Kuv twb lees txais Vajtswv Tus Uas Muaj Hwj Chim Loj Kawg Nkaus txoj hauj lwm ntawm tiam kawg ntau tshaj ob xyoo los lawm. Qhia dawb paug tias, kuv tau txais ntau tshaj nyob rau hauv kaum lub xyoo tas los yog li ntawd kuv thiaj li fij kuv tus kheej ua ib tus ntseeg nyob rau pawg ntseeg lawm. Kuv tsis ntseeg tej kev xav rau Vajtswv uas tsis meej tseeb li qhov kuv ua yav tag los lawm, tab sis ntseeg Vajtswv tus muaj qab hau uas nyob hauv cev nqaij daim tawv ua tshwm sim, tus uas taug kev thiab ua hauj lwm rau tib neeg, tus uas tuaj yeem nthuav qhia qhov tseeb txhua lub sij hawm thiab txhua txhia qhov chaw. Kuv tau hnov Vajtswv lub suab uas xyiv fab rau kev ywg dej thiab kev pab los ntawm Nws cov lus. Kuv tau los sawv ntawm Vajtswv ib sab lawm tiag tiag.

Kuv lub npe hu ua Mas Tees, thiab kuv yug hauv tsev neeg ntseeg Kastoliv nyob lub nroog Lis oos, teb chaws Fab Kis. Kuv ib txwm loj hlob los nrog kev qhuab qhia Katoliv. Kuv tau daws npe, kuv tau koom pawg ntseeg, muaj kev cai raus tes, thiab kuv mus koom pawg ntseeg txhua xyoo. Tom qab uas kuv loj hlob tuaj, kuv paub tias cov xib fwb qhia Vajtswv txoj lus Kastoliv tas zog nthuav qhia ib cov kev cai qub zoo ib yam nkaus xwb tsis muaj yam tshiab li. Kuv hnov zoo li txias zias, tsis muaj txoj sia li thiab nws ntsia zoo li cov neeg ntseeg coob tus lawv tej kev ntseeg raug tshem mus zuj zus. Qhov no ua rau kuv poob siab. Kuv thiaj li rau siab nrhiav ib pawg ntseeg uas muaj Vajntsujplig tes hauj lwm thaj chaw uas kuv hnov tau tus Tswv qhov kev tshwm sim. Kuv tau txiav txim siab tawm ntawm kev cai Kastoliv mus nrhiav pawg ntseeg zoo li no. Tom qab ntawd kuv tau mus nyob rau lub teb chaws Ntsisneva, thaj chaw uas kuv mus kawm ntawv qib siab thiab mus koom ib pawg ntseeg Khixatia. Tab sis kuv pom tias tus xib fwb tsuas lam qhuab qhia raws li cov ntaub ntawv nkaus xwb, lam qw lub suab lus hais, thiab tham txog khoom pub sab ntsujplig thiab cov keeb kwm kev ntseeg uas tshawb pom los ntawm qhov tseeb. Tsis muaj ib yam dab tsis uas yuav ua rau kuv zoo siab los sis pab kuv kom paub tus Tswv li. Yam uas ua rau kuv xav tsis thoob tshaj plaws mas yog daim duab tus mlom. Tus thawj coj xib fwb daim duab ces raug muab lo ze ntawm lub sam thiaj ces thaum twg muaj cov neeg tshiab tuaj koom pawg ntseeg, tus xib fwb yuav kom lawv pe hawm tus thawj coj xib fwb daim duab. Xib fwb yuav hais nws tus kheej tej lus txhais Vajluskub rau cov neeg ntseeg txhua txhua hnub thiab cov kwv tij thiab cov muam yuav coj rau lawv zoo li yog lawv pluas zaub pluas mov txhua hnub, npaum nkaus li lawv tab tom nyeem Vajtswv cov lus. Lawv xyaum hais cov lus ntawd npaum li yog Vajtswv tus kheej cov lus. Qhov no ua rau kuv tsis kaj siab kiag li. Zoo li nws tsis haum rau kuv. Kuv tuaj yeem pom tau tias tus Tswv tsis nyob hauv pawg ntseeg ntawd lawm, thiab yog li ntawd kuv kuj tau khiav tawm tim pawg ntseeg ntawd lawm thiab. Kuv nug kuv tus kheej tias, “Tus Tswv nyob qhov twg tiag tiag?” Kuv hnov zoo li tsis muaj sab ntsujplig kiag li nyob rau nqe lus no thiab kuv xav paub tias tus Tswv puas tau tso luv tseg.

