1

Los ntawm txhua txoj kev, peb raug coj los rau ntawm Vajtswv lub zwm txwv xub ntiag,

sib sau ua ke rau ntawm Nws xub ntiag los koom lub rooj tshoob ntawm Tus Me Nyuam Yaj.

Vajtswv tau coj peb kev los dhau ntau tiam lawm

thiab los dhau tej kev nyuaj siab, coj peb los txog rau niaj hnub no.

Txoj kev txiav txim ntawm tiam kawg tau pib rau ntawm Vajtswv lub tsev.

Tus Vajtswv tiag tau tshwm sim lawm, hais lus los ntawm Nws lub zwm txwv,

thiab txhua tus nyob saum ntuj thiab hauv ntiaj teb zoo siab txais tos Nws qhov los txog.

Tib neeg tag nrho zoo siab thiab qhuas qhov Vajtswv rov qab los.

2

Vajtswv Tus Uas Muaj Hwj Chim Loj Kawg Nkaus tau coj peb kev nkag mus rau hauv Tiam Vajtswv Los Kav,

taug kev txhua hnub rau ntawm pawg ntseeg txhawm rau yug yaj thiab ywg dej rau peb.

Nws siv cov lus txiav txim, qhuab ntuas, sim, thiab ua kom peb dawb huv.

Peb tso peb txoj kev ntxias dag thiab kev ua cuav, tig los ua neeg ncaj ncees.

Nws yog Vajtswv txoj kev hlub uas sib khi nrog peb lub siab kom txav los ze ua ke.

Kev nyob rau hauv Nws cov lus, peb tau sib txuas lub siab thiab tus ntsuj, thiab sib hlub ib leeg rau ib leeg.

Yooj yim thiab qhib siab lug nrhiav qhov tseeb, peb muaj Vajtswv cov koob hmoov.

Peb xyaum ua raws qhov tseeb kom Nws txoj kev hlub yuav muaj nyob nrog peb mus tag ib txhiab ib txhis.

3

Nws yog Vajtswv txoj kev txiav txim thiab kev rau txim ntawm Vajtswv cov lus uas tau ua kom peb dawb huv,

ua rau peb hwm Nws thiab ntxub dab phem, thiab muaj kev thim siab lees txhaum tiag.

Peb tau tso peb tej kev xav phem thiab tej kev xav tsis muaj qab hau thiab tej kev ua kev ntseeg tseg los ntev lawm.

Peb yuav tsis tsau rau tej kev nyuaj los sis tej tswv yim zej tsoom mus ntxiv lawm.

Kev ua txhua yam rau ntawm Vajtswv cov lus ua rau peb cov ntsujplig muaj kev ywj pheej thiab muaj kev xyiv fab heev.

Kev to taub qhov tseeb ua rau peb ua neej tau yog tib neeg tiag tiag.

Peb muab peb tus kheej fij kawg siab kawg ntsws, muab fij rau Vajtswv pauj Nws txoj kev hlub.

Peb caum raws qhov tseeb thiab ua neej nyob rau qhov muaj tseeb tiag los hais lus tim khawv rau Vajtswv txoj kev hlub.

4

Cov kwv tij thiab cov nkauj muam, kev sib sau ua ke rau niaj hnub no mas nyuaj heev lawm.

Yuav ua kom muaj tiav rau Vajtswv cov lus txib, peb yuav tsum khiav los nod thiab mus tod ib zaug ntxiv.

Txoj kev mus rau lub teb chaws mas kub ntxhov, thiab peb yuav tsum thov Vajtswv koom nrog ib lub siab thiab txoj kev xav.

Kev muab tau lub neej tsis yooj yim li, nws yim tseem ceeb rau peb los ua peb txoj kev nrhiav kom kawg siab kawg ntsws.

Txawm tias peb txom nyem los ntawm kev raug txiav txim, thiab kua muag ntws ntau dua ob peb zaug lawm los xij,

Peb tej moj yam tau hloov pauv thiab peb tau saj Vajtswv txoj kev hlub lawm.

Peb caum raws Nws txoj kev xav, tshaj tawm txoj moo zoo thiab ua tim khawv rau Nws.

Peb yuav hlub Vajtswv tiag tiag, thiab yuav tsis ua rau Nws tej kev xav zoo raug tso pov tseg dawb rau ntawm peb.

Peb yuav hlub Vajtswv tiag tiag, kom Nws txoj kev hlub thiaj li nyob nrog peb mus tag ib txhiab ib txhis.