1

Ntsiag to, tsis muaj cov lus, kuv nrhiav Koj los lawm ntev; kuv nyeem Koj cov lus nrog txoj kev tu siab hauv kuv lub siab.

Kuv ob lub qhov muag plooj nrog tej kua muag; kuv xav txog rau hnub tom ntej, thiab tias peb yuav rov sib ntsib sai sai.

Kuv tau ntxeev siab yav dhau los thiab tau rau Koj mob; ntau yam kev ua tsis raug ntawm kuv tsis tuaj yeem kho kom yog tau.

Thaum kuv tsis pom Koj lub ntsej muag, kuv lub siab mas mob kawg; kuv tos ntsoov Koj nrog tej caij nyoog uas hloov mus lawm.

As …as … kuv siv sij hawm ntau hnub thiab ntau hmo rau txoj kev tu siab.

Qhov zoo li no yog kuv qhov nuj nqi thiab kev nyuaj siab uas ua rau kua muag ntws sis los rau ntawm kuv lub ntsej muag, thiab kuv quaj thiab nyiav.

Kuv xav kho kom yog rau tej yam uas kuv ua tsis raug ntawm yav dhau los; kuv xav pom Koj thiab lees lub txim ntawm kuv tej kev xav rau Koj.

2

Kuv rov nco txog tej hnub uas muaj kev zoo siab li no; kuv keev xav txog Koj lub suab thiab Koj lub suab luag ntxhi.

Tej kev qhia uas Koj tau mob siab qhia nrov rau hauv kuv ob lub pob ntseg; tsuav yog kuv tseem muaj sia nyob, kuv yeej yuav tsis hnov qab tej ntawd li.

Ntau lub xyoo ntev npaum li no tau tsim txom rau kuv; kev kho siab zim thiab kev tsis kaj siab ua rau lees ris nyuaj heev.

Kuv npau suav txog lub sij hawm yav qub qab, tig rov mus rau ntau lub xyoo los no; kuv nyob nrog nraim ntawm Koj ib sab los ntev ua luaj li lawm.

As …as … Koj nyob qhov twg lawm, kuv Tus Neeg Hlub?

Kuv lub siab mas kub lug xav pom Koj lub ntsej muag thiab nkag los rau Koj puag.

Peb muaj tib lub siab thiab txoj kev xav hauv nruab siab, nyob ua ke mus tag ib txhiab ib txhis; thiab los sib koom ua ke, peb sau ib zaj nkauj ntawm txoj kev hlub.