Tau kawg, txij thaum ntawd los, kuv tus kheej tau nyeem Vajluskub tim tsev. Kuv nyeem Kev Qhia Tshwm qib peb ntau heev, thiab nqe lus uas tham txog pawg ntseeg hauv Fis las dis fias ua rau kuv txaus siab kawg li. “Vim koj tau khaws Kuv txoj lus txog Kuv txoj kev ua siab ntev lawm, Kuv los kuj yuav tsom kwm koj los ntawm lub sij hawm raug kev sim siab, uas yuav los raug thoob plaws lub ntiaj teb, los sim cov uas nyob rau hauv lub ntiaj teb thiab. Saib nawb, Kuv yuav los sai sai no: tuav yam uas koj muaj kom ruaj ruaj, kom thiaj li tsis muaj leej twg txeeb tau koj lub mom kub mus. Tus uas kov yeej yog tus Kuv yuav muab tsa ua ib tug ncej tse rau hauv Kuv tus Vajtswv lub tuam tsev, thiab nws yuav tsis raug tshem tawm mus li” (Qhia Tshwm 3:10–12). Tej nqe lus no ua rau kuv zoo siab heev thiab muaj txiaj ntsig rau kuv heev vim hais tias nws muaj tej lus zais tob thiab lus coj cia puv npo. Kuv pom tau tias tus Tswv hais meej tseeb tias yauv muaj ib pawg ntseeg uas tus Tswv pom zoo, nws yog pawg ntseeg nyob rau hauv Fis las dis fias. Kuv pib hnov zoo li tus Tswv tab tom qhia kuv, “Kuv nyob hauv pawg ntseeg no.” Qhov ntawd ua rau kuv muaj lus nug kuv tus kheej tias: Pawg ntseeg no nyob rau qhov twg? Nyeem mus ntxiv, kuv tau pom qhov no: “Saib nawb, Kuv sawv ntawm qhov rooj, thiab khob: yog tias tus tib neeg twg hnov Kuv lub suab, thiab qhib qhov rooj, Kuv yuav los rau nws, thiab yuav nrog nws noj mov, thiab nws nrog Kuv” (Qhia Tshwm 3:20). Kuv zoo siab tshaj uas nyeem pom tias tus Tswv hais meej tias Nws yuav khob qhov rooj. Kuv xav paub tias Nws yuav khob qhov rooj li cas thiab qhov ntawd puas txhais tau tias tus Tswv yuav rov qab los sai sai no. Qhov ntawd qhia rau kuv paub yam tsis txaus ntseeg li, thiab ua rau kuv xav nrhiav mus ntxiv. Nyob rau thaum Hnub tim 1 lub Tsib Hlis Ntuj, xyoo 2018, tom qabkuv dhau los ntawm lub sij hawm txaus ntuj nti, kuv tau thov Vajtswv kawg siab kawg ntswv dua ntxiv. Kuv xav nkag siab txhua yam uas kuv ib txwm tsis nkag siab yav tag los. Kuv hais tias. “Au Vajtswv, thov qhia kom kuv paub. Kuv paub tias koj yuav los sai sai no. Thov cia kuv nkag siab Koj txoj kev xav.” Tom qab thov Vajtswv tas ces kuv mus pw lawm.

Hnub tom qab, kuv mus ua hauj lwm li txhua hnub. Kuv mus sawv ntawm ntug pa dej Ntsisneva thaum lub sij hawm so noj sus thiab zaum ntawm lub tog thiab los hais lus taij thov rau ntawm Vajtswv xub ntiag. Ces kuv pom ib tug neeg nyob deb tsawv, Yog li kuv thiaj li ncaj qha taug kev mus ntawm nws nrog rau lub siab xav qhia txoj moo zoo nrog nws. Kuv ceeb tag, nws hais rau kuv tias, “Tij laug, koj puas paub? Tus Tswv twb rov qab los lawm thiab twb tau nthuav ntau plhom los lus lawm.” Kuv yoob tag thaum kuv hnov li no thiab xav paub tias, “Vim li cas tus kwv tij no ho hais li no? Tus Tswv twb rov qab los lawm lod?” Kuv xav tsis thoob li. Peb tas zog ua peb qhov kev sib qhia mus, cov lus nug tshwm sim ib co tom qab ntxiv: Tus Tswv twb rov qab los lawm lod? Tus Tswv rov qab los tau li cas? Thaum peb tab tom yuav xaus peb qhov kev sib sau, nws muab qhov chaw nyob ntawm Pawg Ntseeg ntawm Vajtswv Tus Uas Muaj Hwj Chim Loj Kawg Nkaus tus vev xaij rau kuv thiab hais tias, “Koj mam saib ntxiv tom qab nawb.”

Kuv nkag mus qhib tus vev xaij Pawg Ntseeg ntawm Vajtswv Tus Uas Muaj Hwj Chim Loj Kawg Nkaus kiag tam siv uas kuv mus txog tim chaw ua hauj lwm. Kuv nco tau tias yam xub thawj uas kuv tau pom yog Khetos ntawm Tiam Kawg Tau Tshwm Los rau hanv Suav Teb Lawm. Kuv tsis tau paub dua li. Kuv ceeb tag thaum pom li ntawd. Yam ua uas rau kuv ceeb tshaj mas yog muaj cov ntawv txhua yam, suav txog ob phau uas ua rau kuv txaus siab heev: Txoj Lus Tshwm Hauv Lub Cev Nqaij Daim Tawv thiab Cov Lus ntawm Khetos ntawm Tiam Kawg. Kuv xav nkag siab heev tias qhov no yog dab tsi, yog li ntawd kuv thiaj li qhib Txoj Lus Tshwm Hauv Lub Cev Nqaij Daim Tawv thiab tau pom ib nqe lus. Qhov ntawd yuav ua rau koj txaus siab. “Tag nrho Kuv cov neeg uas ua dej num rau ntawm Kuv xub ntiag yuav tsum xav rov qab mus rau yav tag los: Koj txoj kev hlub rau Kuv puas tau dub tsuas tej yam tsis huv? Koj txoj kev ua siab ncaj rau Kuv puas dawb huv thiab tag siab tag ntsws nrho? Koj qhov kev paub Kuv puas yog qhov tseeb? Kuv tau qhov chaw loj npaum li cas nyob hauv nej lub siab? Kuv puas nyob puv nkaus hauv nej lub siab? Kuv cov lus ua tau tiav hlo ntau npaum li cas nyob hauv rau hauv nej? Tsis txhob saib Kuv zoo li ib tug ruam! Tej no mas yeej meej tshaj plaws rau Kuv lawm! Hnub no, thaum uas lub suab lus ntawm Kuv txoj kev cawm dim raug hais tawm, puas muaj tej yam nce siab zog nyob rau hauv nej txoj kev hlub rau Kuv? Ua ib qho ntawm nej qhov kev ua siab ncaj rau Kuv puas dawb huv tuaj? Nej qhov kev paub txog Kuv puas muaj tob zog tuaj? Ua tej lus qhuas uas hais tawm yav tag los puas ua tau ib lub hauv paus ruaj khov rau nej tej kev paub hnub no? Kuv tus Ntsujplig ho nyob hauv nej ntau npaum li cas? Kuv daim duab ho muaj qhov chaw nyob rau hauv nej ntau npaum li cas? Kuv tej lus puas raug daim phiaj nyob hauv nej? Nej puas hnov zoo li nej tsis muaj ib qho chaw zais nej tej kev txaj muag li? Nej puas ntseeg tiag tiag hais tias nej yeej tsis tsim nyog ua Kuv cov neeg li? Yog nej twb tsis nco qab tag nrho cov lus nug saum toj no lawm, ces qhov no qhia tau hais tias nej yeej nrhiav teeb meem rau nej tus kheej nkaus xwb, hais tias nej tsuas lam ua es kom zoo li yeej ua lawm xwb, thiab nyob rau thaum lub sij hawm uas Kuv xub tsa ua ntej ntawd los txog, ces nej yuav raug muab ntiab tawm mus thiab muab pov mus rau hauv lub qhov ntuj tob tsis muaj chaw tws ua zaum thib ob. Tej no yog Kuv cov lus ceeb toom, thiab leej twg los xij uas tsis saib tej lus no tseem ceeb yuav raug Kuv qhov kev txiav txim rau, thiab, nyob rau lub sij hawm teem tseg ntawd, yuav ntsib kev puas ntsoog. Tsis yog li no los?” