1

Yog tias tsis muaj Vajtswv cov lus los coj kuv, ces kuv tsis muaj ib tug nqai hlau tuav kuv cia, zoo li cov ntxhuab dej.

Yog tsis muaj Vajtswv nyob rau ntawm kuv ib sab, ces kuv hnov mob thiab qhuav qhawv xwb.

Vim yog kev soj ntsuam txog yus tus kheej, ua rau kuv pom tias kuv twb ntseeg Vajtswv los tau ntau xyoo lawm tiam sis yeej tsis caum qhov tseeb hlo li.

Tsuas yog xav ntsoov txog kuv tej kev cia siab thiab lub hom phiaj rau hauv siab xwb.

Kuv ua hauj lwm hnyav tsuas yog kom tau txais koob hmoov xwb, yeej tsis hlub Vajtswv tiag tiag li.

Nws tsis nyiam thiab ntxub kuv tshaj; kuv tau poob mus rau hauv txoj kev tsaus ntuj thiab raug tsim txom loj tshaj plaws.

Kuv tej lus thov tsis tuaj yeem hu Vajtswv rov qab los nrog kuv nyob.

Yog tsis muaj kev huab hwm, kuv tsis tsim nyog los nyob rau ntawm Nws lub xwb ntiag.

Suav txog Vajtswv tej kev ua siab zoo los ntawm kev soj ntsuam txog yus tus kheej, ua rau kuv paub tias kuv tshuav Nws nqi ntau heev.

2

Tom qab uas raug txiav txim tag lawm, ua rau kuv pom tseeb txog qhov tseeb ntawm kuv txoj kev qias vuab tsuab.

Khav theeb, qhuas tias yus tus kheej ncaj ncees, coj nkhaus, thiab dag ntxias, kuv haj tseem sim twv nrog Vajtswv thiab.

Kuv haj tseem xav tias vim yog kev tso txhua yam tseg thiab kev siv nyiaj txiag rau Nws, ces kuv yuav tau txais Nws tej koob hmoov.

Vim yog txoj kev ua raws li kuv cov kev xav phem, thiaj li ua rau muaj ib qho xwm txheej phem tawm los;

muaj kev lim tib neeg kom dawb huv ntau ua rau kuv paub tias Vajtswv tus yam ntxwv ncaj ncees tsis ua siab ntev rau txoj kev txhaum kiag li.

Kuv hwm Nws, kuv ntxub kuv tus kheej tshaj plaws li, thiab tau los hloov siab lees txim tiag tiag lawm.

Kuv pom tias Vajtswv txoj kev txiav txim puav leej yog kev hlub thiab kev cawm dim.

Kuv txiav txim siab los xyaum ua qhov tseeb thiab ua kuv lub luag hauj lwm kom zoo los them rov qab rau Nws;

Kuv xav los ua ib tus neeg uas muaj lub siab ncaj ncees, uas hlub Vajtswv tiag tiag thiab nplig tau Nws lub siab.