150 Vajtswv Tus Uas Muaj Hwj Chim Loj Kawg Nkaus, Koj Tau Kuv Lub Siab Lawm
1
Leej twg cov lus qab zib tshaj plaws thiab yug zaub mov rau kuv tus ntsuj plig?
Leej twg txoj kev hlub zoo nkauj tshaj plaws thiab txeeb tau kuv lub siab lawm?
Leej twg tes hauj lwm mas zoo tshaj plaws, yaug tag nrho tib neeg tej kev phem lawm?
Leej twg muab kev cawm dim, coj kuv los rau ntawm Vajtswv lub zwm txwv?
Leej twg qhia tawm qhov tseeb los cawm tib neeg?
Leej twg ua rau kuv rov pom qhov kev kaj dua ib zaug ntxiv?
Leej twg yog tus neeg uas ntxim hlub tshaj plaws?
Leej twg yog tus uas kuv xav txog tas mus li?
Vajtswv Tus Uas Muaj Hwj Chim Loj Kawg Nkaus, tus kuv hlub, Koj nyob hauv kuv lub siab.
Vajtswv Tus Uas Muaj Hwj Chim Loj Kawg Nkaus, tus kuv hlub, Koj tau kuv lub siab lawm.
2
Koj tau cawm tib neeg los tau rau txhiab xyoo lawm,
tam sim no rov yug los ua neeg los muab kom tau tib neeg.
Koj xyu hnyav heev rau tib neeg tej kev phem loj kawg nkaus,
saib tag nrho tib neeg saum ntuj ceeb tsheej los.
Taug kev nrog, cev ncauj cev lus nrog tib neeg,
Koj tau ntsib tau pom ntiaj teb tej kev txom nyem.
Koj hais lus thiab ua hauj lwm, tso tawm kiag Koj lub siab tej ntshav
los ua kom cov tib neeg uas hlub Koj tiag ntawd zoo tiav log.
Vajtswv Tus Uas Muaj Hwj Chim Loj Kawg Nkaus, tus kuv hlub, Koj nyob hauv kuv lub siab.
Vajtswv Tus Uas Muaj Hwj Chim Loj Kawg Nkaus, tus kuv hlub, Koj tau kuv lub siab lawm.
3
Tib neeg tsim nyog tau dab tsi los ntawm lawv txoj kev ntseeg Vajtswv?
Lawv tsim nyog tau txoj kev paub Vajtswv thiab qhov tseeb.
Dab tsi yog qhov kev txom nyem uas tsim nyog tiv?
Qhov uas ua rau tib neeg tus moj yam hloov.
Txoj kev twg thiaj muaj kev yeej? Petus txoj kev hlub Vajtswv.
Dab tsi yog txoj kev hlub tiag rau Vajtswv? Siv lub siab los saib xyuas Nws.
Vajtswv cia siab hais tias tib neeg yuav raug hloov tau thiab muab tau los ntawm Nws.
Kuv yuav rau siab ua kom haum Nws siab, nplig Nws lub siab kom tus.
Vajtswv Tus Uas Muaj Hwj Chim Loj Kawg Nkaus, tus kuv hlub, Koj nyob hauv kuv lub siab.
Vajtswv Tus Uas Muaj Hwj Chim Loj Kawg Nkaus, tus kuv hlub, Koj tau kuv lub siab lawm.