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Vajtswv Cov Lus rau Tag Nrho Lub Qab Ntuj Khwb, Tshooj 4). Tej lus no ua rau kuv muaj lub zog loj tshaj, zoo npaum nkaus li Vajtswv Nws Tus Kheej tab tom hais lus rau kuv tim ntsej tim muag ntag. Kuv hnov zoo li Vajtswv tab tom nug kuv: Koj puas hlub Kuv tiag? Koj txoj kev zwm rau Kuv puas yog tiag ma? Lub sij hawm ntawd kuv hnov zoo li tsis kaj siab me ntsis vim hais tias, coj ncaj ncees, kuv tiam Vajtswv zoo nkaus li tias kuv lam ua kom tiav hauj lwm xwb, tsis yog vim muaj kev hlub. Muaj ib qho teeb meem ceev heev nyob rau kuv tej lus thov. Kuv tas zog thov ntau yam ntawm tus Tswv, hais tias, “Au Vajtswv, kuv xav tau ib lub tsheb, kuv xav tau hom tsev zoo li no, kuv xav tau hom hauj lwm ua zoo li tov, kuv xav tau hom poj naim zoo li no, thiab nyiaj hli zoo li tov.” Kuv paub tias tej no mas puav leej tsis muaj qab hau li. Tseem haj yam tsis zoo, yog hais tias tus Tswv ua tsis tau raws li kuv txoj kev ntshaw, Kuv yuav tawm tsam thiab liam rau Nws. Kuv txaj muag kawg nkaus txog qhov no thiab tsuas xav nrhiav ib qho chaw khiav nkaum lawm xwb vim hais tias kuv raug qhia tshwm lawm. Ces kuv xav li no, zoo nkaus kuv yog ib tug me nyuam yaus uas ntsib nws niam thiab txiv tus uas cem nws vim coj tus cwj pwm tsis zoo. Nws ua rau kuv xav paub xav pom, thiab kuv hnov zoo siab heev vim hais tias kuv hnov zoo li Vajtswv tab tom hais lus rau kuv tim ntsej tim muag. Kuv hnov tias qhov no yog Vajtswv lub suab, vim hais tias tsuas muaj Vajtswv nkaus xwb thiaj li pom tau rau hauv tib neeg lub siab lub ntsws. Qhov no ua rau kuv txaus siab heev. Kuv hais tsis tau dab tsi, yam tsis kev hle ub hle no. Kuv kuj hnov meej tias nws yog Vajtswv lub suab, yog li ntawd kuv thiaj li rau siab nyeem mus ntxiv. Nyeem kawg, kuv nyeem li ob peb nqe lus ntxiv. Kuv hnov zoo li Vajtswv hais lus rau kuv nrog rau lub hwj chim thiab muaj cai. Kuv cheem tsis tau kuv lub kuag muag rau qhov ntawd li.

Kuv nco tau ib kab lus uas ua rau kuv txaus siab heev. “Kuv nyob qhov chaw siab saib los rau tag nrho txhua yam, thiab nyob qhov chaw siab tswj fwm tag nrho txhua yam. Nyob rau tib txoj kev ntawd, Kuv tau npaj Kuv qhov kev cawm dim rau lub ntiaj teb. Yeej tsis muaj ib pliag li uas Kuv yuav tsis saib, los ntawm Kuv qhov chaw nraim nkoos, tib neeg txhua txoj kev ua thiab txhua yam uas lawv hais thiab ua li. Tib neeg ces zoo nkaus li phau ntawv uas qhib lug rau Kuv xwb: Kuv pom thiab paub lawv ib tug thiab tag nrho txhua tus. Qhov chaw nraim nkoos ces yog Kuv lub tsev, thiab tag nrho chav uas muaj chaw xauv zoo zoo ntawm ntuj ceeb tsheej ces yog lub txaj uas Kuv pw. Ntxwgnyoog cov tub rog tsis muaj cuab kav tuaj txog Kuv, vim Kuv muaj tsim, kev ncaj ncees, thiab kev txiav txim ntau phwj yaws xwb” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Vajtswv Cov Lus rau Tag Nrho Lub Qab Ntuj Khwb, Tshooj 5). Kuv hnov zoo li cov lus no mas puv npo Vajtswv lub hwj chim. Cov uas nyob ib sab ntawm Vajtswv puas yuav tuaj yeem pom peb lub siab lub ntsws? Cov uas nyob ib sab ntawm Vajtswv puas yuav tuaj yeem hais lus ncaj qha rau peb nrog lub hwj chim thiab muaj cai zoo li no ma? Vajtswv tau tsim tib neeg thiab tsuas muaj Vajtswv xwb thiaj li tuaj yeem pom txhua yam uas faus tob rau hauv peb lub siab lub ntsws. Kuv paub meej tias qhov no yog cov lus ntawm Vajtswv lawm thiab kuv hnov zoo siab heev. Yog ib qhov kev xav uas kuv yeej tsis tau hnov los dua li. Kuv nyeem ntau heev hnub ntawd thiab rov qab los tsev peb teev tom qab ntawd li txhua hnub. Kuv hnov zoo li cov lus no mas tshwj xeeb tiag tiag li. Thaum tab tom taug kev los tsev, kuv tas zog hais tias, “Vajtswv, kuv ua koj tsaug tiag tiag! Kuv twb paub Koj lub suab lawm thiab paub tias Koj twb rov qab los lawm. Kuv ua tim khawv rau Koj lub hwj chim lawm. Thov kom Koj tau txais txhua lub yeeb koob!” Kuv mas zoo siab tshaj plaws, zoo siab heev. Kuv xav txog kuv cov lus taij thov hmo ua ntej ntawd. Kuv nco ntsoov thov Vajtswv thiab thov kom Nws pab kom kuv nkag siab Nws txoj kev xav ntawm qhov kev Nws rov qab los. Thaum lub sij hawm ntawd kuv paub tias Vajtswv hnov kuv txoj kev thov lawm. Tseem tsis txaus ntseeg li thiab, Nws tau teb kuv cov lus taij thov. Nws yog tej yam ua tsis txaus ntseeg tiag tiag li! Tab sis lub sij hawm ntawd, kuv muaj nqe lus nug puv npo, xws li: Yog tias tus Tswv twb los lawm, nws los tau li cas? Nws tab tom ua tes hauj lwm dab tsi? Yuav tau lus teb los ntawm tej nqe lus nug no, Kuv thiaj li koom tes nrog cov kwv tij thiab cov muam tim Pawg Ntseeg ntawm Vajtswv Tus Uas Muaj Hwj Chim Loj Kawg Nkaus.

