1 Xob laim tuaj Sab Hnub Tuaj tuaj thiab ci mus rau Sab Hnub Poob. Neeg Leej Tub tau tshwm sim los thiab nthuav tawm qhov tseeb los txiav txim rau noob neej—Nws yog Vajtswv Tus Uas Muaj Hwj Chim Loj Kaug Nkaus, thiab Khetos thaum lub sij hawm kawg. Vajtswv Tus Uas Muaj Hwj Chim Loj Kaug Nkaus tau qhib xya lub hom thawj lawm; Nws tau nthuav thooj ntawv ntawd lawm. Nws txoj kev txiav txim twb tau pib hauv Vajtswv lub tsev lawm, thiab txoj kev txiav txiv thaum lub sij hawm kawg twb tau pib lawm. Vajtswv Tus Uas Muaj Hwj Chim Loj Kawg Nkaus cov lus yog qhov tseeb; cov lus ntawd tau kov yeej ntau pua txhiab tus neeg lub siab, thiab cov nkauj xwb uas ntse, uas tau hnov Vajtswv lub suab, twb tau rov qab los rau ntawm Vajtswv lub zwm txwv lawm. Vajtswv cov lus tau txiav txim thiab qhia txog lub hauv paus thiab qhov tseeb ntawm noob neej txoj kev coj tsis ncaj. Nws txoj kev txiav txim thiab kev rau txim tau ntxuav thiab cawm cov uas raug tsa sawv los nyob rau ntawm Vajtswv lub zwm txwv hauv ntej lawm.

2 Vajtswv Tus Uas Muaj Hwj Chim Loj Kawg Nkaus tau nthuav tawm tag nrho qhov tseeb uas tau los txiav txim, ntxuav, thiab cawm noob neej. Nws tau qhia meej txog Nws tus yam ntxwv ncaj ncees. Vim yog txoj kev txiav txim ntawm Vajtswv cov lus, Nws cov tib neeg thiaj li tau pom lawv tus kheej tus yeeb yam ntxwgnyoog; vim yog kev txom nyem, kev sim siab thiab kev lim tib neeg kom dawb huv, lawv tus yam ntxwv uas coj tsis ncaj thiaj li raug ntxuav dawb huv thiab hloov pauv lawm. Txhua tus tib neeg puav leej txhos caug rau ntawm Vajtswv lub xub ntiag, lawv lub siab puv nkaus kev huab hwm, qhua Nws txoj kev ncaj ncees thiab kev dawb huv. Vajtswv tus yam ntxwv tsis yog tias tsuas muaj lub siab hlub tshua thiab kev hlub xwb—nws tseem, tshaj, qhov ncaj ncees thiab qhov muaj hwj chim lawm thiab. Vajtswv Tus Uas Muaj Hwj Chim Loj Kawg Nkaus yog tus Vajtswv tseeb uas txiav txim thiab cawm noob neej. Vajtswv Tus Uas Muaj Hwj Chim Loj Kawg Nkaus tau coj txoj kev uas tau txoj sia mus ib txhis los, thiab Nws thiaj li yog noob neej txoj kev cia siab nkaus xwb.

3 Vajtswv Tus Uas Muaj Hwj Chim Loj Kawg Nkaus tau tsim ib pab tib neeg uas kov yeej nyob rau hauv teb chaws Suav, nthuav qhia Nws lub hwj chim uas tsis paub kawg thiab lub tswv yim. Cov tub rog lim hiam ntawm tus zaj loj liab ploog ntawd twb txaj muag thiab swj los ntev lawm; lawv txoj pa tshuav tu lawm xwb. Vatswv twb kov yeej Ntxwgnyoog thiab twb tau koob meej lawm, thiab Nws txoj hauj lwm loj twb tiav lawm. Vajtswv Tus Uas Muaj Hwj Chim Loj Kawg Nkaus siv Nws txoj kev ncaj ncees, kev muaj hwj chim, thiab kev chim siab los txiav txim rau lub ntiaj teb uas lim hiam, thiab coj tsis ncaj. Kev puas tsuaj loj rhuav tshem tag nrho txhua tus tub rog yeeb ncuab, thiab ua raws li Vajtswv lub siab nyiam nyob rau hauv ntiaj teb. Vajtswv Tus Uas Muaj Hwj Chim Loj Kawg Nkaus twb tau zaum nyob rau saum lub zwm txwv uas muaj koob meej lawm, ces Khetos lub teb chaws txawm tshwm sim los. Vajtswv cov lus twb tau kov yeej txhua lub teb chaws thiab txhua tus tib neeg lawm cia li los pe hawm Vajtswv Tus Uas Muaj Hwj Chim Loj Kawg Nkaus, thiab Khetos thaum lub sij hawm kawg.