lawm. Thaum nyeem Vajtswv Tus Uas Muaj Hwj Chim Loj Kawg Nkaus cov lus mas, kuv xav ntxiv tias cov lus ntawd yog Tswv Ntuj lub suab ntag. Tsuas yog Tswv Ntuj tus uas yug los ua neeg xwb thiaj li muaj peev xwm nthuav tawm tau cov lus uas muaj cai thiab muaj hwj chim zoo li ntawd. Dhau ntawm Tswv Ntuj lawm, leej twg thiaj li qhia tau qhov tseeb txog tib neeg ntiaj teb txoj kev qias vuab tsuab los ntawm Xas Tas? Leej twg thiab thiaj li tuaj yeem qhia tawm rau peb txog tej kev tsis raug no nyob rau hauv peb txoj kev ntseeg, thiab nthuav tawm rau peb txog txoj kev uas yog nyob rau hauv peb txoj kev ntseeg? Leej twg thiaj li tuaj yeem nthuav tawm tej lus zais tob ntawm Tswv Ntuj txoj kev npaj rau txhiab xyoo, thiab qhia peb txog qhov xaus thiab lub hom phiaj kawg uas nyob tos ntsoov peb? Kuv thiaj li ntseeg heev, tias Vajtswv Tus Uas Muaj Hwj Chim Loj Kawg Nkaus yog tus Huab Tais uas rov qab los lawm tiag tiag—Nws yog tus Leej Pleev ntawm tiam kawg! Tom qab ntawd kuv thiaj li mam lees txais Vajtswv Tus Uas Muaj Hwj Chim Loj Kawg Nkaus tes hauj lwm ntawm tiam kawg tau yam zoo siab hlo. Kuv ua tsaug rau Vajtswv Tus Uas Muaj Hwj Chim Loj Kawg Nkaus vim xaiv kuv thiab cawm kuv.