Lawv tau qhia kuv tias tus Tswv tau rais los ua cev nqaij daim tawv uas yog Neeg leej tub, thiab Nws los zais ntshis. Nws yog Vajtswv Tus Uas Muaj Hwj Chim Loj Kawg Nkaus thiab Nws tau nthuav tawm qhov tseeb thiab tab tom ua txoj hauj lwm tshiab. Nws yog kev txiav txim ntawm tiam kawg pib ntawm Vajtswv lub tsev uas raug muab los ua lus faj lem rau hauv Vajluskub qhov ntawd yog los cawm thiab yaug tib neeg kom dawb huv. Kuv xav tsis thoob li. Lawv qhia qhov kev sib qhia rau kuv uas ua rau paub zoo heev txog qee nqe lus ntawm Vajluskub xws li Kev Qhia Tshwm 16:15, “Saib nawb, Kuv los li ib tug tub sab.” Kuj muaj Lukas thiab 12:40, “Nej yuav tsum npaj kom txhij thiab: vim Neeg Leej Tub los rau lub sij hawm uas nej xav tsis txog.” Kuv pom tau tias tej nqe lus no hais tias tus Tswv yuav nrhais los ua cev nqaij daim tawv thiab los ua Neeg leej tub zais ntshis. “Neeg leej tub” tiag tiag ces tsis yog Vajtswv tus Ntsujplig los sis Nws lub cev sab ntsujplig, tab sis los yug ua tib neeg uas muaj kev ua neeg pej xeem thiab Vajtswv tiag tiag. Qhov ntawd ces tsuas zoo xws li tus Tswv Yexus ob txhiab xyoo dhau los xwb. Nws zoo li ib tug neeg dog dig, tab sis lub ntsiab tseeb ces Nws yog Vajtswv. Tom qab ntawd, lawv kuj tseem sib qhia txog Kev Qhia Tshwm 3:20, uas hais txog qhov tus Tswv khob qhov rooj. Kuv kawm tau tias “khob qhov rooj” yog hais txog tus Tswv qhov kev nthuav tawm cov lus tshiab nyob rau tiam kawg los khob tib neeg lub siab lub ntsws lub qhov rooj. Thaum cov neeg ntseeg tiag hnov tus Tswv cov lus lawv yuav paub tias tej ntawd yog Vajtswv lub suab, thiab lawv yog cov nkauj xwb ntse uas yuav raug coj los rau ntawm Vajtswv xub ntiag thiab txais tos tus Tswv qhov rov qab los. Qhov no kuj ua tiav hlo raws li tus Tswv Yexus lo lus faj lem tias: “Kuv cov yaj yeej hnov Kuv lub suab, thiab Kuv paub lawv, thiab lawv caum raws Kuv qab” (Yauhas 10:27). Kuv xav tias qhov no yuav yog zaum ob uas Vajtswv los ua cev qaij daim tawv los ua hauj lwm rau hauv ntiaj teb tau li cas thiab tseem yog kiag lub sij hawm thaum kuv tseem muaj txoj sia nyob hauv ntiaj teb, ua pa tib yam cua, thiab Nws tsuas zoo li ib tug neeg dog dig xwb. Kuv xav mas qhov ntawd tsis txaus ntseeg li! Kuv ib txwm xav tias Vajtswv yuav nyob saum ntuj, thiab kuv yeej tsis xav tias nyob rau tiam kawg, Vajtswv yuav los ua cev qaij daim tawv los rau hauv ntiaj teb los hais lus thiab ua tes hauj lwm tshiab.

