1

Vajtswv Tus Uas Muaj Hwj Chim Loj Kawg Nkaus, tus Vajtswv uas muaj qab hau, Tus Uas muaj kev hlub tshaj plaws!

Koj tau los saum ntuj los rau hauv ntiaj teb thiab tau los yug ua neeg muaj cev nqaij daim tawv.

Koj nrog tib neeg nyob ua ke, txawm li ntawd los tsis muaj leej twg paub Koj li.

Koj txo hwj chim thiab nkaum, Koj hais Koj cov lus, coj txoj kev uas tau txoj sia mus ib txhis los.

Koj raug txoj kev txom nyem thiab kev poob ntsej muag tsim txom—txhua yam puav leej yog vim tib neeg txoj kev cawm dim xwb.

Koj nchuav Koj txoj sia rau tib neeg, ua rau peb pom tias Koj muaj kev hlub npaum li cas.

Au, Vajtswv Tus Uas Muaj Hwj Chim Loj Kawg Nkaus, Tus Uas muaj kev hlub tshaj plaws!

Nyob rau hauv ntiaj teb, Koj yog Tus Uas muaj kev hlub tshaj plaws; peb yuav hlub Koj mus ib txhis li.

2

Vajtswv Tus Uas Muaj Hwj Chim Loj Kawg Nkaus, tus Vajtswv uas muaj qab hau, Tus Uas muaj kev hlub tshaj plaws!

Koj lub siab thiab txoj kev hlub tsis muaj nyob rau lwm qhov chaw hauv tib neeg lub ntiaj teb li.

Koj txiav txim thiab rau txim rau tib neeg, siv ntau txoj kev los sim thiab lim lawv kom dawb huv.

Koj txoj hauj lwm thiab tej kev hais lus puav leej yog txhob txwm los ntxuav tib neeg kom dawb huv thiab cawm tib neeg kom dim xwb.

Koj muab tag nrho qhov tseeb thiab nchuav tag nrho Koj txoj kev hlub los rau peb.

Koj txoj kev txiav txim thiab Koj txoj kev hlub tau kov yeej peb lub siab tag nrho lawm.

Au, Vajtswv Tus Uas Muaj Hwj Chim Loj Kawg Nkaus, Tus Uas muaj kev hlub tshaj plaws!

Nyob rau hauv ntiaj teb, Koj yog Tus Uas muaj kev hlub tshaj plaws; peb yuav hlub Koj mus ib txhis li.

3

Vajtswv Tus Uas Muaj Hwj Chim Loj Kawg Nkaus, tus Vajtswv uas muaj qab hau, Tus Uas muaj kev hlub tshaj plaws!

Vim yog Koj txoj kev txiav txim, peb txoj kev qias vuab tsuab thiaj li raug ntxuav dawb huv lawm.

Peb txaus siab rau Koj lub tswv yim thiab txoj kev muaj hwj chim loj kawg nkaus, thiab peb paub txog Koj txoj kev ncaj ncees thiab kev dawb huv.

Peb paub txog Koj txoj kev hlub, uas muaj tiag thiab tseeb tshaj plaws.

Vim yog tus nqi tag nrho ntawm cov ntshav hauv Koj lub siab, Koj thiaj li cawm tau peb dim.

Koj muaj ntau txoj kev hlub heev. Ua li cas peb thiaj li tsis ntxub txoj kev tawm ntawm Koj mus?

Au, Vajtswv Tus Uas Muaj Hwj Chim Loj Kawg Nkaus, Tus Uas muaj kev hlub tshaj plaws!

Nyob rau hauv ntiaj teb, Koj yog Tus Uas muaj kev hlub tshaj plaws; peb yuav hlub Koj mus ib txhis li.