1

Vajtswv Tus Uas Muaj Hwj Chim Loj Kawg Nkaus yog tus hlub kuv, coj kuv los rau ntawm Nws lub zwm txwv hauv ntej.

Kuv muaj kev xyiv fab rau Nws cov lus thiab tau koom tus Me Nyuam Yaj rooj tshoob.

Tau pom Vajtswv lub ntsej muag uas zoo nkauj ua rau kuv muaj kev zoo siab heev;

uas thaum kawg tau txais tos tus Cawm Seej rov qab los mas yog ib qhov muaj kev xyiv fab heev li.

Au! Vajtswv Tus Uas Muaj Hwj Chim Loj Kawg Nkaus mas ntxim hlub heev! Nws txoj kev txiav txim ntxuav kuv kom dawb huv.

Yuav tsis muaj qhov tsis meej pem los sis xav tsis thoob ntxiv lawm, vim kuv nkag siab qhov tseeb, thiab raug tso dim lawm.

Au! Vajtswv Tus Uas Muaj Hwj Chim Loj Kawg Nkaus mas ntxim hlub heev! Nws cov lus tau kov yeej kuv lawm.

Nws cov lus yog qhov tseeb; qhov no kuv yuav tsum nrhiav kom tau txais.

Kev ua neej nyob raws qhov muaj tiag ntawm qhov tseeb ua rau Vajtswv txaus siab heev.

2

Vajtswv Tus Uas Muaj Hwj Chim Loj Kawg Nkaus yog tus hlub kuv; Nws cov lus ntxuav kuv kom dawb huv thiab hloov kuv.

Txhua lo lus tseeb ntawm Nws txoj kev txiav txim thiab kev tshwm sim hais raug hauv kuv nruab siab.

Kuv lees txais txoj kev txiav txim ntawm Nws cov lus, thiab pom tias kuv qias vuab tsuab npaum li cas.

Kuv yuav hloov dua siab lees txim tiag tiag, kom dhau los ua ib tus neeg muaj lub siab ncaj ncees, thiab hlub Nws yam huv si.

Au! Vajtswv Tus Uas Muaj Hwj Chim Loj Kawg Nkaus mas ntxim hlub heev! Nws txoj kev txiav txim ntxuav kuv kom dawb huv.

Txawm hais tias kuv yuav tau txais koob moov los sis ntsib kev puas ntsoog, kuv thov muab fij mus raws li Vajtswv tej kev npaj tseg, thiab yuav tsis xaiv lwm txoj kev lawm.

Au! Vajtswv Tus Uas Muaj Hwj Chim Loj Kawg Nkaus mas ntxim hlub heev! Nws txoj kev hlub tau coj kuv lub siab mus lawm.

Kuv thov muab kuv lub siab rau Vajtswv, los ntawm lub siab dawb paug, thov muab fij rau Nws lub hwj chim kav thiab tej kev npaj tseg.

Kev ua neej nyob raws qhov muaj tiag ntawm qhov tseeb ua rau Vajtswv txaus siab heev.

3

Vajtswv Tus Uas Muaj Hwj Chim Loj Kawg Nkaus yog tus hlub kuv, Nws cov lus coj kuv.

Vajtswv cov lus yog qhov tseeb thiab tau dhau los yog kuv txoj sia lawm.

Nws coj kuv txawm hais tias txoj kev yuav nyuaj npaum li cas,

thiab kuv yuav tsis xav phem los sis thim rov qab dua lawm. Kuv twb txiav txim siab los raws Vajtswv lawm.

Au! Vajtswv Tus Uas Muaj Hwj Chim Loj Kawg Nkaus mas ntxim hlub heev! Nws txoj kev txiav txim ntxuav kuv kom dawb huv.

Kuv tau mob siab rau ua kuv lub luag hauj lwm kom tiav, kom thiaj li yuav txaus Vajtswv lub siab nyiam.

Au! Kuv hlub Vajtswv; kuv xav hlub Vajtswv! Kuv yuav nrhiav los hlub Nws kom tag kuv sim neej.

Kev ua raws li Nws lub siab nyiam thiab ua pov thawj rau Nws txoj hauj lwm yog peb lub luag hauj lwm hauv lub neej.

Kev ua neej nyob raws qhov muaj tiag ntawm qhov tseeb ua rau Vajtswv txaus siab heev.