Ces cov kwv tij thiab cov muam nyeem Vajtswv ob peb kab ntawv rau kuv uas hais txog qhov Vajtswv yug los ua neeg. “Qhov ‘kev yug los ua neeg’ yog Vajtswv qhov kev tshwm sim rau hauv lub cev nqaij daim tawv; Vajtswv ua hauj lwm rau tib neeg uas tsim los rau hauv tus yam ntxwv ntawm lub cev nqaij daim tawv. Yog li rau Vajtswv yug los ua neeg, Nws yuav tsum ua lub cev nqaij daim tawv ua ntej tso, lub cev nqaij daim tawv nrog kev ua neej; qhov no yog qhov tseem ceeb tshaj uas yuav tsum tau muaj. Qhov tseeb, qhov muaj tshwm sim ntawm Vajtswv kev yug los ua neeg yog qhov tias Vajtswv ua neej nyob thiab ua hauj lwm hauv lub cev nqaij daim tawv, tias Vajtswv hauv Nws lub ntsiab tseem ceeb kiag rais los ua lub cev nqaij daim tawv, rais los ua ib tug tib neeg” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Lub Ntsiab Tseeb Ntawm Lub Cev Nqaij Daim Tawv Uas Vajtswv Muaj). “Tus Vajtswv uas yug los ua neeg ces hu ua Khetos, thiab Khetos yog lub cev nqaij daim tawv uas Vajtswv tus Ntsujplig hnav. Lub cev nqaij daim tawv no tsis zoo li ib tug tib neeg uas yog lub cev muaj cev nqaij daim tawv. Qhov txawv ces yog vim Khetos tsis yog muaj cev nqaij daim tawv thiab roj ntsha; Nws yog qhov kev yug los ua neeg ntawm tus Ntsujplig. Nws muaj ob yam uas yog kev ua neeg thiab lub hwj chim qaum ntuj. Nws lub hwj chim qaum ntuj mas tsis muaj ib tug neeg twg muaj li. Nws kev ua neej txhawb tag nrho Nws txhua yam kev coj kev ua nyob rau hauv lub cev nqaij daim tawv, thaum lub sij hawm uas Nws lub hwj chim qaum ntuj ua tes hauj lwm ntawm Vajtswv Tus Kheej kiag. Txawm yuav yog Nws kev ua neeg los sis lub hwj chim qaum ntuj, ob qho puav leej zwm rau Leej Txiv saum ntuj ceeb tsheej lub siab nyiam. Lub ntsiab tseeb ntawm Khetos ces yog tus Ntsujplig, qhov ntawd yog, lub hwj chim qaum ntuj. Yog li ntawd, Nws lub ntsiab tseeb ces yog Vajtswv Tus Kheej kiag” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Khetos Lub Ntsiab Tseeb Ces Yog Kev Mloog Lus Raws Leej Txiv Saum Ntuj Ceeb Tsheej Txoj Kev Xav). Tom qab kuv nyeem tej nqe lus ntawm Vajtswv cov lus no lawm, kuv pom tias Vajtswv qhov yug los ua neeg yog Vajtswv tus Ntsujplig coj los ua cev nqaij daim tawv thiab los rau hauv ntiaj teb los hais lus thiab ua hauj lwm cawm tib neeg. Khetos sab nrauv zoo li ib tug neeg dog dig, noj, hnav khaub ncaws, pw zoo li txhua tus neeg, tab sis Nws muaj ib lub ntsiab tseeb los saum ntuj los. Nws tuaj yeem hais tau nrog txhua tus neeg xws li yog Vajtswv Tus Kheej thiab Nws tuaj yeem nthuav tawm qhov tseeb uas tsis muaj ib tug tib neeg twg yuav ua tau. Nws tuaj yeem ua tau tes hauj lwm ntawm Vajtswv Tus Kheej thiab ua tau raws li Vajtswv txoj kev xav. Nyob rau sab nrauv, Khetos ces tsuas zoo li tib neeg lwm tus xwb thiab peb tsis tuaj yeem qhia tau tias Nws yog Vajtswv, tab sis thaum peb hnov Nws hais lus, peb thiaj li paub tias Nws cov lus tsis yog lus hauv ntiaj teb no. Nws muaj peev xwm piav qhia qhov tseeb thiab tej yam zais tob uas yeej tsis muaj leej twg tau pom los sis hov dua li. Nws muaj peev xwm nthuav tawm tib neeg tej kev qias vuab tsuab hauv nruab siab. Yam nws nthuav tawm yog yam uas Vajtswv Tus Kheej nthuav tawm. Vim li ntawv peb thiaj li ntseeg tias Nws yog Vajtswv. Tsuas zoo xws li thaum tus Tswv Yexus ua hauj lwm rov qab ntawd, saib sab nrauv Nws zoo nkaus ib tug tib neeg dog dig xwb, tab sis Nws muaj peev xwm theej txhoj rau txhua tus tib neeg, los daws peb tej kev txhaum. Nws tuaj yeem muab kev thaj yeeb thiab kev xyiv fab, thiab txoj hmoov hlub rau peb ntau heev. Tsis muaj leej twg yuav ua tau txoj hauj lwm no tau zoo li Nws li lawm Vim hais tias tib neeg ces tsuas yog tib neeg xwb, thiab tsis muaj Vajtswv lub ntsiab tseeb. Cov kwv tij thiab cov muam kuj sib qhia ntxiv tias Vajtswv Tus Uas Muaj Hwj Chim Loj Kawg Nkaus ces zoo xws li tus Tswv Yexus ntag. Saib sab nrauv Nws zoo xws li ib tug neeg pej xeem, tab sis Nws lub ntsiab tseeb yog Vajtswv. Nws tab tom ua tes hauj lwm ntawm kev txiav txim pib nrog Vajtswv lub tsev, Tab tom nthuav tawm txhua qhov tseeb uas cawm thiab yaug tib neeg kom dawb huv, thiab qhib tej kev zais tob uas yeej tsis muaj ib tug tib neeg twg yuav tuaj yeem qhib tau li. Tshwj xeeb tshaj mas tej yam xws li kev zais tob ntawm Vajtswv txoj kev npaj cawm tib neeg rau-txhiab-xyoo, Ntxwgnyoog ua qias vuab tsuab rau tib neeg li cas, thiab Nws qhov kev qhia tshwm ntawm tib neeg tus yeeb yam phem Tsis muaj leej twg ua tau tsuas yog Vajtswv thiaj li tuaj yeem nthuav tawm tej qhov tseeb no. Tib neeg yuav ua tsis tau li ntawd. Qhov no ua pov thawj tias Vajtswv Tus Uas Muaj Hwj Chim Loj Kawg Nkaus muaj ib lub ntsiab tseeb los saum ntuj los, thiab ntawd Nws yog Khetos ntawm tiam kawg.

Tau hnov txhua yam li no pab ua rau kuv to taub qee qhov tseeb ntawm kev yug los ua neeg, Thiab kuv pom tau tias Khetos muaj kev ua neeg dog dig thiab muaj lub ntsiab tseeb los saum ntuj los. Kuv qee qhov kev xav uas pom tsis meej thiab tej kev xav phem rau Vajtswv mas meej tseeb tuaj. Qhov no ua rau kuv dim plaws tiag tiag. Vajtswv txoj kev yug los ua neeg tuaj yeem pom thiab tuav tau, thiab Nws tuaj yeem nrog tib neeg tham tim ntsej tim muag tau. Kev xav txog Vajtswv txoj kev rais los ua cev nqaij daim tawv nyob rau tiam kawg thiab nws tus kheej kev nthuav qhia tej lus los mus cawm txhua txoj kev ua neeg mas ua rau kuv zoo siab thiab txhawb nqa kuv heev. Tab sis thaum kuv hnov tias Vajtswv tau yug los ua neeg zaum ob los ua txoj hauj lwm ntawm kev txiav txim, Kuv muaj kev txhawj xeeb thiab ntshai me ntsis. Thaum kuv hnov tias tus Tswv tau rov qab los ua tes hauj lwm ntawm kev tiav txim nyob rau tiam kawg, kuv txhawj xeeb me ntsis vim hais tias kuv tab tom nyob nrog txoj kev txhaum. Kuv txhawj tias tsam kuv raug teem txim thiab raug rau txim nyob rau hauv tus Tswv txoj kev txiav txim. Vim li ntawd kuv thiaj li txhawj. Tab sis tom qab kev sib qhia nrog cov kwv tij thiab cov muam tag lawm, Kuv kawm tau tias Vajtswv tes hauj lwm ntawm kev txiav txim tsis yog los teem txim thiab rau txim rau peb, tab sis yog los cawm thiab yaug peb kom dawb huv. Nws yog ib qhov kev cawm dim tiag. Qhov tseeb tiag, tus Tswv Yexus tsuas ua ib feem ntawm tes hauj lwm ntawm kev cawm dim xwb. Nws tsuas yog zam peb tej kev txhaum xwb. Tab sis lub hauv paus ntawm peb txoj kev txhaum yeej tsis raug tshem tawm mus. Txawm hais tias peb yauv fij peb tus kheej rau Vajtswv thiab ua tib zoo ua tej yam zoo zoo xwb los xij, peb tus yeeb yam mas puv npo tej moj yam phem xws li kev khav theeb, kev iab liam, thiab kev tawv ncauj. Peb tas zog khib lwm tus uas zoo tshaj peb thiab txhua yam peb ua hauv peb lub neej yog ua rau peb tus keej. Peb mas twm xeeb tshaj plaws. Peb raug peb tej moj yam phem kav thiab khi tag nrho thiab peb tsis muaj tswv yim yuav ua li cas kom khiav dim tej pob caus ntawm txoj kev txhaum. Qhov no muaj tseeb, thiab nws yog yam uas peb hniaj hnub pom. Qhov ntawd ua rau kuv xav txog ib nqe Vajluskub no: Vajtswv hais tias: “Yog li ntawd nej yuav tsum dawb huv, vim Kuv dawb huv” (Levi Tej Kevcai 11:45). Nqe lus no ua rau peb pom meej tias peb tseem tsis tsim nyog tau nkag mus rau hauv lub teb chaws saum ntuj ceeb tsheej vim hais tias peb tsis muaj tus twg yuav dawb huv li. Vim li ntawd Khetos ntawm tiam kawg, Vajtswv Tus Uas Muaj Hwj Chim Loj Kawg Nkaus, ua tes hauj lwm ntawm kev txiav txim los cawm thiab yaug kom peb dawb huv nyob rau hauv tiam kawg, yog li ntawd peb thiaj li tuaj yeem dim plaws tej pob caus ntawm txoj kev txhaum tau puv npo thiab rais los ua cov uas ntshai thiab zwm rau Vajtswv, cov uas tsis tsim kev txhaum thiab tawm tsam Vatswv ntxiv lawm. Qhov ntawd yog lub hom phiaj ntawm Vajtswv tes hauj lwm ntawm kev txiav txim, ua tiav hlo tus Tswv Yexus cov lus faj lem: “Ntxuav lawv kom dawb huv los ntawm Koj qhov tseeb: Koj txoj lus yog qhov tseeb” (Yauhas 17:17). “Nej yuav paub qhov tseeb, thiab qhov tseeb yuav tso nej dim” (Yauhas 8:32).

Ces peb hos los nyeem ob peb kab lus qhia meej txog tes hauj lwm ntawm kev txiam txim. Vajtswv cov lus hais tias, “Txawm hais tias Yexus yeej tau ua hauj lwm ntau heev nrog tib neeg lawm, los Nws tsuas yog ua tiav qhov kev txhiv tag nrho noob neej thiab rais mus ua qhov kev theej txhoj rau tib neeg tej kev txhaum xwb; Nws tsis tau muab tag nrho tib neeg tus moj yam qias vuab tsuab tshem pov tseg. Yuav cawm tib neeg tawm tag nrho ntawm Ntxwgnyoog txoj kev haub ntxias mas tsis yog Yexus yuav tsum rais mus ua ib qho kev theej txhoj thiab ris tag nrho tib neeg tej kev txhaum nkaus xwb, tab sis Vajtswv yuav tsum tau ua tes hauj lwm loj tshaj los tshem kom tag nrho tib neeg tus moj yam qias vuab tsuab pov tseg. Thiab yog li ntawd, tam sim no tib neeg twb raug zam txim rau lawv tej kev txhaum lawm, Vajtswv tau rov los rau lub cev nqaij daim tawv los coj tib neeg mus rau tiam tshiab, thiab tau pib tes hauj lwm ntawm kev qhuab ntuas thiab kev txiav txim. Tes hauj lwm no tau coj tib neeg mus rau ib qho chaw siab dua lawm. Tag nrho cov uas zwm rau Nws txoj kev tswj fwm yuav tau txais qhov tseeb uas siab tshaj thiab tau txais koob hmoov ntau tshaj. Lawv yuav tau nyob rau hauv tus duab ci pom kev tiag tiag, thiab lawv yuav tau qhov tseeb, txoj kev, thiab txoj sia” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Zaj Lus Ua Ntej). “Khetos ntawm tiam kawg siv ntau yam kev tseeb los qhia tib neeg, los qhia tshwm tib neeg qhov tseem ntsiab, thiab phua tawm tib neeg cov lus thiab lawv tes dej num. Cov lus no suav nrog ntau txoj kev tseeb, xws li tib neeg lub luag dej num, tib neeg yuav tsum mloog Vajtswv lus li cas, tib neeg yuav tsum npuab siab rau Vajtswv li cas, tib neeg yuav tsum ua neej nyob li cas ntawm txoj kev ua neeg nyob, nrog rau txoj kev txawj ntse thiab txoj kev xav ntawm Vajtswv, thiab lwm yam ntxiv. Cov lus no puav leej raug qhia ncaj qha rau qhov tseem ntsiab ntawm tib neeg thiab nws tus yam ntxwv lwj liam. Tshwj xeeb, cov lus uas nthuav tawm txog qhov uas tib neeg tsis lees yuav Vajtswv yog hais txog qhov tib neeg yog ib qho Ntxwgnyoog tsim tawm los, thiab yog ib tug yeeb ncuab lub zog uas tawm tsam Vajtswv li cas. Thaum ua Nws txoj dej num ntawm txoj kev txiav txim, tsis yog Vajtswv cia li tshaj tawm meej meej txog tib neeg tus yam ntxwv yam yooj yim ua ob peb lo lus hais xwb; tiam sis Nws nthuav tawm, hais daws nrog, thiab cob qhia rau ncua sij hawm ntev loo. Tag nrho cov hau kev nthuav tawm, kev hais daws, thiab kev cob qhia uas sib txawv no tsis tuaj yeem muab tau tib neeg cov lus hais los hloov tau, tab sis nrog qhov tseeb ntawm qhov uas tib neeg tsis muaj. Tsuas yog cov hau kev zoo li cov no xwb thiaj tuaj yeem raug hu tias yog txoj kev txiav txim; tsuas yog los ntawm txoj kev txiav txim li yam no xwb thiaj li tuaj yeem ua kom tib neeg yeem swb thiab ntseeg Vajtswv tag nrho, thiab ntau tshaj ntawd kom tau txais qhov kev paub tseeb ntawm Vajtswv. Qhov ua txoj dej num ntawm txoj kev txiav txim coj los qhia yog kom tib neeg nkag siab txog qhov tseeb ntawm Vajtswv thiab qhov tseeb txog nws tus kheej txoj kev tawm tsam. Tes dej num ntawm txoj kev txiav txim ua rau tib neeg muaj kev nkag siab ntau txog Vajtswv lub siab nyiam, lub hom phiaj ntawm Vajtswv tes dej num, thiab ntawm tej yam kev zais uas nws tsis tuaj yeem to taub. Nws kuj cia kom tib neeg xeev pom thiab paub txog nws lub ntsiab tseeb uas qias vuab tsuab thiab lub hauv paus ntawm nws txoj kev qias vuab tsuab, nrog rau kom tshawb pom txog tib neeg lub siab phem qias thiab. Cov txiaj ntsig no tau txais los ntawm tes dej num ntawm txoj kev txiav txim, rau qhov lub ntsiab tseem ceeb ntawm tes dej num no yog tes dej num qhib qhov tseeb, txoj hau kev, thiab txoj sia ntawm Vajtswv mus rau tag nrho cov uas muaj kev ntseeg Nws tiag tiag. Qhov dej num no yog tes dej num ntawm txoj kev txiav txim ua los ntawm Vajtswv los” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Khetos Ua tes Dej Num ntawm Txoj Kev Txiav Txim Nrog Qhov Tseeb). Ces tus kwv tij thiaj li sib qhia, “Nyob rau tiam kawg, Vajtswv Tus Uas Muaj Hwj Chim Loj Kawg Nkaus nthuav tawm qhov tseeb los txiav txim thiab yaug tib neeg kom dawb huv. Vajtswv cov lus qhia tshwm thiab txiav txim peb tus yeeb yam phem, thiab qhov tseeb ntawm peb txoj kev qias vuab tsuab, los kho peb tej moj yam qias vuab tsuab thiab tej yeeb yam phem los ntawm kev sim siab thiab kev tsim kho kom zoo yog li ntawd peb pom meej tias Ntxwgnyoog tau ua kom tib neeg qias vuab tsuab tob npaum li cas, thiab pom kev khav theeb, kev coj tsis ncaj, thiab kev iab liam nyob hauv peb tus yeeb yam. Yam ntshaus siab tshaj plaws ces yog yam uas peb tuaj yeem pom tias txawm hais tias peb yuav ntseeg Vajtswv thiab maub yus tus kheej fij rau Nws, thiab ua tib zoo ua tej yam zoo zoo xwb los xij, tej yam no tsis yog ua los ntawm kev hlub los sis kev zwm rau Vajtswv, Lawv ua kom tau koob moo thiab txiaj ntsig, thiab tsuas ua kom tau kev sib pauv nrog Vajtswv xwb. Thaum tsis ua Vajtswv tes hauj lwm raws li peb tej kev xav thiab tej kev xav phem, ces peb tsis lees txais yuav Vajtswv, tsuas ua xws li cov neeg Falixais ua xwb. Peb liam rau Vajtswv thaum ntsib tej kev sim siab thiab kev txom nyem thiab peb nyob nrog peb tej moj yam qhia vuab tsuab tag nrho. Qhov no ua rau peb pom tias peb tseem tab tom nyob rau Ntawgnyoog lub zog, tias peb ces nce tag nrho rau Ntwgnyoog lawm. Tus tib neeg zoo li ntawd yuav nkag tau mus rau lub teb chaws saum ntuj ceeb tsheej tau li cas? Nws yog kev txiav txim thiab kev qhia tshwm hauv Vajtswv cov lus uas yuav ua rau peb pom peb tus kheej tus yam ntxwv tiag, pom qhov tseeb ntawm peb txoj kev qias vuab tsuab, tias peb tsis muaj peev xwm ua li Vajtswv txoj kev xav thiab tias tsis muaj ib tug ntawm peb ua tau los sis nqis tes ua kom Nws txaus siab li. Ces peb yuav khuv xim puv npo thiab rais los txaus siab hlo lees txim hloov dua siab tshiab rau ntawm Vajtswv xub ntiag. Los ntawm kev raug Vajtswv txoj kev txiav txim thiab kev rau txim, Peb pom tias Vajtswv tus moj yam tsis yog ua kom peb nyiam thiab hlub tshua xwb, tab sis kuj muaj kev ncaj ncees, muaj hwj chim tshaj, muaj meej mom tshaj, muaj kev chim siab thiab kev foom lus tsis zoo. Peb pib ntshai Vajtswv thiab rais los tso cev nqaij daim tawv tseg es los xyaum ua raws Vajtswv cov lus. Peb tsim kho qee qhov kev mloog Vajtswv hais ces peb lub neej tus moj yam pib hloov pauv. Ces peb ntsib thiab pom tiag tias Vajtswv txoj kev txiav txim, kev rau txim, kev sim siab, thiab kev tsim kho kom zoo yog Nws txoj kev cawm dim loj tshaj plaws thiab yog kev hlub loj tshaj plaws rau peb.”

Thaum hnov qhov no los ntawm tus kwv tij, kuv nkag siab txog Vajtswv tes hauj lwm kev txiav txim nyob rau hauv tiam kawg tias nws muaj nqis npaum li cas lawm. Yog hais tias tsis tau ntsib thiab pom Vajtswv kev txiav txim ntawm tiam kawg, ntshe peb yuav tsis muaj hnub to taub qhov tseeb ntawm peb txoj kev qias vuab tsuab li los sis tsis tuaj yeem los rau ntawm Vajtswv xub ntiag los lees txim hloov dua siab tshiab tiag. Hais txog ntawm kuv, kuv thov Vajtswv thiab lees txim rau tus Tswv txhua hnub, ces kuv ho tawm mus ua tej kev txhaum li qub dua ntxiv. Kuv lees txim hloov dua siab tshiab lawm tab sis yeej tsis hloov pauv li, ces kuv thiaj lo nyob nrog kev txhaum tas li. Kuv pom tau tias kuv raug kuv tus yeeb yam qias vuab tsuab kav tuag nthi lawm, thiab yog zoo li ntawd lawm, kuv yuav muaj feem nkag mus rau lub teb chaws saum ntuj ceeb tsheej thiab tau txais Vajtswv txoj kev tso cai tau li cas? Qhov ntawd mas yuav ua tsis tau li. Ua ntej no, kuv ib txwv xav tias yog hais tias kuv tshwm sim coj zoo, Vajtsw yuav tso cai rau kuv. Tab sis tam sim no kuv paub lawm tias Vajtswv xav kom tej yam phem uas nyob nrog peb kom hloov pauv. Qhov ntawd ces yog thaum kuv paub txog tes hauj lwm ntawm kev txiav txim rau peb nws tseem ceeb npaum li cas, yog tias tsis muaj ntu hauj lwm no, ces yuav tsis muaj leej twg raug cawm li. Vajtswv nthuav tawm qhov tseeb thiab ua hauj lwm ntawm kev txiav txim nyob rau tiam kawg lo yaug peb tej moj yam qias vuab tsuab yog li ntawv peb thiaj li sib haum yog li ntawv peb thiaj li sib haum nrog Vajtswv thiab nkag tau nkag mus rau hauv Nws lub teb chaws. Vajtswv txoj kev hlub mas tiag tshaj, muaj qab hau tshaj!

Kev nyeem Vajtswv Tus Uas Muaj Hwj Chim Loj Kawg Nkaus cov lus txhua hnub, kuv cia li rais los paub meej tseeb tias Vajtswv Tus Uas Muaj Hwj Chim Loj Kawg Nkaus yog tus Tswv Yexus rov qab los lawm. Nws yog Ketos ntawm tiam kawg. Tsis muaj qhov ua xyem xyav li. Txij thaum ntawd los, kev mus sib koom nyob rau kev ua neeg ntawm pawg ntseeg txhua hnub thiab kev mus sib qhia nrog cov kwv tij thiab cov muam, kuv tau kawm paub Vajtswv thiab kuv tau txais kev kaj siab heev los ntawm kev ywg dej thiab kev pab los ntawm Vajtswv cov lus. Kuv tsis ntseeg tej kev xav rau Vajtswv uas tsis meej tseeb li qhov kuv ua yav tag los lawm, tab sis ntseeg Vajtswv tus muaj qab hau uas nyob hauv cev nqaij daim tawv ua tshwm sim, tus uas taug kev thiab ua hauj lwm rau tib neeg, tus uas tuaj yeem nthuav qhia qhov tseeb txhua lub sij hawm thiab txhua txhia qhov chaw. Kuv tau hnov Vajtswv lub suab uas xyiv fab rau kev ywg dej thiab kev pab los ntawm Nws cov lus, thiab tau saj tes hauj lwm ntawm Ntsujplig lawm. Kuv los tuaj Vajtswv tog lawm. Ua tsaug rau Vajtswv Tus Uas Muaj Hwj Chim Loj Kawg Nkaus rau Nws txoj kev cawm dim!